Eric Stoltz

C'l artìcul chè 'l è scrit in Miranduléś

Eric Cameron Stoltz (Whittier, 30 ad Setémbar dal 1961, a s lèś [ˈɛrɪk stoʊlts] in ingléś) 'l è 'n atōr, regìsta e prudutōr americàṅ, candidâ a 'n Golden Globe in dal 1986 p'r al drama biugràfic Dietro la maschera, fat insém a la Cher in dua lò 'l à recitâ la part 'd un ragàs malâ 'd leontìaśi pò mòrt a séd'ś an, e a 'n Emmy Award in dal 2002.

Uriginàri dla Cuntèa 'd Orange, in dal sud dla Califòrgna, Eric 'l à tacâ la sò caréra da atōr a darsèt an laurànd in soquànt òvri par la televiśiòṅ cuma i telefìlm Una famiglia americana, La famiglia Bradford e Uno sceriffo contro tutti.

In dal 1982 al rècita in dla cumèdia Fuori di testa, cun prutagunìsta Sean Penn e la Jennifer Jason Leigh, méntar tri an dòp al vîṅ sarnî par far la part ad Marty McFly in dal film Ritorno al futuro ma dòp soquànti stmani ad giràdi Michael J. Fox al tōś al sò pòst. Eric al cata pò spasi in dal thriller Terrore al luna park, cun James Spader, e in dal drama Dietro la maschera faghénd la part 'd un ragàs dasfurmâ in dla ghigna. In dal 1987 a 'l ém vist in dal thriller I delitti della palude, in còpia cun la Jennifer Jason Leigh, e pò 'l è stâ prutagunìsta dal film ad scarésa dal 1989 La mosca 2, séguit ad La mosca, in dla part dal fiōl ad Jeff Goldblum Martin Brundle.

In di an Nuànta a 'l arcurdém p'r al film ambintâ in dla séna grunge ad Seattle Singles - L'amore è un gioco (1992), cun la Bridget Fonda e Matt Dillon, in dla cumèdia Vado a vivere a New York (1993), insém a Tony Curtis, la Kathleen Turner e Timothy Dalton, in dal thriller Killing Zoe (1993), c'n un rōl da rapinadōr, e in Pulp Fiction (1994), in dla part d'l amìg spaciadōr ad John Travolta ch'l al juta a far na puntùra 'd adrenalìna a 'l cōr a l'Uma Thurman.

'L è 'n bel mumènt par la sò caréra e Eric al vîṅ sarnî anc par la cumèdia sentimentàla Il tuo amico nel mio letto (1994), in còpia cun la Meg Tilly, p'r al drama Piccole donne (1994), insém a la Winona Ryder, a la Kirsten Dunst, a la Susan Sarandon e a Christian Bale, p'r al stòrig Rob Roy (1995), in dla part d'l amìg ad Liam Neeson masâ a tradimènt da Tim Roth, par la pelìcula ad scarésa L'ultima profezia (1995), cun Christopher Walken e la Virginia Madsen, p'r al drama spurtìṿ Jerry Maguire (1996), in dua 'l à incruśâ Cuba Gooding Jr. e Tom Cruise, e p'r i thriller dal 1997 Keys to Tulsa, cun la Deborah Kara Unger, e Anaconda, cun la Jennifer Lopez, e par qvél dal 1998 Analisi di un delitto cun Cuba Gooding Jr. e Tom Berenger.

Fra i sò àtar film girâ in séguit a psém nutàr la cumèdia sentimentàla Le regole dell'attrazione (2002), in dla part 'd un prufesōr universitàri ch'al dmanda dal sès a 'l sò studènti par dar-ag di bei vōt, e 'l thriller The Butterfly Effect, faghénd un pàdar pedòfil ch'al gira dal filmìni in cantìna.

Su i schérum pìcui 'l à laurâ in di telefìlm A cuore aperto, Innamorati pazzi, Chicago Hope, Ancora una volta, Law & Order - Unità vittime speciali, Will & Grace, Close to Home - Giustizia ad ogni costo e Grey's Anatomy.

Dòp na relasiòṅ cun la Bridget Fonda, in dal 2005 'l à spuśâ la cantànta Bernadette Moley, avénd sèg na fiōla ciamàda Catalina.

Filmugrafìa

cuma atōr

1978 - The Grass Is Always Greener Over the Septic Tank, regìa ad Robert Day – Film TV
1982 - Fuori di testa (Fast Times at Ridgemont High), regìa dl'Amy Heckerling
1982 - Paper Dolls, regìa 'd Edward Zwick – Film TV
1983 - Un assassino in famiglia (A Killer in the Family), regìa ad Richard T. Heffron – Film TV
1983 - Surf II - Sole e pupe a Surf City (Surf II), regìa ad Randall M. Badat
1984 - 24 ore per non morire (Running Hot), regìa ad Mark Griffiths
1984 - The Wild Life, regìa 'd Art Linson
1985 - Terrore al luna park (The New Kids), regìa ad Sean S. Cunningham
1985 - Dietro la maschera (Mask), regìa ad Peter Bogdanovich
1985 - Nome in codice: Smeraldo (Code Name: Emerald), regìa ad Jonathan Sanger
1987 - Un meraviglioso batticuore (Some Kind of Wonderful), regìa 'd Howard Deutch
1987 - Cuor di leone (Lionheart), regìa ad Franklin J. Schaffner
1987 - I delitti della palude (Sister, Sister), regìa ad Bill Condon
1988 - L'estate stregata (Haunted Summer), regìa 'd Ivan Passer
1988 - Manifesto, regìa ad Dušan Makavejev
1989 - La mosca 2 (The Fly II), regìa ad Chris Walas
1989 - Non per soldi... ma per amore (Say Anything...), regìa ad Cameron Crowe
1989 - La ragazza dei sogni (The Rachel Papers), regìa ad Damian Harris
1990 - Memphis Belle, regìa ad Michael Caton-Jones
1991 - Money - Intrigo in nove mosse (Money), regìa ad Steven Hilliard Stern
1992 - Vita di cristallo (The Waterdance), regìa ad Neal Jimenez e 'd Michael Steinberg
1992 - Singles - L'amore è un gioco (Singles), regìa ad Cameron Crowe
1992 - The Heart of Justice, regìa ad Bruno Barreto – Film TV
1993 - Affari di cuore (Foreign Affairs), regìa ad Jim O'Brien – Film TV
1993 - Desideri smarriti (Bodies, Rest & Motion), regìa ad Michael Steinberg
1993 - Vado a vivere a New York (Naked in New York), regìa ad Daniel Algrant
1993 - Killing Zoe, regìa ad Roger Avary
1994 - Insieme verso la notte, regìa 'd Alan Metzger – Film TV
1994 - Pulp Fiction, regìa ad Quentin Tarantino
1994 - Il tuo amico nel mio letto (Sleep with Me), regìa ad Rory Kelly
1994 - Piccole donne (Little Women), regìa ad Gillian Armstrong
1995 - Rob Roy, regìa ad Michael Caton-Jones
1995 - L'ultima profezia (The Prophecy), regìa ad Gregory Widen
1995 - Scalciando e strillando (Kicking and Screaming), regìa ad Noah Baumbach
1995 - Fluke, regìa ad Carlo Carlei
1996 - Non guardare indietro (Don't Look Back), regìa ad Geoff Murphy – Film TV
1996 - Inside, regìa 'd Arthur Penn – Film TV
1996 - La grazia nel cuore (Grace of My Heart), regìa dl'Allison Anders
1996 - Due giorni senza respiro (2 Days in the Valley), regìa ad John Herzfeld
1996 - Jerry Maguire, regìa ad Cameron Crowe
1997 - Mr. Jealousy, regìa ad Noah Baumbach
1997 - Keys to Tulsa, regìa ad Leslie Greif
1997 - Anaconda, regìa ad Luis Llosa
1998 - Hi-Life, regìa ad Roger Hedden
1998 - Analisi di un delitto (A Murder of Crows), regìa ad Rowdy Herrington
1998 - Blackout ad alta quota (The Blackout Effect), regìa ad Jeff Bleckner – Film TV
1999 - Our Guys: Outrage at Glen Ridge, regìa ad Guy Ferland – Film TV
1999 - The Passion of Ayn Rand, regìa ad Christopher Menaul – Film TV
2000 - Common Ground, regìa dla Donna Deitch – Film TV
2000 - One Kill, regìa ad Christopher Menaul – Film TV
2000 - The Last Dance, regìa ad Kevin Dowling – Film TV
2000 - The Simian Line, regìa dla Linda Yellen
2000 - La casa della gioia (The House of Mirth), regìa ad Terence Davies
2001 - My Horrible Year!, regìa ad Eric Stoltz – Film TV
2001 - Harvard Man, regìa ad James Toback
2001 - Hollywood Palms, regìa ad Jeffrey Nachmanoff
2002 - Le regole dell'attrazione (The Rules of Attraction), regìa ad Roger Avary
2003 - Amore e odio a New York (Happy Hour), regìa ad Mike Bencivenga
2003 - È arrivato Zachary (When Zachary Beaver Came to Town), regìa ad John Schultz
2004 - The Butterfly Effect, regìa 'd Eric Bress e 'd J. Mackye Gruber
2005 - The Honeymooners, regìa ad John Schultz
2006 - The Lather Effect, regìa dla Sarah Kelly
2008 - Blank Slate, regìa ad John Harrison – Film TV
2011 - Fort McCoy, regìa dla Kate Connor e 'd Michael Worth
2012 - Modern Love, regìa 'd Alan Poul – Film TV
2014 - Dalle 5 alle 7: Due ore per l'amore (5 to 7), regìa ad Victor Levin
2015 - Larry Gaye: Renegade Male Flight Attendant, regìa ad Sam Friedlander
2017 - Class Rank, regìa 'd Eric Stoltz
2018 - Her Smell, regìa 'd Alex Ross Perry
2019 - Lucky Day, regìa ad Roger Avary
2026 - Original Sound, regìa ad Gregory Jbara

cuma regìsta

2001 - My Horrible Year! – Film TV
2017 - Class Rank
2017 - Confessions of a Teenage Jesus Jerk

Culegamènt estéran

(IT) Filmugrafìa in s'l IMDb

Àtar prugèt

Wikimedia Commons contiene file multimediali su Eric Stoltz