Dracula II: Ascension
|
C'l artìcul chè 'l è scrit in
Miranduléś |
 Dracula II: Ascension | ||
 Scheider e Jason Scott Lee in na figùra dal film | ||
| Dràcula II: Asensiòṅ 2003 | ||
|---|---|---|
| Regìa: Patrick Lussier | ||
| Scritōr: Joel Soisson • Patrick Lussier | ||
| Atōr: Jennifer Kroll • Jason Scott Lee Craig Sheffer • Khary Payton • Brande Roderick Diane Neal • Jason London • Christopher Hunter Nick Phillips • John Light • Stephen Billington John Sharian • Roy Scheider • Daniela Nane | ||
| Müsica: Kevin Kliesch • Marco Beltrami | ||
| Léngua: Ingléś • Latìn | ||
| Dürä dal film: 85 minüt | ||
| Nasiōṅ: Stat Unî • Rumanìa | ||
Dracula II: Ascension (Dràcula II: Asensiòṅ) 'l è 'n film ad scarésa americàṅ e rumên dal 2003 ad Patrick Lussier, séguit ad Dracula's Legacy - Il fascino del male dal 2000. Al gh'à abû 'n séguit in dal 2005: Dracula III - Il testamento dal 2005.
'L è stâ girâ c'n un budget ad tri migliòṅ e dū ad dòlar.
Sunt
[mudéfica la surzéia]Pàdar Uffizi (Jason Scott Lee) 'l prēt casàdōr ad vampîr ch'al pésca in tut al mónd e ch'al fà fóra tajànd-ag la tèsta cun na scùria ch'la s invlùpa atàc a 'l còl dal vitmi, prima dna tiràda finàla. Dòp avēr farmâ na còpia 'd vampîri śmèli (Jennifer Kroll) a Òstrava, Uffizi al tórna in di Stat Unî in du a s è catâ 'l cadàvar tut bruśâ 'd un vampîr, Dràcula II (Stephen Billington), ch'al n à minga fat in tèmp a lugàr-as da la luś dal Sōl. Al còrp al finìs a 'l ubitòri ad New Orleans p'r èsar vist da la studènta 'd madśìna Elizabeth Blaine (Diane Neal) e da 'l sò culéga Luke (Jason London) ch'i gh'aṅ da far n'autupsìa. Durànt 'l eśàm la ragàsa la s ferìs a 'n dî, ciapànd cónt'r a n dènt. A s véd che la gósa 'd sànguv vgnuda fóra l'à giustâ in na quàlc manéra la part dla pèl dal cadàvar in du l'è śguslàda śò.
LʼElizabeth l'è spuśàda c'n un prufesōr 'd università custrét a vìvar su na scrana a rudèli parchè 'l è dimóndi malâ, Lowell (Craig Sheffer). Chi lò al vōl far di studi su 'l còrp dal vampîr in na sò cà bandunàda in campàggna par védar s'l è pusìbil catàr al segrét di ciùcia-sànguv ch'i pōlan vìvar par sèmpar, un quèl ch'a prév far còmad anc a lò vist cuma 'l è ardùt.
A jutàr la còpia, ólt'r a Luke, i rìv'n anc àtar dū studènt, Kenny (Khary Payton) e la Tanya (Brande Roderick), e pò anc un sèrt Eric (John Light), ch'l à prumìs un muć ad bèsi p'r avēr al còrp. Dòp avēr mis al vampîr in na vasca da bagn impinìda 'd sànguv, al sò còrp al tórna in vita dòp un pôc, prònt p'r i esperimènt.
In dal pòst a riva anc pàdar Uffizi, dòp avēr dascōrs c'n al cardinàł Siqueros (Roy Scheider). Al sò còmpit 'l è qvél ad farmàr Dràcula.