Dracula di Bram Stoker

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Dracula
Dracula di Bram Stoker
Dracula di Bram Stoker.png
La Winona Ryder in na figùra dal film
Dràcula 'd Bram Stoker
1992
Regìa: Francis Ford Coppola
Scritōr: Bram Stoker • James V. Hart
Atōr: Gary OldmanWinona RyderCary Elwes
Keanu ReevesAnthony HopkinsSadie Frost
Richard E. GrantBilly CampbellTom Waits
Monica BellucciFlorina KendrickEniko Öss
Müsica: Wojciech Kilar
Léngua: IngléśRumênGrècBùlgarLatìn
Dürä dal film: 128 minüt
Nasiōṅ: Stat UnîRégn Unî


«
Al sànguv 'l è vita.»
(Tagline dal film)


Dracula di Bram Stoker (Dràcula 'd Bram Stoker) 'l è 'n film ad scarésa americàṅ e britànic dal 1992 ad Francis Ford Coppola trat da 'l rumànś umònim dal 1897 dal scritōr irlandéś Bram Stoker.

La pelìcula l'à vins tri Prèmi Òscar, p'r al truc, p'r i custùm e p'r al muntàǵ sunōr. In tut l'à fat sù da piò ad duśènt-quìndas migliòṅ ad dòlar a frònt 'd un cóst ad quarànta. In di tìtui ad cóa l'Annie Lennox la canta Love Song for a Vampire.

Sunt

A la fiṅ dal XIX sécul, 'l avucàt Jonathan Harker (Keanu Reeves) al gh'à d'andàr in Transilvàgna, in Rumanìa, par far firmàr soquànti carti a 'l cònt Dracula (Gary Oldman) ch'l à cumprâ di bèṅ a Lóndra. Chi lò, in segrét, al n è àtar che la reincarnasiòṅ ad Vlad Ţepeş, cavalēr dal Sàc'r Órdan dal Dragòṅ ch'l iva batû i turc in dal 1462.

Quànd Jonathan al riva in dal sò castèl, vdénd na fóto dla sò muróśa Mina Murray (Winona Ryder), al cònt al fà a mènt ch'l'è cumpàgna a la sò Elisabeta ch'la s éra tòlta la vita quatarsènt an prima. Dracula al partìs par l'Inghiltèra p'r incuntràr la Mina ma prima, p'r armàgna śōvan, al mòrśga la Lucy Westenra (Sadie Frost) par bévar-'g al sangṿ. La dóna, dimóndi fiàpa, la và da 'l dutōr Jack Seward (Richard E. Grant) ch'al ciàma in ajùt al prufesōr universitàri ulandéś Abraham Van Helsing (Anthony Hopkins) ch'al sà incòsa su i vampîr.

Culegamènt estéran