Elisabeth Shue

C'l artìcul chè 'l è scrit in Miranduléś

LʼElisabeth Judson Shue (Wilmington, 6 'd Utóbar dal 1963, a s lèś [ɪˈlɪzəbəθ ʃuː] in ingléś), l'è n'atōra americàna, candidàda a i Prèmi Òscar dal 1996 par la pelìcula Via da Las Vegas, giràda insém a Nicolas Cage. La gh'à na stéla in dla Hollywood Walk of Fame.

Biugrafìa

Uriginària dna famìja cun di bèsi dal Delaware, da pìcula la crés in dal New Jersey ma la patìs al divòrsi di sò genitōr quànd la gh'iva nóṿ an. Da śōvna la fà soquànti reclàm e pò la và a 'n pas dla làurea a la Università Harvard, ch'la mòla a 'l ùltim par lauràr da atōra tacànd da la pelìcula par la televiśiòṅ Il romanzo di Carlo e Diana dal 1982 in dua l'Olivia de Havilland la fava la màdar dla regìna Liśabéta II dal Régn Unî. Dū an dòp l'à tòlt part a 'l sò prim film impurtànt, Per vincere domani - The Karate Kid faghénd la muróśa ad Ralph Macchio.

Dòp la pelìcula 'd scarésa Link (1986), giràda da prutagunìsta, la Shue la fà la camaréra ch'la fà pèrdar la tèsta a Tom Cruise in Cocktail (1988), pò la fà la part dla Jennifer Parker in Ritorno al futuro - Parte II (1989) e in Ritorno al futuro - Parte III (1990), a fiànc ad Michael J. Fox. In dal 1991 la gira al cumèdi Bella, bionda... e dice sempre sì, insém a la Kim Basinger e a Alec Baldwin, e pò Bolle di sapone laurànd cun Kevin Kline, Robert Downey Jr. e la Whoopi Goldberg.

Dū an dòp l'incróśa Jeremy Piven, Brendan Fraser, Steve Buscemi e William H. Macy in dal film dramàtic Un pezzo da 20, stòria 'd un bòṅ ad vint dòlar ch'al fà 'l gir dl'Amèrica, cuntànd al vicéndi ad persunàǵ difarènt.

In dal 1995 la gira fórsi al sò film più impurtànt, Via da Las Vegas ad Mike Figgis. Par la part dla putàna ch'a Las Vegas la s davśìna a 'n puòs deprès (Nicolas Cage), la vîṅ numinàda a i Academy Award, vinsénd anc 'n Independent Spirit Award. Sèmp'r in c'l an lè l'è impgnàda in Torbide ossessioni ad Steven Soderbergh. Dal 1997 l'è n'atra sò pelìcula famóśa, Il Santo, baśàda su 'l persunàǵ ad Simon Templar nâ in dal 1928 da la péna ad Leslie Charteris e chè fat par Val Kilmer.

In dal 2000 la rècita in dal thriller L'uomo senza ombra a fiànc ad Kevin Bacon e a Josh Brolin mént'r in dal 2005 la fà còpia cun Robert De Niro in dal film da śgriśōr Nascosto nel buio.

Fra 'l sò ultmi òvri a 'l cìnema a 'rcurdém al film ad scarésa Piranha 3D (2010), in dla part dla sierìfa Julie Forester, la cumèdia Il matrimonio che vorrei (2012), cun la Meryl Streep e Tommy Lee Jones, Comportamenti molto... cattivi! (2014), cun la Selena Gomez, e 'l biugràfic La battaglia dei sessi (2017), su la partìda 'd tènis fra la Billie Jean King e Bobby Riggs.

La Sue l'à laurâ na quàlc vòlta anc in televiśiòṅ cuma in Squadriglia top secret e in CSI - Scena del crimine, stant'un epiśòdi fra 'l 2012 e 'l 2015 in di pagn dla Julie Finlay.

Da 'l 1994 l'è spuśàda c'n al regìsta e prudutōr Davis Guggenheim. Insém i gh'aṅ abû tri fiōi: Miles William, la Stella Street e lʼAgnes Charles.

Filmugrafìa

1982 - Il romanzo di Carlo e Diana (The Royal Romance of Charles and Diana), regìa ad Peter Levin – Film TV
1983 - Somewhere, Tomorrow, regìa ad Robert Wiemer
1984 - Per vincere domani - The Karate Kid (The Karate Kid), regìa ad John G. Avildsen
1986 - Link, regìa ad Richard Franklin
1987 - Tutto quella notte (Adventures in Babysitting), regìa ad Chris Columbus
1987 - Doppio scambio, regìa ad David Greenwalt
1988 - Cocktail, regìa ad Roger Donaldson
1989 - Ritorno al futuro - Parte II (Back to the Future Part II), regìa ad Robert Zemeckis
1990 - Ritorno al futuro - Parte III (Back to the Future Part III), regìa ad Robert Zemeckis
1991 - Bella, bionda... e dice sempre sì (The Marrying Man), regìa ad Jerry Rees
1991 - Bolle di sapone (Soapdish), regìa ad Michael Hoffman
1993 - 4 fantasmi per un sogno (Heart and Souls), regìa ad Ron Underwood
1993 - Un pezzo da 20 (Twenty Bucks), regìa ad Keva Rosenfeld
1994 - Assalto a San Pedro (Blind Justice), regìa ad Richard Spencer – Film TV
1995 - Via da Las Vegas (Leaving Las Vegas), regìa ad Mike Figgis
1996 - Effetto black out (The Trigger Effect), regìa ad David Koepp
1996 - Torbide ossessioni (Underneath), regìa ad Steven Soderbergh
1997 - Harry a pezzi (Deconstructing Harry), regìa ad Woody Allen
1997 - Il Santo (The Saint), regìa ad Phillip Noyce
1998 - Palmetto - Un torbido inganno (Palmetto), regìa ad Volker Schlöndorff
1998 - City of Angels - La città degli angeli (City of Angels), regìa ad Brad Silberling
1998 - La cugina Bette (Cousin Bette), regìa ad Des McAnuff
1999 - Molly, regìa ad John Duigan
2000 - L'uomo senza ombra (Hollow Man), regìa ad Paul Verhoeven
2001 - Amy & Isabelle, regìa ad Lloyd Kramer – Film TV
2004 - Mysterious Skin, regìa ad Gregg Araki
2005 - Nascosto nel buio (Hide and Seek), regìa ad John Polson
2005 - Dreamer - La strada per la vittoria (Dreamer: Inspired by a True Story), regìa ad John Gatins
2007 - Il mio sogno più grande (Gracie), regìa ad Davis Guggenheim
2007 - First Born, regìa 'd Isaac Webb
2008 - Hamlet 2, regìa 'd Andrew Fleming
2009 - Don McKay - Il momento della verità (Don McKay), regìa ad Jake Goldberger
2010 - Piranha 3D, regìa 'd Alexandre Aja
2010 - Janie Jones, regìa ad David M. Rosenthal
2012 - Il matrimonio che vorrei (Hope Springs), regìa ad David Frankel
2012 - Hates: House at the End of the Street (House at the End of the Street), regìa ad Mark Tonderai
2012 - Chasing Mavericks - Sulla cresta dell'onda (Chasing Mavericks), regìa ad Curtis Hanson e 'd Michael Apted
2014 - Comportamenti molto... cattivi! (Behaving Badly), regìa ad Tim Garrick
2017 - La battaglia dei sessi (Battle of the Sexes), regìa ad Jonathan Dayton e Valerie Faris
2018 - Il giustiziere della notte - Death Wish (Death Wish), regìa 'd Eli Roth
2020 - Greyhound - Il nemico invisibile (Greyhound), regìa 'd Aaron Schneider
2023 - The Good Half, regìa ad Robert Schwartzman

Culegamènt estéran

(IT) Filmugrafìa su 'l IMDb

Àtar prugèt

Wikiquote contiene citazioni di o su Elisabeth Shue
Wikimedia Commons contiene file multimediali su Elisabeth Shue