Desert Vampires
|
C'l artìcul chè 'l è scrit in
Miranduléś |
 The Forsaken | ||
| Desert Vampires | ||
 Kerr Smith in na figùra dal film | ||
| Vampîr dal deśèrt 2001 | ||
|---|---|---|
| Regìa: J.S. Cardone | ||
| Scritōr: J.S. Cardone | ||
| Atōr: Kerr Smith • Brendan Fehr • Izabella Miko Johnathon Schaech • Simon Rex • Phina Oruche Carrie Snodgress • Alexis Thorpe • Marc Vann | ||
| Müsica: Tim Jones • Johnny Lee Schell | ||
| Léngua: Ingléś | ||
| Dürä dal film: 90 minüt | ||
| Nasiōṅ: Stat Unî | ||
Desert Vampires (Vampîr dal deśèrt) 'l è 'n film ad scarésa americàṅ dal 2001 scrit e dirèt par J.S. Cardone. Custâ quìndas migliòṅ ad dòlar, al film al 'n à fat pò sù òt e sèt.
In dla culòna sunóra dal film a gh'è di braṅ hard rock cuma Diggin This e Hold Out Your Hand di Nickelback e Loco di Coal Chamber.
Sunt
[mudéfica la surzéia]Sean (Kerr Smith) 'l è 'n śuvnòt ambisióś ch'al fà di trailer par na sucietà ch'la fà di film ad scarésa. P'r andàr a 'l matrimòni 'd sò surèla ch'la stà a Miami al s tōś na stmana 'd fèrie in manéra 'd purtàr anc na Mercedes spurtìva a na dóna ch'la l'à fata giustàr e ciapàr acsè di bèsi.
Lung la strada in mèś a 'l deśèrt dl'Ariśòna a gh scòpia na guma e 'l è custrét a farmàr-as par far-la giustàr da 'n mecànig. Al decìd ad dar pò 'n pasàǵ a 'n ragàs ch'al gh'à d'andàr a Houston, un sèrt Nick (Brendan Fehr). Na sira, mént'r i èṅ a séna in un risturànt dal Tèxas, i càrgan sù na biónda ch'l'iva pardû i sèns, la Megan (Izabella Miko).
Nick al véd in lē i ségn di murśgòt 'd un vampîr e 'l cunfèsa a Sean ch'l è drē a dar la casa a 'l ciùcia-sànguv ch'l iva culpî anc lò 'l an prima, pasànd-'g un vìrus ch'l al trasfurmarà in un vampîr anc lò. Par tgnir a bada 'l mâł al gh'à da tōr dal madśìni ma al gh'à sōl soquànt méś. Par guarìr al gh'à da cupàr prima al vampîr in un pòst banadét.
Anc al vampîr Kit (Johnathon Schaech) però 'l è drē a dar la casa a lò e a la Megan, jutâ da la sò muróśa Cym (Phina Oruche), vampîra anc lē, e da 'l autìsta Pen (Simon Rex) ch'al gh'à da scarusàr-i in gir p'r i Stat Unî specialmènt durànt al dè, esénd ch'i raś dal Sōl i èṅ murtài par lōr.