Dr. Jekyll e Mr. Hyde: sull'orlo della follia
|
C'l artìcul chè 'l è scrit in
Miranduléś |
 Edge of Sanity | ||
| Dr. Jekyll e Mr. Hyde: sull'orlo della follia | ||
 Anthony Perkins in na figùra dal film | ||
| Dr. Jekyll e Mr. Hyde: datéś a śbactàr 1989 | ||
|---|---|---|
| Regìa: Gérard Kikoïne | ||
| Scritōr: J.P. Félix • Ron Raley | ||
| Atōr: Anthony Perkins • Glynis Barber • Ben Cole Sarah Maur Thorp • David Lodge • Ray Jewers | ||
| Müsica: Rick Wakeman | ||
| Léngua: Ingléś | ||
| Dürä dal film: 85 minüt | ||
| Nasiōṅ: Stat Unî • Régn Unî • Frància • Ungherìa | ||
Dr. Jekyll e Mr. Hyde: sull'orlo della follia (Dr. Jekyll e Mr. Hyde: datéś a śbactàr) 'l è 'n thriller ad scarésa dal 1989 ad Gérard Kikoïne, adatamènt dal racònt “Al càś strâṅ dal dr. Jekyll e mr. Hyde” ad Robert Louis Stevenson.
Sunt
[mudéfica la surzéia]In dla Lóndra dla fiṅ dal XIX sécul Henry Jekyll (Anthony Perkins) 'l è 'n dutōr dimóndi stimâ ch'l è drē a lauràr su na dròga nóva invintàda da lò ch'la prév èsar druàda in camp mèdag. 'L è spuśâ cun l’Elisabeth (Glynis Barber) ma 'd nòt al gh'à da spés di arbgàt spavintóś cauśâ da 'n tràuma sesuàl ch'l à patî da ragasōl.
Dòp avēr pruâ la dròga persunalmènt al càmbia caràtar, dvintànd più sfaciâ e catìṿ ma anc sù 'd gir e fòrt fiśicamènt tant ch'a gh pasa anc al distùr'b a 'n pē ch'al 'l iva rēś sòp. Sóta 'l efèt di stupefacènt al gira p'r al stradi 'd nòt faghénd-as ciamàr Jack Hyde, tajànd la góla a 'l baldràchi ch'l incróśa par caś.
Sò mujér la taca a preucupàr-'s ad lò, acsè cuma la sità ch'la gh'à i sgriśōr dal manìac, pò na nòt la 'l cata in un caśèṅ insém a na rója ciamàda Susannah (Sarah Maur Thorp) e a 'l sò amànt Johnny (Ben Cole).