Emmanuelle Seigner
|
C'l artìcul chè 'l è scrit in
Miranduléś |
LʼEmmanuelle Seigner (Parì, 22 ad Śugn dal 1966, a s lèś [ɛmanɥ'ɛl sɛ'ɲe] in francéś), l'è n'atōra, mudèla e cantànta francéśa, anvōda d'l atōr Louis Seigner, surèla dl'atōra Mathilde Seigner e mujēr dal regìsta Roman Polański.
Da ragàsa l'à tacâ a lauràr in dal mónd dla mòda dvintànd testimonial p'r al campàggni ad Burberry, Céline, H&M, Marc Jacobs, Moschino e Yves Saint Laurent e cumparénd anc su 'l cupertìni 'd Elle, Vogue e D - la Repubblica delle donne.
L'à fat al sò debùt a 'l cìnema a la mità di an Utànta girànd pelìculi cuma 'l drama La Medusa, faghénd na part cica, e 'l pulisiésc Detective ad Jean-Luc Godard (1985). In dal 1988 la gira òṅ di film più impurtànt dla sò caréra, al thriller Frantic in còpia cun Harrison Ford.
In di an Nuànta l'à laurâ in Itàglia cun Mario Monicelli in dla cumèdia dramàtica Il male oscuro (1990), faghénd la mujēr ad Giancarlo Giannini, e cun Gabriele Salvatores in dal film 'd asiòṅ Nirvana (1997), cun prutagunìsta Christopher Lambert, girànd anc i thriller Luna di fiele (1992), a fiànc ad Hugh Grant, e La nona porta (1999) cun Johnny Depp.
In di an Dumìla a l'arcurdém par la cumèdia Streghe verso nord (2001), insém a Teo Mammucari e a Paul Sorvino, p'r al thriller francéś Body Snatch (2003), p'r al biugràfic La Vie en rose (2007), cun la Marion Cotillard in di pagn dl'Édith Piaf, p'r al drama Lo scafandro e la farfalla (2007), in di pagn dl'èx mujēr dal giurnalìsta Jean-Dominique Bauby interpretâ par Mathieu Amalric, e p'r al śal Giallo ad Dario Argento (2009) in còpia cun Adrien Brody.
Fra i sò ùltim lavōr a psém nutàr la cumèdia dramàtica Nella casa (2012), in du l'è dirèta par François Ozon, al drama eròtic Venere in pelliccia (2013), al noir Quello che non so di lei (2017), in dla part dla scritōra in criśi Delphine Dayrieux, e 'l biugràfic Van Gogh - Sulla soglia dell'eternità (2018) cun Willem Dafoe ch'al fà 'l pitōr Vincent van Gogh.
Filmugrafìa
- 1984 - La Medusa (L'année des méduses), regìa ad Christopher Frank
- 1985 - Detective, regìa ad Jean Luc Godard
- 1986 - Non guardatemi, regìa ad Pierre Granier-Deferre
- 1988 - Frantic, regìa ad Roman Polański
- 1990 - Il male oscuro, regìa ad Mario Monicelli
- 1992 - Luna di fiele, regìa ad Roman Polański
- 1994 - Il sorriso (Le sourire), regìa ad Claude Miller
- 1996 - Pourvu que ça dure, regìa ad Michel Thibaud
- 1997 - Nirvana, regìa ad Gabriele Salvatores
- 1997 - La divine poursuite, regìa ad Michel Deville
- 1997 - RPM, regìa ad Ian Sharp
- 1998 - Place Vendôme, regìa dla Nicole Garcia
- 1999 - La nona porta, regìa ad Roman Polański
- 1999 - Buddy Boy, regìa ad Mark Hanlon
- 2000 - Fernando Krapp m'a écrit cette lettre, regìa 'd Yves Di Tullio e 'd Bernard Murat - Film TV
- 2001 - Segreti di famiglia, regìa ad Dennis Berry
- 2001 - Streghe verso nord, regìa ad Giovanni Veronesi
- 2003 - Body Snatch (Corps à corps), regìa ad François Hanss
- 2003 - Os Imortais, regìa 'd António-Pedro Vasconcelos
- 2004 - Ils se marièrent et eurent beaucoup d'enfants, regìa 'd Yvan Attal
- 2005 - Backstage, regìa dl'Emmanuelle Bercot
- 2007 - Four Last Songs, regìa dla Francesca Joseph
- 2007 - La vie en rose, regìa 'd Olivier Dahan
- 2007 - Lo scafandro e la farfalla, regìa ad Julian Schnabel
- 2009 - Le code a changé, regìa dla Danièle Thompson
- 2009 - Giallo, regìa ad Dario Argento
- 2010 - Chicas, regìa dla Yasmina Reza
- 2010 - Essential Killing, regìa ad Jerzy Skolimowski
- 2012 - Quelques heures de printemps, regìa ad Stéphane Brizé
- 2012 - L'uomo che ride (L'homme qui rit), regìa ad Jean-Pierre Améris
- 2012 - Nella casa (Dans la maison), regìa ad François Ozon
- 2013 - Venere in pelliccia, regìa ad Roman Polański
- 2016 - La battaglia di Jadotville (The Siege of Jadotville), regìa ad Richie Smyth
- 2016 - Riparare i viventi (Réparer les vivants), regìa dla Katell Quillévéré
- 2016 - Le divan de Staline, regìa dla Fanny Ardant
- 2017 - Quello che non so di lei (D'après une histoire vraie), regìa ad Roman Polański
- 2018 - Van Gogh - Sulla soglia dell'eternità (At Eternity's Gate), regìa ad Julian Schnabel
- 2019 - L'ufficiale e la spia (J'accuse), regìa ad Roman Polański
- 2023 - Pet Shop Days, regìa 'd Olmo Schnabel
- 2024 - Bungalow 21, regìa 'd Ybao Benedetti - Film TV
Discugrafìa
- 2007 - Ultra Orange & Emmanuelle
- 2010 - Dingue
- 2014 - Distant Lover
- 2018 - Diabolique
Culegamènt estéran
Àtar prugèt
Wikimedia Commons contiene file multimediali su Emmanuelle Seigner
