Doppia anima
|
C'l artìcul chè 'l è scrit in
Miranduléś |
 Prelude to a Kiss | ||
| Doppia anima | ||
 La Meg Ryan e Alec Baldwin in na figùra dal film | ||
| Anma dópia 1992 | ||
|---|---|---|
| Regìa: Norman René | ||
| Scritōr: Craig Lucas | ||
| Atōr: Meg Ryan • Alec Baldwin • Kathy Bates Ned Beatty • Patty Duke • Sydney Walker Richard Riehle • Stanley Tucci • Debra Monk Rocky Carroll • Ray Gill • Ward Ohrman | ||
| Müsica: Howard Shore | ||
| Léngua: Ingléś • Ulandéś | ||
| Dürä dal film: 105 minüt | ||
| Nasiōṅ: Stat Unî | ||
Doppia anima (Anma dópia) l'è na cumèdia rumàntica americàna dal 1992 ad Norman René trata da n'òvra teatràla c'n al stés tìtul dal 1988.
In dla culòna sunóra dal film i s càtan di pès dla Debbie Harry (Prelude to a Kiss), ad Bryan Ferry (The In Crowd), dl'Annie Lennox (Every Time We Say Goodbye) e 'd Van Morrison (Someone Like You). In tut la pelìcula l'à fat sù dagnóra vint-a-tri migliòṅ ad dòlar.
Sunt
[mudéfica la surzéia]Peter Hoskins (Alec Baldwin) al lavóra par na cà editōra 'd Chicago ch'la pùblica dal rivìsti. A na fèsta c'n al sò amìg e culéga Taylor (Stanley Tucci) al cgnós na ragàsa ciamàda Rita Boyle (Meg Ryan) ch'la fà la barìsta e ch'la gh'à di idéi sucialìsti. I dū i tàc'n a frequentàr-as e pò i s inamóran tant ch'la Rita la 'l preśénta a sò pàdar (Ned Beatty) e a sò màdar (Patty Duke).
Al dè dal matrimòni, durànt la serimògna in giardèṅ, a riva un furastēr ciamâ Julius Blier (Sydney Walker), un vèć armàś véduv da pôc ch'adès al viṿ cun sò fiōla Leah (Kathy Bates) e sò śéndar Jerry (Richard Riehle). Julius al dmanda ad psēr baśàr la spóśa, pò quànd 'l al fà al gh'à 'n tarabaciòṅ.
Peter e la Rita i partìsan p'r un viàś ad nòsi in Giamàica ma 'l óm al sènt ch'a gh'è quèl ch'a traśa parchè al s rénd cònt che sò mujēr la n è piò qvéla 'd prima, la s cumpòrta in manéra difarènta. Turnâ in Illinòis, i dū i s questiónan parchè 'l óm al gh diś ch'la n è più lē. La Rita la fà sù 'l valìś e la tórna da i suo.
Na sira, méntar Peter al s fà sarvìr da Tom (Rocky Carroll) in dal bar in du a gh lauràva prima la Rita, 'l óm al fà a mènt ch'in un cantòṅ dal lucàl a gh'è Julius. Dascurénd sèg Peter al capìs ch'in dal sò còrp a gh'è l'anma dla Rita perchè chi lò al sà di quèi che sōl sò mujēr la prév cgnósar. 'L è fàcil ch'in dal dè dal matrimòni a sia sucès quèl ch'l àppia scambiâ gl'anmi fra i dū sugèt.