Emmanuelle Béart

C'l artìcul chè 'l è scrit in Miranduléś

LʼEmmanuelle Marie Hélène Béhart-Hasson, cgnusùda méj cuma Emmanuelle Béart (Gassin, 14 'd Agóst dal 1963, a s lèś [ɛma.nyˈɛl beaʁ] in francéś), l'è n'atōra francéśa, fiōla dal cantànt e preśentadōr Guy Béart.

L'è stada candidàda p'r òt vòlti a i Prèmi César, vinsénd-'l in dal 1987 p'r al drama Manon delle sorgenti girâ insém a Yves Montand e a Daniel Auteuil, sò marè da 'l 1993 a 'l 1995. In séguit la Béart l'è stada bòna 'd vìnsar di àtar prèmi cuma 'n Dàvid ad Dunatèl e meritànd-as di arcgnusimènt a i Fèstival 'd Berlîṅ e 'd Venèsia.

La sò caréra da atōra l'è tacàda da putìna in dal 1972 c'n al thriller La corsa della lepre attraverso i campi, a fiànc ad Jean-Louis Trintignant e 'd Aldo Ray, ma l'à ciapâ 'l vōl specialmènt in di an Nuànta quànd l'à laurâ cun di regìsta impurtànt cuma Ettore Scola, in dla cumèdia Il viaggio di Capitan Fracassa (1990), cun Massimo Troisi e l'Ornella Muti, e André Téchiné ch'al l'à dirèta in dal film dramàtic Niente baci sulla bocca (1991) faghénd-ag far la part dna putàna pariśìna.

In dal 1994 Claude Chabrol in dal sò film L'inferno al gh'à fat la part dla mujēr ad François Cluzet, ch'al n capìs più gnint par via dla geluśìa par lē, méntar dū an dòp la Béart l'à laurâ a Hollywood in dal film Mission: Impossible ad Brian De Palma in di pagn dn'agìnta segréta ch'la culàbura cun Tom Cruise.

In dal 2002 l'à tòlt part a la cumèdia śala 8 donne e un mistero, in un cast impinî 'd dóni cuma la Catherine Deneuve, l'Isabelle Huppert, la Fanny Ardant e la Virginie Ledoyen, méntar 'l an dòp a l'ém vista in dal drama Nathalie... a fiànc dla Fanny Ardant e 'd Gérard Depardieu.

Fra i sò àtar film più impurtànt a 'rdcurdém i drama L'enfer dal 2005, cun Jean Rochefort, e I testimoni dal 2007, ambintâ in dla Parì dal 1984 a i tèmp dal primi epidemìi 'd AIDS.

La Béart l'à laurâ da spés anc a teàtar, purtànd di tèst ad Molière, 'd Albert Camus e 'd Luigi Pirandello.

Filmugrafìa

1972 - La corsa della lepre attraverso i campi (La course du lièvre à travers les champs), regìa ad René Clément
1976 - Demain les mômes, regìa ad Jean Pourtalé
1983 - Premiers Désirs, regìa ad David Hamilton
1984 - Una strana passione (Un amour interdit), regìa ad Jean-Pierre Dougnac
1985 - L'amour en douce, regìa 'd Édouard Molinaro
1986 - Manon delle sorgenti (Manon des sources), regìa ad Claude Berri
1987 - Appuntamento con un angelo (Date With an Angel), regìa ad Tom McLoughlin
1988 - À gauche en sortant de l'ascenseur, regìa 'd Édouard Molinaro
1989 - Les enfants du désordre, regìa ad Yannick Bellon
1990 - Il viaggio di Capitan Fracassa, regìa 'd Ettore Scola
1991 - La bella scontrosa (La Belle Noiseuse), regìa ad Jacques Rivette
1991 - Niente baci sulla bocca (J'embrasse pas), regìa 'd André Téchiné
1992 - Un cuore in inverno (Un cœur en hiver), regìa ad Claude Sautet
1993 - Rupture(s), regìa dla Christine Citti
1994 - L'inferno (L'enfer), regìa ad Claude Chabrol
1995 - Una donna francese (Une femme française), regìa ad Régis Wargnier
1995 - Nelly e Mr. Arnaud (Nelly et Monsieur Arnaud), regìa ad Claude Sautet
1996 - Mission: Impossible, regìa ad Brian De Palma
1998 - Don Juan, regìa ad Jacques Weber
1998 - Vite rubate (Voleur de vie), regìa 'd Yves Angelo
1999 - Il tempo ritrovato (Le temps retrouvé), regìa ad Raúl Ruiz
1999 - Un caimano nel soggiorno (Elephant Juice), regìa ad Sam Miller
1999 - Pranzo di Natale (La bûche), regìa dla Danièle Thompson
2000 - Les Destinées sentimentales, regìa 'd Olivier Assayas
2001 - Voyance et manigance, regìa 'd Éric Fourniols
2001 - La Répétition - L'altro amore (La Répétition), regìa dla Catherine Corsini
2002 - 8 donne e un mistero (8 femmes), regìa ad François Ozon
2003 - Anime erranti (Les Égarés), regìa 'd André Téchiné
2003 - Storia di Marie e Julien (Histoire de Marie et Julien), regìa ad Jacques Rivette
2003 - Nathalie..., regìa dl'Anne Fontaine
2004 - À boire, regìa dla Marion Vernoux
2005 - Un fil à la patte, regìa ad Michel Deville
2005 - L'enfer, regìa ad Danis Tanović
2006 - Un crimine (A crime), regìa ad Manuel Pradal
2006 - Un eroe di famiglia (Le héros de la famille), regìa ad Thierry Klifa
2007 - I testimoni (Les Témoins), regìa 'd André Téchiné
2008 - Disco, regìa ad Fabien Onteniente
2008 - Mes stars et moi, regìa dla Laetitia Colombani
2008 - Vinyan, regìa ad Fabrice Du Welz
2010 - Nous trois, regìa ad Renaud Bertrand
2010 - Tutto cominciò dalla fine (Ça commence par la fin), regìa ad Michaël Cohen
2011 - Ma compagne de nuit, regìa dl'Isabelle Brocard e dl'Hélène Laurent
2012 - Bye Bye Blondie, regìa dla Virginie Despentes
2012 - Télé Gaucho, regìa ad Michel Leclerc
2013 - Par exemple, Électre, regìa ad Jeanne Balibar e Pierre Léon
2014 - Les yeux jaunes des crocodiles, regìa dla Cécile Telerman
2014 - My Mistress, regìa ad Stephen Lance
2017 - Beyond the Known World, regìa ad Pan Nalin
2019 - Adorazione (Adoration), regìa ad Fabrice Du Welz
2019 - Merveilles à Montfermeil, regìa dla Jeanne Balibar
2020 - L'étreinte, regìa ad Ludovic Bergery
2022 - Passeggeri della notte (Les Passagers de la nuit), regìa ad Mikhaël Hers
2025 - Les immortelles, regìa dla Caroline Deruas

Culegamènt estéran

Àtar prugèt

Wikimedia Commons contiene file multimediali su Emmanuelle Béart