Dustin Hoffman
|
C'l artìcul chè 'l è scrit in
Miranduléś |
Dustin Lee Hoffman (Los Angeles, 9 'd Agóst dal 1937, a s lèś [ˈdʌstɪn ˈhɒfmən] in ingléś) 'l è 'n atōr, prudutōr, ardupiadōr e regìsta americàṅ.
Atōr a pòst e versàtil, bòṅ a spasiàr in tut i gènar, al taca a lauràr in dal mónd dal cìnema in dal 1967 faghénd subìt sèntar cun la part dal śōvan Benjamin in Il laureato ad Mike Nichols ch'la gh fruta na candidadùra a i Prèmi Òscar, un quèl ch'a gh sucedrà àtar quàtar vòlti p'r i film Un uomo da marciapiede (1969), al biugràfic Lenny (1974), la cumèdia Tootsie (1982), in du al s travestìs da dóna, e Sesso & potere, cumèdia négra su 'n presidènt americàṅ ch'l urganìśa na guèra par quaciàr un sò scàndal sesuàł.
In dal 1980 e in dal 1989 'l à invéci vins chi prèmi lè cuma atōr prutagunìsta, p'r al dramàtic Kramer contro Kramer, in du 'l è in guèra cun sò mujēr Meryl Streep ch'la vōl al divòrsi e l'è prònta a na batàja p'r i fiōi, e par Rain Man - L'uomo della pioggia, girâ insém a Tom Cruise e a la Valeria Golino, in dua 'l è 'n óm autìstic.
In bachéca al gh'à anc siē Golden Globe, un Lèòṅ 'd Òr a la caréra e quàtar Dàvid ad Dunatèl.
Fra i sò àtar film più impurtànt a 'rcurdém i thriller Cane di paglia (1971) e Il maratoneta (1976), 'l impgnâ Tutti gli uomini del presidente (1975), i dramàtic Papillon (1973) e Sleepers (1996), al pulisiésc Vigilato speciale cun la Theresa Russell e la Kathy Bates (1978), i fantàstic Dick Tracy, cun Warren Beatty, Al Pacino e la Madonna, e Hook - Capitan Uncino (1991).
Cuma ardupiadōr 'l à dâ la sò vōś a 'l persunàǵ ad Shifu in di film ad Kung Fu Panda e a 'n epiśòdi ad The Simpson in dal 1991. 'L à prudót anc soquànt film cuma Tarzan - Il mistero della città perduta ad Carl Schenkel (1998) e A Walk on the Moon - Complice la luna ad Tony Goldwyn (1999). Da regìsta 'l à dirèt a stanta-sinc an la pelìcula Quartet.
Prima 'd dvintàr atōr, Dustin 'l iva studiâ a 'l cunservatòri dla sò sità. Al gh'à na stéla in dla Hollywood Walk of Fame.
Filugrafìa
[mudéfica la surzéia].jpg)
.png)
- 1966 - The Journey of the Fifth Horse, regìa ad Larry Arrick e 'd Earl Dawson – film TV
- 1966 - The Star Wagon, regìa ad Karl Genus – film TV
- 1967 - The Tiger Makes Out, regìa 'd Arthur Hiller
- 1967 - Il laureato (The Graduate), regìa ad Mike Nichols
- 1968 - Un dollaro per 7 vigliacchi (Madigan's Millions), regìa ad Giorgio Gentili
- 1969 - Un uomo da marciapiede (Midnight Cowboy), regìa ad John Schlesinger
- 1969 - John e Mary (John and Mary), regìa ad Peter Yates
- 1970 - Il piccolo grande uomo (Little Big Man), regìa 'd Arthur Penn
- 1971 - Chi è Harry Kellerman e perché parla male di me? (Who Is Harry Kellerman and Why Is He Saying Those Terrible Things About Me?), regìa 'd Ulu Grosbard
- 1971 - Cane di paglia (Straw Dogs), regìa ad Sam Peckinpah
- 1972 - Alfredo Alfredo, regìa ad Pietro Germi
- 1973 - Papillon, regìa ad Franklin Schaffner
- 1974 - Lenny, regìa ad Bob Fosse
- 1976 - Tutti gli uomini del presidente (All the President's Men), regìa 'd Alan J. Pakula
- 1976 - Il maratoneta (Marathon Man), regìa ad John Schlesinger
- 1978 - Vigilato speciale (Straight Time), regìa ad Ulu Grosbard
- 1979 - Il segreto di Agatha Christie (Agatha), regìa ad Michael Apted
- 1979 - Kramer contro Kramer (Kramer vs. Kramer), regìa ad Robert Benton
- 1982 - Tootsie, regìa ad Sydney Pollack
- 1985 - Morte di un commesso viaggiatore (Death of a Salesman), regìa ad Volker Schlöndorff – film TV
- 1987 - Ishtar, regìa dl'Elaine May
- 1988 - Rain Man - L'uomo della pioggia (Rain Man), regìa ad Barry Levinson
- 1989 - Sono affari di famiglia (Family Business), regìa ad Sidney Lumet
- 1990 - Dick Tracy, regìa ad Warren Beatty
- 1991 - Billy Bathgate - A scuola di gangster (Billy Bathgate), regìa ad Robert Benton
- 1991 - Hook - Capitan Uncino (Hook), regìa ad Steven Spielberg
- 1992 - Eroe per caso (Hero), regìa ad Stephen Frears
- 1995 - Virus letale (Outbreak), regìa ad Wolfgang Petersen
- 1996 - Sleepers, regìa ad Barry Levinson
- 1996 - American Buffalo, regìa ad Michael Corrente
- 1997 - Mad City - Assalto alla notizia (Mad City), regìa ad Costa-Gavras
- 1997 - Sesso & potere (Wag the Dog), regìa ad Barry Levinson
- 1998 - Sfera (Sphere), regìa ad Barry Levinson
- 1999 - Giovanna D'Arco (The Messenger: The Story of Joan of Arc), regìa ad Luc Besson
- 2002 - Moonlight Mile - Voglia di ricominciare (Moonlight Mile), regìa ad Brad Silberling
- 2003 - Confidence - La truffa perfetta (Confidence), regìa ad James Foley
- 2003 - La giuria (Runaway Jury), regìa ad Gary Fleder
- 2004 - Neverland - Un sogno per la vita (Finding Neverland), regìa ad Marc Forster
- 2004 - I Heart Huckabees - Le strane coincidenze della vita (I Heart Huckabees), regìa ad David O. Russell
- 2004 - Mi presenti i tuoi? (Meet the Fockers), regìa ad Jay Roach
- 2004 - Lemony Snicket - Una serie di sfortunati eventi (Lemony Snicket's A Series of Unfortunate Events), regìa ad Brad Silberling
- 2005 - The Lost City, regìa 'd Andy García
- 2006 - Profumo - Storia di un assassino (Perfume: The Story of a Murderer), regìa ad Tom Tykwer
- 2006 - L'amore non va in vacanza (The Holiday), regìa dla Nancy Meyers
- 2006 - Vero come la finzione (Stranger than Fiction), regìa ad Marc Forster
- 2007 - Mr. Magorium e la bottega delle meraviglie (Mr. Magorium's Wonder Emporium), regìa ad Zach Helm
- 2008 - Oggi è già domani (Last Chance Harvey), regìa ad Joel Hopkins
- 2010 - La versione di Barney (Barney's Version), regìa ad Richard J. Lewis
- 2010 - Vi presento i nostri (Little Fockers), regìa ad Paul Weitz
- 2014 - Chef - La ricetta perfetta (Chef), regìa ad Jon Favreau
- 2014 - L'ottava nota - Boychoir (Boychoir), regìa ad François Girard
- 2014 - Mr Cobbler e la bottega magica (The Cobbler), regìa ad Thomas McCarthy
- 2015 - The Program, regìa ad Stephen Frears
- 2015 - Roald Dahl's Esio Trot, regìa dla Dearbhla Walsh – film TV
- 2017 - The Meyerowitz Stories, regìa ad Noah Baumbach
- 2019 - L'uomo del labirinto, regìa ad Donato Carrisi
- 2022 - Una seconda occasione (As They Made Us), regìa dla Mayim Bialik
- 2022 - Sam & Kate, regìa ad Darren Le Gallo
- 2024 - Megalopolis, regìa ad Francis Ford Coppola
- 2025 - Tower Stories, regìa ad Peter Greenaway
Culegamènt estéran
[mudéfica la surzéia]Àtar prugèt
[mudéfica la surzéia]
Wikimedia Commons contiene file multimediali su Dustin Hoffman
