Vai al contenuto

Enrica Bonaccorti

Da Wikipedia.

C'l artìcul chè 'l è scrit in Miranduléś Emiliàn

La Bonaccorti tòlta śò in dal 2010


LʼEnrica Bonaccorti (Savóna, 18 ad Nuvémbar dal 1949 - Ròma, 12 ad Mars dal 2026, a s lèś [enˈriːka bonakˈkɔrti] in itagliàṅ) l'è stada n'atōra, scritōra e cundutōra televiśìva e a la ràddio itagliàna.

L'à fat al sò debùt da atōra in di an Stanta, impgnànd-'s a teàtar e in televiśiòṅ tulénd part a série cuma La pietra di Luna e Eleonora. In chi an lè l'à laurâ anc a 'l cìnema catànd spasi in dal drama Metti, una sera a cena, cun Jean-Louis Trintignant, Lino Capolicchio, Tony Musante e la Florinda Bolkan, in dal śal Il tuo vizio è una stanza chiusa e solo io ne ho la chiave, insém a l'Edwige Fenech e a l'Anita Strindberg, in dla cumèdia Il maschio ruspante, a fiànc ad Giuliano Gemma e dla Barbara Bach, e in dal drama Film d'amore e d'anarchia - Ovvero "Stamattina alle 10 in via dei Fiori nella nota casa di tolleranza...", cun prutagunìsta Giancarlo Giannini e la Mariangela Melato.

Cum aṿtōra l'à scrit i tèst dal canti La lontananza e Amara terra mia par Domenico Modugno. In séguit l'à tacâ a lauràr dimóndi in televiśiòṅ cuma in dal quiz Il sesso forte (1978), insém a Michele Gammino, in dal prugràma giurnalìstic Italia sera (1983-1986) e pò incóra Pronto, chi gioca? (1985-1987), Non è la Rai (1991-1992) e dimóndi àt'r incóra.

L'à scrit quàtar lìbar: La pecora rossa (2007), L'uomo immobile (2010), Il condominio (2019) e Condominio addio! (2022), firmànd anc la senegiadùra dal film Cagliostro (1975) par la regìa ad Daniele Pettinari.

L'è mòrta a stanta-siē an p'r un cànc'r a 'l pàncreas. La gh'iva na fiōla ciamàda Verdiana abùda da Daniele Pettinari. L'éra àtea a la tgniva par la Sampdoria.

Filmugrafìa

Al tò visi 'l è na cambra saràda e sōl mè a gh'ò la ciàṿ (1972)

Culegamènt estéran