Drumedàri

C'l artìcul chè 'l è scrit in Miranduléś

Drumedàri
un drumedàri
Dominì: Eukaryota
Rèign: Animalia
Phylum: Chordata
Clâsa: Mammalia
Órdin: Artiodactyla
Famija: Camelidae
Sòtfamija: /
Gènàr: Camelus (Linnaeus, 1758)
Sòrta: Camelus dromedarius

Al drumedàri (nóm sientìfic Camelus dromedarius, dromedario in itagliàṅ, dromedarius in latìn), cgnusû anc cuma camèl africàṅ o cuma camèl àrab, 'l è 'n mamìfar dla famìja di Camelidi.

Al viṿ in di deśèrt e in dal stépi dl'Àśia, dl'Àfrica dal nòrd e in Austràglia, scampànd da i quàranta a i sinquànt'an.

Descrisiòn

Cla bèstia chè, ciamàda Nâṿ dal deśèrt da i beduîṅ, la sumìlia dimóndi a 'l camèl cun la difarénsa ch'la gh'à na gòba sōla su la schina. Esénd impinìda 'd gras, al drumedàri al la dróa quànd al n cata minga da magnàr faghénd-la dvintàr più pìcula frustànd-la.

Lung al còrp al gh'à 'n mantèl 'd lana ad culōr avòri, maròṅ, beige o su 'l négar. In di pē al gh'à dū dî carnòṅ ch'i gh parmét'n ad giràr su la sàbia sénsa andàr śò. Al sò grugn 'l è lung mént'r i buś dal naś i èṅ stric. Al fémni i fànan dimóndi lat e i gh'aṅ un caràtar più chiét. I parturìs'n un pìcul a 'l an dòp dódas méś.

'L è druâ da spés par purtàr in gir la gint e anc dal pēś esénd ch'l è bòṅ ad cargàr-'s insìma anc duśènt chilo. Al pōl giràr anc par quìndas o vint óri 'd fila faghénd da i òt a i vint km/h, rivànd a finìr di parcōrs ad sènt-sinquànta km a 'l dè. Al pōl scampàr in fiṅ a òt dè sénsa bévar.

Al drumedàri al pōl rivàr a 'l màsim a i tri mét'r e mèś ad lunghésa e a i dū métar 'd altésa. Al sò pēś da grand al và da i tarśènt a i sincsènt chilo. Al fà 'n sîg minga tant bèl. Al magna dl'èrba o di cespùli.

In natùra l'è na bèstia ch'la viṿ in grup ad sinc/siē mémbar a 'l incìrca, ad sòlit ad masć o 'd fémni. Al drumedàri al gh sènt e al naśa dimóndi bèṅ.

Culegamènt estéran

(IT) La sò paśna su 'l sit dla Treccani

Àtar prugèt

Wikiquote contiene citazioni di o su Drumedàri
Wikimedia Commons contiene file multimediali su Drumedàri