Eric Bana

C'l artìcul chè 'l è scrit in Miranduléś

Eric Banadinović, cgnusû méj cuma Eric Bana (Melbourne, 9 'd Agóst dal 1968, a s lèś [ˈɛɹɪk ˈbænə] in ingléś), 'l è 'n atōr austragliàṅ.

Fiōl 'd un cruàt e dna tedésca, Eric 'l à tacâ la sò caréra faghénd al còmig in dla série Full Frontal prima 'd meritàr-'s un sèrt sucès a livèl internasiunàł cun Chopper, in dua 'l fava 'n delinquènt. Par cla part chè 'l è stâ premiâ a 'l Fèstival dal Film ad Stucólma.

Dòp déś an pasâ in Austràglia faghénd di film e di spetàcui televiśìṿ, al cata 'l sucès anc a Hollywood in dal 2001 faghénd al sergìnt dla Delta Force Norm Hooten in Black Hawk Down.

Dū an dòp al vîṅ sarnî p'r Ang Lee par far la part dal dutōr Bruce Banner in Hulk, film trat da 'n fumét dla Marvel Comics. In dal 2004 al fà la part dal trujàṅ Ettore in dal film Troy, girâ cun Brad Pitt e Orlando Bloom.

In dal 2005 'l è 'l prutagunìsta ad Munich, pelìcula giràda par Steven Spielberg. In séguit al lavóra cun la Drew Barrymore, Robert Duvall e Robert Downey Jr. in dal film dramàtic ad Curtis Hanson Le regole del gioco.

In dal 2009 al tōś part a 'l film ad fantasiénsa Star Trek e pò anc a Un amore all'improvviso ad Robert Schwentke.

In dla vita 'l è ambasadōr ad Father Chris Riley's charity, n'asuciasiòṅ ch'la juta i śōvan sénsa téǵ. Al gh'à na pasiòṅ p'r al cursi in màchina, dal vòlti al gh tōś anc part cuma in dal 2007 quànd in un rally in Taśmàgna 'l à fat 'n incidènt sénsa armàgn'r uféś.

Da 'l 2 'd Agóst dal 1997 'l è spuśâ cun la Rebecca Gleeson ch'la lavóra in dal mónd dal reclàm. Al gh'à dū fiōi, Klaus (1999) e la Sophia (2002).

Biugrafìa

1997 - Casa dolce casa (The Castle), regìa ad Rob Sitch
2000 - Chopper, regìa 'd Andrew Dominik
2001 - Black Hawk Down - Black Hawk abbattuto (Black Hawk Down), regìa ad Ridley Scott
2002 - The Nugget - Tre uomini e una pepita (The Nugget), regìa ad Bill Bennett
2003 - Hulk, regìa ad Ang Lee
2004 - Troy, regìa ad Wolfgang Petersen
2005 - Munich, regìa ad Steven Spielberg
2007 - Le regole del gioco (Lucky You), regìa ad Curtis Hanson
2007 - Meno male che c'è papà - My Father (Romulus, My Father), regìa ad Richard Roxburgh
2008 - L'altra donna del re (The Other Boleyn Girl), regìa ad Justin Chadwick
2009 - Star Trek, regìa ad J. J. Abrams
2009 - Funny People, regìa ad Judd Apatow
2009 - Un amore all'improvviso (The Time Traveler's Wife), regìa ad Robert Schwentke
2011 - Hanna, regìa ad Joe Wright
2012 - Legami di sangue - Deadfall (Deadfall), regìa ad Stefan Ruzowitzky
2013 - Closed Circuit, regìa ad John Crowley
2013 - Lone Survivor, regìa ad Peter Berg
2014 - Liberaci dal male (Deliver Us from Evil), regìa ad Scott Derrickson
2016 - L'ultima tempesta (The Finest Hours), regìa ad Craig Gillespie
2016 - Special Correspondents, regìa ad Ricky Gervais
2016 - Il segreto (The Secret Scripture), regìa ad Jim Sheridan
2017 - King Arthur - Il potere della spada (King Arthur: Legend of the Sword), regìa ad Guy Ritchie
2017 - Condannato a combattere - The Forgiven (The Forgiven), regìa ad Roland Joffé
2020 - Chi è senza peccato - The Dry (The Dry), regìa ad Robert Connolly
2022 - Blueback, regìa ad Robert Connolly
2024 - Force of Nature - Oltre l'inganno (Force of Nature: The Dry 2), regìa ad Robert Connolly

Culegamènt estéran

(EN) Filmugrafìa in s'l IMDb

Wikiquote contiene citazioni di o su Eric Bana
Wikimedia Commons contiene file multimediali su Eric Bana