E la chiamano estate (film)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg E la chiamano estate
E la chiamano estate.png
L'Isabella Ferrari in na figùra dal film
E i la ciàm'n Istâ
2012
Regia: Paolo Franchi
Scritùr: Paolo Franchi • Daniela Ceselli
Rinaldo Rocco • Heidrun Schleef
Atùr: Jean-Marc BarrIsabella Ferrari
Luca ArgenteroRomina Carrisi Power
Anita KravosFilippo NigroEva Riccobono
Maurizio DonadoniJean-Pierre Lorit
Anna Rita Del PianoChristian Burruano
Müsica: Philippe Sarde
Lengua: Itagliàṅ
Dürä dal film: 89 minüt
Nasiòṅ: Itàglia


«
Al film più cuntruvèrs e premiâ dal Festival 'd Róma 2012.»


E la chiamano estate (E i la ciàm'n Istâ) 'l è 'n film dramàtic dal 2012 ad Paolo Franchi ch'al tōś al tìtul da na canta dal 1965 ad Bruno Martino.

La pelìcula l'è stada preśentàda a 'l 7im Festival Internasiunàł dal Film ad Róma in dua 'l regìsta e l'atōra prutagunìsta, l'Isabella Ferrari, i èṅ stâ premiâ par cl'òpra lè.

Sunt

Dino (Jean-Marc Barr) 'l à pasâ i quarànta e 'l fà 'l anesteśìsta. Na vòlta al gh'iva 'n fradèl, Gianni, ch'al s è tòlt la vita, pò sò màdar la 'l à bandunâ par turnàr in Austràglia. Adès al gh'à na relasiòṅ cun na dóna madùra ciamàda Anna (Isabella Ferrari) ma lò al n gh la cava minga a far 'l amōr sèg, al gh la cava a gusàr sōl cun dal putàni, cuma una ch'la gh'à 'n castròṅ in dla ghigna (Eva Riccobono), o cun la dóna 'd un scambìsta, Mauro (Filippo Nigro).

Un dè al taca a 'ndàr a pascàr i vèć muróś dl’Anna, cuma Alessandro (Luca Argentero) ch'l éra armàś sèg par tri an o Carlo (Maurizio Donadoni), e 'l gh śibìs ad turnàr-la a védar par dar-ag dū cōlp c'n al sò parmés ma lōr i s tìr'n indrē.

Dòp avér vdû su 'l sò telefunèṅ i filmâ di còran ch'al gh'à mis Dino, tgnénd adrē a i sò cunsìli 'd far-as 'n amànt, l’Anna la decìd ad far-as dar da 'n śuvnòt (Christian Burruano).

Culegamènt estéran