Eagle Pictures
|
C'l artìcul chè 'l è scrit in
Miranduléś |
La Eagle Pictures S.p.A. l'è na cà 'd prudusiòṅ e 'd distribusiòṅ ad film itagliàna, cuntrulàda par Tarak Ben Ammar e fundàda in dal Maǵ dal 1986 da i fradèi Stefano e Ciro Dammicco. La fà part dal grup Quinta Communications ch'la cuntròla la Eagle Home Video, la M2 Pictures e la Blu Yazmine. La sò sēd prinsipàla l'è a Róma.
A 'l inìsi la Eagle Pictures la s fava càr'g ad distribuìr in dal sali di film ad scarésa cun di budget bas cuma Hellraiser ad Clive Barker o Stuff - Il gelato che uccide ad Larry Cohen. In séguit la s è ślargàda firmànd di cuntràt cun la Multivision, la Buena Vista Home video, la Metro-Goldwyn-Mayer, la Paramount Pictures, la 01 Distribution, la BiM Distribuzione, la Notorious Pictures, la Sony Pictures Entertainment e la Medusa Film par distribuìr in dal marcâ itagliàṅ i sò lavōr.
Fra i film più impurtànt dal sò catàlug a 'rcurdém The Guilty - Il colpevole (2000), Birthday Girl (2000), Nella morsa del ragno - Along Came a Spider (2001), Lara Croft: Tomb Raider (2001), Ipotesi di reato (2002), Lontano dal paradiso (2002), Confessioni di una mente pericolosa (2002), Saw - L'enigmista (2004), La passione di Cristo (2004), Se mi lasci ti cancello (2004), Twilight (2008), Basilicata coast to coast (2010), Cogan - Killing Them Softly (2012), L'uomo sul treno - The Commuter (2018), Venom - La furia di Carnage (2021), House of Gucci (2021), Top Gun: Maverick (2022), Mission: Impossible - Dead Reckoning (2023), Napoleon (2023), Kraven - Il cacciatore (2024), Ghostbusters - Minaccia glaciale (2024), Il gladiatore II (2024), I Puffi - Il film (2025) e dimóndi àtar.