Don Scardino
|
C'l artìcul chè 'l è scrit in
Miranduléś |
Donald Joseph Scardino, cgnusû méj c'n al nóm ad Don Scardino (New York, 17 ad Favràr dal 1949), 'l è 'n atōr, prudutōr e regìsta americàṅ.
In dla sò caréra 'l à girâ na ssantìna 'd òvri fra cìnema e televiśiòṅ, da la fiṅ di an Utànta a vgnir a 'dès, cuma la série televiśìva Cosby (par sinquànt'òṅ epiśòdi), Law & Order - I due volti della giustizia (quatórdas puntàdi), 30 Rock (trént'òt epiśòdi), la cumèdia L'incredibile Burt Wonderstone, cun Steve Buscemi e Jim Carrey, 2 Broke Girls (trénta-nóṿ puntàdi) e New Amsterdam (quàt'r epiśòdi).
Cuma atōr 'l à fat al sò debùt a la fîṅ di an Sinquànta tulénd part a 'l telefìlm Così gira il mondo e pò incóra in dal soap opera Sentieri e La valle dei pini. In di an Stanta 'l à tacâ a recitàr anc a 'l cìnema in film cuma 'l drama L'uomo della porta accanto (1970), cun la Deborah Winters, Homer (1970), in dla part dal prutagunìsta Homer Edwards, e 'l film ad scarésa I carnivori venuti dalla savana (1976).
In dal 1980 William Friedkin 'l al sarnìs par far-ag far la part dal fnucèṅ vśèṅ 'd cà 'd Al Pacino in dal thriller Cruising, an in du 'l cata 'l rōl più impurtànt in dal film ad scarésa He Knows You're Alone 'd Armand Mastroianni. In séguit al fà la part dal dutōr Chris Chapin in dal telefìlm Destini.
Filmugrafìa
[mudéfica la surzéia]cuma atōr
[mudéfica la surzéia]- 1970 - L'uomo della porta accanto (The People Next Door), regìa ad David Greene
- 1970 - Homer, regìa ad John Trent
- 1971 - Rip-Off, regìa ad Donald Shebib
- 1976 - I carnivori venuti dalla savana (Squirm), regìa ad Jeff Lieberman
- 1980 - Cruising, regìa ad William Friedkin
- 1980 - He Knows You're Alone, regìa 'd Armand Mastroianni
- 2021 - Our (Almost Completely True) Love Story, regìa ad Don Scardino
cuma regìsta
[mudéfica la surzéia]- 1992 - Io e Veronica (Me and Veronica)
- 2013 - L'incredibile Burt Wonderstone (The Incredible Burt Wonderstone)
- 2021 - Our (Almost Completely True) Love Story