Dennis Quaid
|
C'l artìcul chè 'l è scrit in
Miranduléś |
Dennis William Quaid (Houston, 9 'd Avrìl dal 1954, a s lèś [ˈdɛnɪs kweɪd] in ingléś), 'l è 'n atōr, muśicìsta e ardupiadōr americàṅ. In dla sò caréra, tacàda in dal 1975 cun na part pìcula in dal film 'd asiòṅ Crazy Mama ad Jonathan Demme, 'l è stâ candidâ par dó vòlti a i Golden Globe ma mai a i Prèmi Òscar, òṅ di atōr più brâṿ a n avēr-al mai fat a dita dal giurnàł The Guardian.
In quarànt'an e pasa 'l à recitâ in pelìculi 'd sucès cuma Lo squalo 3 (1983), D.O.A. cadavere in arrivo (1988), in còpia cun la Meg Ryan, sò mujēr da 'l 1991 a 'l 2001, Great Balls of Fire! - Vampate di fuoco (1989), in di pagn dal pianìsta Jerry Lee Lewis, Un sogno, una vittoria (2002), The Day After Tomorrow (2004), film catastròfic fat insém a Jake Gyllenhaal, In Good Company (2004), cun la Scarlett Johansson, e Prospettive di un delitto (2008) in dua 'l à catâ Matthew Fox, Forest Whitaker, William Hurt e la Sigourney Weaver.
Fra i sò àtar film più impurtànt a 'rcurdém al thriller Big Easy - Brivido seducente (1986), in còpia cun l'Ellen Barkin, al fantasientìfig Salto nel buio (1987), faghénd un pilòta 'd aparéć c'n al visi par la butìglia, al thriller Suspect - Presunto colpevole (1987), cun la Cher, al drama Cartoline dall'inferno (1990), a fiànc dla Meryl Streep e dla Shirley MacLaine, al western Wyatt Earp (1994), insém a Kevin Costner e a Gene Hackman, al spurtìṿ Ogni maledetta domenica - Any Given Sunday (1999), cun Al Pacino e la Cameron Diaz, al drama Lontano dal paradiso (2002), in dla part dal marè gay in segrét dla Julianne Moore, al film ad scarésa The Horsemen (2009), c'n al rōl 'd un detective luminàri in dal camp dla madśìna legàla, e 'l biugràfic Reagan - Un presidente sotto i riflettori (2024), in di pagn dal presidènt Ronald Reagan ch'a lò a gh piaśìva dimóndi.
Avénd la pasiòṅ par la chitàra, 'l à laurâ anc in d'l àmbit muśicàł faghénd vgnir fóra 'n àlbum c'n al sò grup, i Dennis Quaid & The Sharks.
Quaid, ch'l è 'n sustenidōr dal presidènt Donald Trump e c'n un pasâ 'd cunsumadōr ad cucaìna, al s è spuśâ quàtar vòlti e 'l gh'à tri fiōi. 'L è fradèl 'd Randy Quaid e pàdar 'd Jack Quaid, tut dū atōr.
Filmugrafìa
- 1975 - Crazy Mama, regìa ad Jonathan Demme
- 1977 - September 30, 1955, regìa ad James Bridges
- 1979 - All American Boys (Breaking Away), regìa ad Peter Yates
- 1980 - I cavalieri dalle lunghe ombre (The Long Riders), regìa ad Walter Hill
- 1981 - Tutta una notte (All Night Long), regìa ad Jean-Claude Tramont
- 1981 - Il cavernicolo (Caveman), regìa ad Carl Gottlieb
- 1981 - La notte in cui si spensero le luci in Georgia (The Night the Lights Went Out in Georgia), regìa ad Ronald F. Maxwell
- 1983 - Il duro più duro (Tough Enough), regìa ad Richard Fleischer
- 1983 - Lo squalo 3 (Jaws 3), regìa ad Joe Alves
- 1983 - Uomini veri (The Right Stuff), regìa ad Philip Kaufman
- 1983 - Dreamscape - Fuga nell'incubo (Dreamscape), regìa ad Joseph Ruben
- 1985 - Il mio nemico (Enemy Mine), regìa ad Wolfgang Petersen
- 1986 - Big Easy - Brivido seducente (The Big Easy), regìa ad Jim McBride
- 1987 - Salto nel buio (Innerspace), regìa ad Joe Dante
- 1987 - Suspect - Presunto colpevole (Suspect), regìa ad Peter Yates
- 1988 - D.O.A. - Cadavere in arrivo (Dead on Arrival), regìa ad Rocky Morton e dl'Annabel Jankel
- 1988 - Un amore, una vita (Everybody's All American), regìa ad Taylor Hackford
- 1989 - Great Balls of Fire! - Vampate di fuoco (Great Balls of Fire), regìa ad Jim McBride
- 1990 - Benvenuti in paradiso (Come See the Paradise), regìa 'd Alan Parker
- 1990 - Cartoline dall'inferno (Postcards From the Edge), regìa ad Mike Nichols
- 1993 - Triangolo di fuoco (Wilder Napalm), regìa ad Glenn Gordon Caron
- 1993 - Coppia d'azione (Undercover Blues), regìa 'd Herbert Ross
- 1993 - Omicidi di provincia (Flesh and Bone), regìa ad Steve Kloves
- 1994 - Wyatt Earp, regìa ad Lawrence Kasdan
- 1995 - Qualcosa di cui... sparlare (Something to Talk About), regìa ad Lasse Hallström
- 1996 - Dragonheart, regìa ad Rob Cohen
- 1997 - Istinti criminali (Gang Related), regìa ad Jim Kouf
- 1997 - Linea di sangue (Switchback), regìa ad Jeb Stuart
- 1998 - Savior, regìa ad Predrag Antonijević
- 1998 - Genitori in trappola (The Parent Trap), regìa dla Nancy Meyers
- 1998 - Scherzi del cuore (Playing By Heart), regìa ad Willard Carrol
- 1999 - Ogni maledetta domenica - Any Given Sunday (Any Given Sunday), regìa 'd Oliver Stone
- 2000 - Frequency - Il futuro è in ascolto (Frequency), regìa ad Gregory Hoblit
- 2000 - Traffic, regìa ad Steven Soderbergh
- 2001 - A cena da amici (Dinner with Friends), regìa ad Norman Jewison - Film TV
- 2002 - Un sogno, una vittoria (The Rookie), regìa ad John Lee Hancock
- 2002 - Lontano dal paradiso (Far From Heaven), regìa ad Todd Haynes
- 2003 - Oscure presenze a Cold Creek (Cold Creek Manor), regìa ad Mike Figgis
- 2004 - Alamo - Gli ultimi eroi (The Alamo), regìa ad John Lee Hancock
- 2004 - The Day After Tomorrow - L'alba del giorno dopo (The Day After Tomorrow), regìa ad Roland Emmerich
- 2004 - In Good Company, regìa ad Paul Weitz
- 2004 - Il volo della fenice (The Flight of the Phoenix), regìa ad John Moore
- 2006 - I tuoi, i miei e i nostri (Yours, Mine and Ours), regìa ad Raja Gosnell
- 2006 - American Dreamz, regìa ad Paul Weitz
- 2008 - Prospettive di un delitto (Vantage Point), regìa ad Pete Travis
- 2008 - The Express, regìa ad Gary Fleder
- 2008 - Smart People, regìa ad Noam Murro
- 2009 - The Horsemen (Horsemen), regìa ad Jonas Åkerlund
- 2009 - G.I. Joe - La nascita dei Cobra (G.I. Joe: Rise of Cobra), regìa ad Stephen Sommers
- 2009 - Pandorum - L'universo parallelo (Pandorum), regìa ad Christian Alvart
- 2010 - I due presidenti (The Special Relationship), regìa ad Richard Loncraine - Film TV
- 2010 - Legion, regìa ad Scott Stewart
- 2011 - Soul Surfer, regìa ad Sean McNamara
- 2011 - Footloose, regìa ad Craig Brewer
- 2012 - The Words, regìa ad Brian Klugman e 'd Lee Sternthal
- 2012 - Che cosa aspettarsi quando si aspetta (What to Expect When You're Expecting), regìa ad Kirk Jones
- 2012 - A qualsiasi prezzo (At Any Price), regìa ad Ramin Bahrani
- 2012 - Quello che so sull'amore (Playing for Keeps), regìa ad Gabriele Muccino
- 2013 - Comic Movie, regìa ad regìsta difarènt
- 2015 - Truth - Il prezzo della verità (Truth), regìa ad James Vanderbilt
- 2017 - Qua la zampa! (A Dog's Purpose), regìa ad Lasse Hallström
- 2018 - Kin, regìa ad Jonathan e Josh Baker
- 2018 - Una canzone per mio padre (I Can Only Imagine), regìa 'd Andrew e Jon Erwin
- 2018 - Pretenders, regìa ad James Franco
- 2019 - L'intruso (The Intruder), regìa ad Deon Taylor
- 2019 - Midway, regìa ad Roland Emmerich
- 2019 - Qua la zampa 2 - Un amico è per sempre (A Dog's Journey), regìa ad Gail Mancuso
- 2021 - A pesca per un sogno (Blue Miracle), regìa ad Julio Quintana
- 2021 - Non mollare mai (American Underdog), regìa 'd Andrew e Jon Erwin
- 2021 - Nato campione (Born a champion), regìa 'd Alex Ranarivelo
- 2022 - Grid Down, Power Up, regìa ad David Tice
- 2023 - The Long Game, regìa ad Julio Quintino
- 2023 - Sulle ali della speranza (On a Wing and a Prayer), regìa ad Sean McNamara
- 2023 - The Hill, regìa ad Jeff Celentano
- 2024 - The Substance, regìa dla Coralie Fargeat
- 2024 - Reagan - Un presidente sotto i riflettori (Reagan), regìa ad Sean McNamara
- 2026 - War Machine, regìa ad Patrick Hughes
Culegamènt estéran
Àtar prugèt
Wikimedia Commons contiene file multimediali su Dennis Quaid
