Vai al contenuto

Donald Sutherland

Da Wikipedia.

C'l artìcul chè 'l è scrit in Miranduléś Emiliàn

Sutherland tòlt śò in dal 1981


Donald McNichol Sutherland (Saint John, 17 ad Luj dal 1935 - Miami, 20 ad Śugn dal 2024), 'l è stâ 'n atōr e ardupiadōr canadéś, vinsidōr dal Prèmi Òscar a la caréra in dal 2018 e ad tri Golden Globe.

In dla sò caréra, duràda da piò ad ssant'an, 'l à laurâ a sènt-utànta e pasa film, da spés dand in prèst la sò ghigna par di persunàǵ ad putēr e sénsa cōr, ma anc a teàt'r e in televiśiòṅ, cuma in di telefìlm Il Santo, Salem's Lot, Human Trafficking - Le schiave del sesso, Una donna alla Casa Bianca e Crossing Lines.

Al gh'à na stéla in dla Hollywood Walk of Fame.

Biugrafìa

Nâ da na famìja cun di urìgini scuséśi, Donald al crés in dal Brunswick Nóṿ par pò andàr a star a Halifax, in dla Scòsia Nóva. Al fà 'l sò debùt a 'l cìnema in dal 1963 c'n al film britànic Le donne del mondo di notte. In chi an lè al gira soquànt film ad scarésa cuma Il castello dei morti vivi (1964), pelìcula cun Christopher Lee e Philippe Leroy, Le cinque chiavi del terrore ad Freddie Francis (1965) e Una notte per morire (1965) insém a la Tallulah Bankhead.

In dal 1968 al tōś part a Quella sporca dozzina ad Robert Aldrich ma 'l sucès al riva dabòṅ dū an dòp cun M*A*S*H ad Robert Altman.

Donald a i Crystal Nymph Award

In di an Stanta al figùra in Fate la rivoluzione senza di noi (1970), E Johnny prese il fucile (1971), I diamanti dell'ispettore Klute (1973), A Venezia... un dicembre rosso shocking (1973), Il giorno della locusta (1975), Assassinio sul ponte (1975) e La notte dell'aquila (1976).

Sèmp'r in dal 1976 al lavóra in Itàglia cun Federico Fellini, ch'l al sarnìs par la sò pelìcula Il Casanova di Federico Fellini, e cun Bernardo Bertolucci in Novecento, pelìcula cun Robert De Niro e Gérard Depardieu in dua lò al fà 'l gastàld ambisióś Attila Melanchini.

In dal 1978 al lavóra c'n al francéś Claude Chabrol in dal pulisiésc Rosso nel buio e in dla cumèdia 'd sucès Animal House ad John Landis cun John Belushi.

In di an Utànta e Nuànta 'l à tòlt part a dal prudusiòṅ 'd un sèrt livèl cuma Gente comune ad Robert Redford (1980), La cruna dell'ago (1981), Fuoco assassino ad Ron Howard (1991), JFK - Un caso ancora aperto 'd Oliver Stone (1991), 6 gradi di separazione (1993) e Rivelazioni ad Barry Levinson (1994).

In dal 2000 al lavóra cun Clint Eastwood in Space Cowboys.

Donald al s è spuśâ tri vòlti, la prima cun la Lois Hardwick da 'l 1959 a 'l 1966, pò da 'l 1966 a 'l 1970 cun la Shirley Douglas ch'in dal 1966 la gh'à abû sèg dū śmèi: la Rachel e Kiefer, atōr a sò vòlta. Da 'l 1972 a la sò mòrt 'l è stâ śpuśâ cun la Francine Racette, atōra par Dario Argento in Quattro mosche di velluto grigio, ch'l'à gh'à dâ tri fiōi: Roeg (1974), Rossif (1978) e Angus (1982).

Filmugrafìa

'L atōr cun la Jane Fonda (1971)
Manifèst ad Na scaja par 'l ispetōr Klute (1971)
Nuvsènt (1976)
cun la Blanche Baker in dal próvi ad Lolita
Donald a i Prèmi Òscar dal 1989
Al cast dal film Sîg ad préda (1991)
6 grâd ad separasiòṅ (1993)
Na sò fóto dal 2005
Sutherland in dal 2012

Culegamènt estéran

Àtar prugèt

Estratto da "https://eml.wikipedia.org/w/index.php?title=Donald_Sutherland&oldid=160158"