Dominic Cooper
|
C'l artìcul chè 'l è scrit in
Miranduléś |
.jpg)
Dominic Edward Cooper (Greenwich, 2 ad Śugn dal 1978, a s lèś [ˈdɒmɪnɪk ˈkuːpə] in ingléś) 'l è 'n atōr britànig.
'L à fat al sò debùt a 'l cìnema faghénd na part cica in dal thriller La vera storia di Jack lo squartatore - From Hell (2001) cun prutagunìsta Johnny Depp. In séguit a 'l ém vist in dal grutésc Breakfast on Pluto (2005), sèmp'r in un rōl minōr, e pò in dla cumèdia The History Boys (2006) in du 'l fà 'n studènt cun di nùmar. Dū an dòp l'è la vòlta 'd Prison Escape a fiànc ad Brian Cox e 'd Joseph Fiennes. In chi an lè 'l à laurâ dimóndi anc a teàt'r e in televiśiòṅ recitànd in minisérie cuma I mondi infiniti di H.G. Wells, Band of Brothers - Fratelli al fronte e Ragione e sentimento.
Al sucès par lò a riva in dal 2008 quànd al fà la part dal muróś dl'Amanda Seyfried, ma anc in dla vita, in dal film muśicàł Mamma Mia! cun la Meryl Streep, rōl ch'al farà incóra déś an dòp in Mamma Mia! Ci risiamo. Sèmp'r un c'l an lè a 'l ém vist in dal stòrig La duchessa in di pagn dal prim minìstar e leader dal partî britànig di Whigs, Charles Grey.
In dal 2011 'l à fat al pulìtig e militàr irachèṅ 'Uday Saddam in dal thriller The Devil's Double, al pàd'r ad Tony Stark in Captain America - Il primo Vendicatore e 'l futógrafar Milton H. Greene in dal biugràfic Marilyn cun la Michelle Williams in dla part dla Marilyn Monroe e Kenneth Branagh in qvéi ad Laurence Olivier. Dū an dòp 'l à recitâ in dal thriller Dead Man Down - Il sapore della vendetta insém a Colin Farrell e a l'Isabelle Huppert mént'r in dal 2014 a 'l catém in dal pulisiésc Un ragionevole dubbio in còpia cun Samuel L. Jackson.
Filmugrafìa
- 2001 - La vera storia di Jack lo squartatore - From Hell (From Hell), regìa 'd Allen e Albert Hughes
- 2002 - Anazapta, regìa 'd Alberto Sciamma
- 2002 - The Final Curtain, regìa ad Patrick Harkins
- 2003 - I'll Be There - Mio padre è una rockstar (I'll Be There), regìa ad Craig Ferguson
- 2003 - Boudica, regìa ad Bill Anderson
- 2005 - Breakfast on Pluto, regìa ad Neil Jordan
- 2006 - Il quiz dell'amore (Starter for 10), regìa ad Tom Vaughan
- 2006 - The History Boys, regìa ad Nicholas Hytner
- 2008 - Prison Escape (The Escapist), regìa ad Rupert Wyatt
- 2008 - Mamma Mia!, regìa dla Phyllida Lloyd
- 2008 - La duchessa (The Dutchess), regìa ad Saul Dibb
- 2009 - An Education, regìa ad Lone Scherfig
- 2009 - Brief Interviews with Hideous Men, regìa ad John Krasinski
- 2009 - Phèdre, regìa ad Nicholas Hytner
- 2010 - Tamara Drewe - Tradimenti all'inglese (Tamara Drewe), regìa ad Stephen Frears
- 2011 - The Devil's Double, regìa ad Lee Tamahori
- 2011 - Captain America - Il primo Vendicatore (Captain America: The First Avenger), regìa ad Joe Johnston
- 2011 - Marilyn (My Week with Marilyn), regìa ad Simon Curtis
- 2012 - La leggenda del cacciatore di vampiri (Abraham Lincoln: Vampire Hunter), regìa ad Timur Bekmambetov
- 2013 - Dead Man Down - Il sapore della vendetta (Dead Man Down), regìa ad Niels Arden Oplev
- 2013 - L'estate all'improvviso (Summer in February), regìa ad Christopher Menaul
- 2014 - Un ragionevole dubbio (Reasonable Doubt), regìa ad Peter Howitt
- 2014 - Need for Speed, regìa ad Scott Waugh
- 2014 - Dracula Untold, regìa ad Gary Shore
- 2015 - Miss You Already, regìa dla Catherine Hardwicke
- 2015 - The Lady in the Van, regìa ad Nicholas Hytner
- 2016 - Warcraft - L'inizio (Warcraft), regìa ad Duncan Jones
- 2017 - Stratton - Forze speciali (Stratton), regìa ad Simon West
- 2017 - The Escape, regìa ad Dominic Savage
- 2018 - Mamma Mia! Ci risiamo (Mamma Mia! Here We Go Again), regìa 'd Ol Parker
- 2022 - The Princess, regìa ad Le-Van Kiet
Culegamènt estéran
Àtar prugèt
Wikimedia Commons contiene file multimediali su Dominic Cooper
