Eva Marie Saint

C'l artìcul chè 'l è scrit in Miranduléś

L’Eva Marie Saint (Newark, 4 ad Luj dal 1924) l'è n'atōra americàna, vinsidōra dal Prèmi Òscar dal 1955 p'r al film Fronte del porto.

A 'l cìnema l'è stada n'eśèmpi ad dóna decìśa ch'la tîṅ adrē a i sò vlēr ma anc delicàda e riservàda 'd caràtar. La gh'à na stéla in dla Hollywood Walk of Fame.

Biugrafìa

Uriginària dal New Jersey, la Marie Saint da śōvna la stùdia recitasiòṅ a la Bowling Green State University. Finìda la scōla, la lavóra subìt a la ràddio e in televiśiòṅ par pò impgnàr-'s in dal mónd dal cìnema tulénd part insém a Marlon Brando a Fronte del porto (1954) 'd Elia Kazan, pelìcula ch'la gh fruta 'n Academy Award cuma atōra minga prutagunìsta.

L'Eva la tōś pò part a L'albero della vita (1957) 'd Edward Dmytryk, insém a l'Elizabeth Taylor e a Montgomery Clift, e a Un cappello pieno di pioggia (1957) ad Fred Zinnemann, cun Anthony Franciosa e Don Murray. In dal 1959 l'è a fiànc a Cary Grant e a James Mason in Intrigo internazionale, òṅ di caplavōr màsim 'd Alfred Hitchcock, ch'l'à puntâ i pē p'r avēr lē invéci dla Cyd Charisse, sarnìda a 'l inìsi da qvéi dla Metro Goldwyn Mayer.

La sò caréra la cuntìnua anc se da spés cun dal parti minga da prutagunìsta. In di an Ssanta la gira Exodus (1960) 'd Otto Preminger, in còpia cun Paul Newman, E il vento disperse la nebbia (1962) ad John Frankenheimer, insém a Warren Beatty, in alóra atōr śōvan ch'al prumitìva bèṅ, Castelli di sabbia (1965) ad Vincente Minnelli, cun Richard Burton e l'Elizabeth Taylor e Grand Prix (1966) ad John Frankenheimer, pelìcula cun dal star internasiunàli cuma James Garner, Yves Montand e Toshirō Mifune.

La lasa 'l cinéma par soquànt an, dòp avēr girâ cun Gregory Peck al drama Loving - Gioco crudele (1970) e la cumèdia Prenotazione annullata (1972). In di an Stanta la fà soquànt telefìlm, al più impurtànt 'l è Alla conquista del West in dua par la part dla fòrta Kate Macahan l'è stada candidàda a i Emmy Awards in dal 1977.

La tórna a far di film in dal 1986 cun la commedia Niente in comune ad Garry Marshall in du la fà la màd'r ad Tom Hanks. Fra i sò ùltim film a 'rcurdém Sognando l'Africa (2000) cun la Kim Basinger, Non bussare alla mia porta (2005) ad Wim Wenders in dua la rècita cun la Jessica Lange e Tim Roth faghénd la màdar dal prutagunìsta Sam Shepard, Superman Returns (2006) ad Bryan Singer, in du la fà la màd'r ad Superman, e Storia d'inverno (2014), pelìcula cun Colin Farrell fata ch'la gh'iva bèla nuànt'an.

Filmugrafìa

1947 - A Christmas Carol, regìa ad James Caddigan – Film TV
1953 - The Trip to Bountiful, regìa ad Vincent J. Donehue – Film TV
1954 - Fronte del porto (On the Waterfront), regìa 'd Elia Kazan
1956 - Quel certo non so che (That Certain Feeling), regìa ad Melvin Frank e 'd Norman Panama
1957 - Un cappello pieno di pioggia (A Hatful of Rain), regìa ad Fred Zinnemann
1957 - L'albero della vita (Raintree County), regìa 'd Edward Dmytryk
1959 - Intrigo internazionale (North by Northwest), regìa 'd Alfred Hitchcock
1960 - Exodus, regìa 'd Otto Preminger
1962 - E il vento disperse la nebbia (All Fall Down), regìa ad John Frankenheimer
1964 - Le ultime 36 ore (36 Hours), regìa ad George Seaton
1964 - Canto per un altro Natale (A Carol for Another Christmas), regìa ad Joseph L. Mankiewicz – Film TV
1965 - Castelli di sabbia (The Sandpiper), regìa ad Vincente Minnelli
1966 - Arrivano i russi, arrivano i russi (The Russians Are Coming the Russians Are Coming), regìa ad Norman Jewison
1966 - Grand Prix, regìa ad John Frankenheimer
1968 - La notte dell'agguato (The Stalking Moon), di Robert Mulligan
1970 - Loving - Gioco crudele (Loving), regìa 'd Irvin Kershner
1972 - Prenotazione annullata (Cancel My Reservation), regìa ad Paul Bogart
1974 - The First Woman President, regìa ad Delbert Mann – Film TV
1977 - The Fatal Weakness, regìa ad Norman Lloyd – Film TV
1978 - Taxi!!, regìa ad Joseph Hardy – Film TV
1978 - Un Natale da ricordare (A Christmas to Remember), regìa ad George Englund – Film TV
1979 - Un posto per l'inferno (When Hell Was in Session), regìa ad Paul Krasny – Film TV
1980 - Il segreto di Tutankamen (The Curse of King Tut's Tomb), regìa ad Philip Leacock – Film TV
1981 - The Best Little Girl in the World, regìa ad Sam O'Steen – Film TV
1981 - Splendore nell'erba (Splendor in the Grass), regìa ad Richard Sarafian – Film TV
1983 - Jane Doe, regìa 'd Ivan Nagy – Film TV
1984 - Una luce nel buio (Love Leads the Way: A True Story), regìa ad Delbert Mann – Film TV
1986 - Gli ultimi giorni di Patton (The Last Days of Patton), regìa ad Delbert Mann – Film TV
1986 - Niente in comune (Nothing in Common), regìa ad Garry Marshall
1987 - Norman Rockwell – Lontano da casa (Breaking Home Ties), regìa ad John Wilder – Film TV
1988 - Tornerò a Natale (I'll Be Home for Christmas), regìa ad Marvin J. Chomsky – Film TV
1991 - Danielle Steel - Palomino (Danielle Steel's Palomino), regìa ad Michael Miller – Film TV
1993 - In compagnia dell'assassino (Kiss of a Killer), regìa ad Larry Elikann – Film TV
1995 - My Antonia, regìa ad Joseph Sargent – Film TV
1996 - Per amore di Jimmy (After Jimmy), regìa ad Glenn Jordan – Film TV
1996 - Mariette in Ecstasy, regìa ad John Bailey
1997 - Time to Say Goodbye?, regìa ad David Hugh Jones
1999 - Jackie's Back!, regìa ad Robert Townsend – Film TV
2000 - Gli angeli di papà (Papa's Angels), regìa ad Dwight H. Little – Film TV
2000 - Sognando l'Africa (I Dreamed of Africa), regìa ad Hugh Hudson
2003 - Casa dolce casa (Open House), regìa 'd Arvin Brown – Film TV
2005 - Il mio amico a quattro zampe (Because of Winn-Dixie), regìa ad Wayne Wang
2005 - Non bussare alla mia porta (Don't Come Knocking), regìa ad Wim Wenders
2006 - Superman Returns, regìa ad Bryan Singer
2014 - Storia d'inverno (Winter's Tale), regìa 'd Akiva Goldsman
2019 - Mariette in Ecstasy, regìa ad John Bailey

Culegamènt estéran

Àtar prugèt

Wikimedia Commons contiene file multimediali su Eva Marie Saint