Ethan Hawke

C'l artìcul chè 'l è scrit in Miranduléś

Ethan Green Hawke (Austin, 6 ad Nuvémbar dal 1970, a s lèś [ˈiːθən hɔk] in ingléś) 'l è 'n atōr, prudutōr, regìsta, senegiadōr e scritōr americàṅ, candidâ a sinc Prèmi Òscar sénsa mai vìnsar, in dal 2002 cuma atōr minga prutagunìsta p'r al pulisiésc Training Day, girâ in còpia cun Denzel Washington, in dal 2005 par la senegiadùra dal film sentimentàł Before Sunset - Prima del tramonto, in dal 2014 par la senegiadùra dal sò séguit Before Midnight, in dal 2015 cuma atōr minga prutagunìsta in dal drama Boyhood, cun la Patricia Arquette, e in dal 2026 cuma atōr prutagunìsta p'r al biugràfic Blue Moon, ch'l à fat insém a Bobby Cannavale.

'L à tacâ a recitàr a 'l cìnema vèrs in dla secónda mità di an Utànta tulénd part a 'l film ad fantasiénsa Explorers, insém a River Phoenix, e a 'l drama L'attimo fuggente in dua 'l iva fat un studènt ad Robin Williams. In di an Nuànta a 'l ém vist in dal film dramàtic Alive - Sopravvissuti (1993), la stòria véra d'n aparéć vgnû śò su 'l muntàgni di Andi in dua lò 'l iva fat la part dal śugadōr ad rugby Fernando Parrado, in dla cumèdia Giovani, carini e disoccupati (1994), in di pagn dal muróś dla Winona Ryder, in dal drama sentimentàł Prima dell'alba (1995), in dal fantasientìfic Gattaca - La porta dell'universo (1997), a fiànc dl'Uma Thurman e 'd Jude Law, in Paradiso perduto, film dal 1998 fat in còpia cun la Gwyneth Paltrow, e Amore a doppio senso (1998), cun prutagunìsta Vincent D'Onofrio.

Da i an Dumìla in avànti al pòrta a cà soquànti nomination a i Academy Award, p'r al rèst a 'l arcurdém in dal film 'd asiòṅ Assault on Precinct 13 (2005), arfacimènt dna pelìcula dal 1976 ad John Carpenter da 'l tìtul Distretto 13 - Le brigate della morte, in dal thriller Identità violate (2004), in còpia cun l'Angelina Jolie, e in dal śal Onora il padre e la madre (2007), dirèt par Sidney Lumet. Fra i sò ùltim lavōr a psém nutàr al biugràfic Tesla (2020) cun lò in di pagn d'l inventōr Nikola Tesla.

A teàtar 'l à purtâ su 'l palc òvri 'd Anton Čechov (cuma Al gabiàṅ e Al giardèṅ dal sriśàri), William Shakespeare e Tennessee Williams. Da scritōr 'l à scrit tri rumànś: Amōr śōvan (1996), Mercurdè dal séndri (2002) e Al règhli dal cavalēr (2015).

Sustenidōr dal partî demucràtic, Hawke 'l è stâ spuśâ da 'l 1998 a 'l 2005 cun la culéga Uma Thurman ch'la gh'à dâ dū fiōi: la Maya Hawke e Levon Roan. In dal 2008 'l à tòlt in mujēr la baby sitter di sò putèṅ, la Ryan Shawhughes. Da chi lē al gh'à abû atri dó putìni: la Clementine Jane e lʼIndiana.

Filmugrafìa

cuma atōr

1985 - Explorers, regìa ad Joe Dante
1989 - L'attimo fuggente (Dead Poets Society), regìa ad Peter Weir
1989 - Dad - Papà (Dad), regìa ad Gary David Goldberg
1991 - Zanna Bianca - Un piccolo grande lupo (White Fang), regìa ad Randal Kleiser
1991 - Vediamoci stasera... porta il morto (Mystery Date), regìa ad Jonathan Wacks
1992 - Vicino alla fine (A Midnight Clear), regìa ad Keith Gordon
1992 - Waterland - Memorie d'amore (Waterland), regìa ad Stephen Gyllenhaal
1992 - Cambiar vita (Rich in Love), regìa ad Bruce Beresford
1993 - Alive - Sopravvissuti (Alive), regìa ad Frank Marshall
1994 - Floundering, regìa ad Peter McCarthy
1994 - Giovani, carini e disoccupati (Reality Bites), regìa ad Ben Stiller
1994 - La leggenda di Zanna Bianca (White Fang 2: Myth of the White Wolf), regìa ad Ken Olin
1994 - Quiz Show, regìa ad Robert Redford
1995 - Prima dell'alba (Before Sunrise), regìa ad Richard Linklater
1995 - Cerca e distruggi (Search and Destroy), regìa ad David Salle
1997 - Gattaca - La porta dell'universo (Gattaca), regìa 'd Andrew Niccol
1998 - Paradiso perduto (Great Expectations), regìa 'd Alfonso Cuarón
1998 - Newton Boys, regìa ad Richard Linklater
1998 - Amore a doppio senso (The Velocity of Gary), regìa ad Dan Ireland
1999 - Joe the King, regìa ad Frank Whaley
1999 - La neve cade sui cedri (Snow Falling on Cedars), regìa ad Scott Hicks
2000 - Hamlet 2000, regìa ad Michael Almereyda
2001 - Waking Life, regìa ad Richard Linklater
2001 - Tape, regìa ad Richard Linklater
2001 - Training Day, regìa 'd Antoine Fuqua
2001 - The Jimmy Show, regìa ad Frank Whaley
2004 - Before Sunset - Prima del tramonto (Before Sunset), regìa ad Richard Linklater
2004 - Identità violate (Taking Lives), regìa ad D.J. Caruso
2005 - Assault on Precinct 13, regìa ad Jean-François Richet
2005 - One Last Thing..., regìa 'd Alex Steyermark
2005 - Lord of War, regìa 'd Andrew Niccol
2006 - Fast Food Nation, regìa ad Richard Linklater
2006 - L'amore giovane (The Hottest State), regìa 'd Ethan Hawke
2007 - Onora il padre e la madre (Before the Devil Knows You're Dead), regìa ad Sidney Lumet
2008 - Boston Streets (What Doesn't Kill You), regìa ad Brian Goodman
2009 - Brooklyn's Finest, regìa 'd Antoine Fuqua
2009 - New York, I Love You, regìa 'd Yvan Attal
2009 - Staten Island, regìa ad James DeMonaco
2009 - Daybreakers - L'ultimo vampiro (Daybreakers), regìa ad Michael e Peter Spierig
2011 - La Femme du V^ème, regìa ad Paweł Pawlikowski
2012 - Total Recall - Atto di forza (Total Recall), regìa ad Len Wiseman
2012 - Sinister, regìa ad Scott Derrickson
2013 - La notte del giudizio (The Purge), regìa ad James DeMonaco
2013 - Before Midnight, regìa ad Richard Linklater
2013 - Getaway - Via di fuga (Getaway), regìa dla Courtney Solomon
2014 - Boyhood, regìa ad Richard Linklater
2014 - Predestination, regìa ad Michael e Peter Spierig
2014 - Cymbeline, regìa ad Michael Almereyda
2014 - Exit Strategy, regìa 'd Antoine Fuqua - Film TV
2014 - Good Kill, regìa 'd Andrew Niccol
2015 - Regression, regìa 'd Alejandro Amenábar
2015 - Ten Thousand Saints, regìa ad Shari Springer Berman e Robert Pulcini
2015 - Born to Be Blue, regìa ad Robert Budreau
2015 - Il piano di Maggie - A cosa servono gli uomini (Maggie's Plan), regìa dla Rebecca Miller
2016 - Nella valle della violenza (In a Valley of Violence), regìa ad Ti West
2016 - The Phenom, regìa ad Noah Buschel
2016 - I magnifici 7 (The Magnificent Seven), regìa 'd Antoine Fuqua
2016 - Maudie - Una vita a colori (Maudie), regìa dl'Aisling Walsh
2017 - Valerian e la città dei mille pianeti (Valerian and the City of a Thousand Planets), regìa ad Luc Besson
2017 - First Reformed - La creazione a rischio (First Reformed), regìa ad Paul Schrader
2017 - Le ultime 24 ore (24 Hours to Live), regìa ad Brian Smrz
2018 - Juliet, Naked - Tutta un'altra musica (Juliet, Naked), regìa ad Jesse Peretz
2018 - Rapina a Stoccolma (Stockholm), regìa ad Robert Budreau
2019 - Adopt a Highway, regìa ad Logan Marshall-Green
2019 - The Kid, regìa ad Vincent D'Onofrio
2019 - Le verità (La vérité), regìa 'd Hirokazu Kore'eda
2020 - Tesla, regìa ad Michael Almereyda
2020 - Acque buie (Cut Throat City), regìa ad RZA
2021 - Black Phone (The Black Phone), regìa ad Scott Derrickson
2021 - Zeros and Ones, regìa 'd Abel Ferrara
2022 - The Northman, regìa ad Robert Eggers
2022 - Glass Onion: Knives Out (Glass Onion: A Knives Out Mystery), regìa ad Rian Johnson
2022 - Raymond & Ray, regìa ad Rodrigo García
2023 - Il mondo dietro di te (Leave the World Behind), regìa ad Sam Esmail
2025 - Black Phone 2, regìa ad Scott Derrickson
2025 - She Dances, regìa ad Rick Gomez
2025 - Blue Moon, regìa ad Richard Linklater
2026 - The Weight, regìa ad Padraic McKinley

cuma regìsta

2001 - Chelsea Walls
2006 - L'amore giovane (The Hottest State)
2008 - Blaze
2008 - Wildcat

Culegamènt estéran

Àtar prugèt

Wikiquote contiene citazioni di o su Ethan Hawke
Wikimedia Commons contiene file multimediali su Ethan Hawke