Doppio inganno (film 1991)

Da Wikipedia.

C'l artìcul chè 'l è scrit in Miranduléś Emiliàn

Deceived
Doppio inganno

La Goldie Hawn in na figùra dal film
Ingàn dópi
1991
Regìa: Damian Harris
Scritōr: Mary Agnes Donoghue • Bruce Joel Rubin
Atōr: Goldie HawnJohn HeardRobin Bartlett
Ashley PeldonTom IrwinFrancesca Buller
Müsica: Thomas Newman
Léngua: Ingléś
Dürä dal film: 104 minüt
Nasiōṅ: Stat Unî


«
Lì lē la pinsàva 'd avēr na vita parfèta. Ag iluśiòṅ!»
(Tagline dal film)


Doppio inganno (Ingàn dópi) 'l è 'n thriller americàṅ dal 1991 ad Damian Harris. 'L è stâ girâ a New York e a Turònt.

Custâ trénta migliòṅ ad dòlar, al film al 'n à fat pò sù praticamènt àtar tant.

Sunt

L’Adrienne (Goldie Hawn) l'è na restauradōra 'd New York puta che na sira la cgnós 'n óm a 'n apuntamènt a 'l scûr, Jack Saunders (John Heard), ch'al diś 'd ès'r uriginàri dal Nebràska e ch'l è impgnâ cuma sovrintendènt in un muśèo 'd art antìga. I dū i sa spóśan e i dvèntan genitōr dna putìna ciamàda Mary (Ashley Peldon).

Soquànt an dòp a vîṅ impicâ al curadōr dal muśèo ch'al s éra acòrt che na culàna antìga egisiàna, fata cumpràr par soquànt migliòṅ ad dòlar da Jack, l'éra na patàca. L’Adrienne la taca a 'vēr di dubi su sò marè anc parchè na sò amìga la 'l à vdû in 'n hutèl in sità, cuma s'al gh'is n'amànta, quànd lò al gh'iva dit ch'al gh'iva da 'ndàr a Boston par di afâr. Dòp èsar-'s quistiunâ cun sò mujér, Jack al tōś la màchina p'r andàr via tut incasâ ma pò al gh'à 'n incidènt e 'l sò còrp al finìs carbuniśâ.

Armàśa védva, l’Adrienne la vîṅ ciamàda da qvéi dla previdénsa suciàla ch'i gh dìśan ch'a gh'è 'n prubléma parchè tut i cuntribùt varsâ da sò marè i s riferìv'n a na parsòna mòrta soquànt an prima dònca a gh'è quèl ch'a traśa. La dóna la gh vōl andàr in fónd e la vîṅ a savēr che sò marè 'l iva tòlt l'identità 'd un sò vèć amìg ad scōla.

Culegamènt estéran