Dove Cameron

C'l artìcul chè 'l è scrit in Miranduléś

«

Never would have left you alone for someone else to take you home, I could be a better boyfriend than him, I could do the shit that he never did, up all night, I won't quit.»

(EN)(Boyfriend , 2022)

«

A n t arév mai lasàda da par tè in manéra 'd far-at purtàr a cà da qualchidòṅ àtar, a prév ès'r un muróś méj che lò, a prév far di quèi che lò al n à mai fat, daśdâ tuta nòt, a n mularò minga.»

(MUD)

La Chloe Celeste Hosterman, cgnusùda méj cuma Dove Olivia Cameron o anc sōl cuma Dove Cameron (Bainbridge Island, 15 ad Śnar dal 1996, a s lèś [dʌv ˈkæm.ɹən] in ingléś) l'è na cantànta e atōra americàna.

L'è cgnusùda p'r avēr tòlt part a la sitcom par ragàs Liv e Maddie dla Disney Channel, ch'la gh'à frutâ 'n Emmy Award, e p'r avēr fat la Mal in dal séri 'd film par la televiśiòṅ Descendants. Fra i sò àtar telefìlm fat da lē a 'rcurdém The Mentalist e Agents of S.H.I.E.L.D..

In dal 2022 l'à gh'à abû sucès c'n al sìngul Boyfriend, andâ dimóndi fòrt su TikTok e in clasìfica in di Stat Unî e in dal Régn Unî. In dla sò caréra l'à fat vgnir fóra 'n àlbum (da 'l tìtul Alchemical: Volume 1) e tri EP.

Uriginària dal stat ad Washington, la Dove l'è bisesuàla. Dòp dal stòri cun Ryan McCartan e Thomas Doherty, da 'l Aṿtòṅ dal 2023 l'è ligàda a 'l cantànt di Måneskin Damiano David.

Discugrafìa

Àlbum

2023 – Alchemical: Volume 1

EP

2016 – Negatives insém a 'l grup The Girl and the Dreamcatcher
2019 – Bloodshot/Waste
2022 – Girl like Me

Filmugrafìa

2015 - Barely Lethal - 16 anni e spia (Barely Lethal), regìa ad Kyle Newman
2015 - R.L. Stine. I racconti del brivido. L'armadio delle anime (R.L. Stine's Monsterville: Cabinet of Souls), regìa ad Peter DeLuise - Film TV
2018 - Voglio una vita a forma di me (Dumplinʼ), regìa dl'Anne Fletcher
2022 - Good Mourning, regìa ad Colson Baker e 'd Mod Sun
2022 - Vengeance, regìa ad B.J. Novak
2024 - Love Me Dead, regìa ad Josh Webber

Culegamènt estéran

Àtar prugèt

Wikiquote contiene citazioni di o su Dove Cameron
Wikimedia Commons contiene file multimediali su Dove Cameron