Demi Lovato

C'l artìcul chè 'l è scrit in Miranduléś

«

You make me glow but I cover up, won't let it show so I'm putting my defenses up 'cause I don't wanna fall in love, if I ever did that, I think I'd have a heart attack.»

(EN)(Heart Attack, 2013)

«

At m impìs ma mè a m lōg, a n al farò minga védar dònca a tir sù al mè diféśi parchè a n vój briśa inamuràr-um, s'a 'l faśìs a pèns ch'a m vgnarév 'n atàc ad cōr.»

(MUD)

La Demetria Devonne Lovato, cgnusùda méj cuma Demi Lovato (Albuquerque, 20 'd Agóst dal 1992, a s lèś [ˈdɛmi ləˈvɑːtoʊ] in ingléś) l'è na cantànta e atōra americàna.

L'à fat al sò debùt in dal mónd dal spetàcul tulénd part da pìcula a 'l serie televisiva par putèṅ Barney, ma l'è dvintàda famóśa dabòṅ recitànd in dla pelìcula Disney Camp Rock in dua l'à cantâ 'l braṅ This Is Me. In séguit l'à firmâ 'n cuntràt cun la Hollywood Records faghénd vgnir fóra 'l sò prim àlbum, Don't Forget. Al sò secónd lavōr in studi, Here We Go Again, al gh l'à cavàda a finìr a 'l sò debùt a 'l prim pòst dla clasifìca americàna dla Billboard, un quèl mai sucès in alóra par n'artìsta fémna c'n i sò an.

Da 'l sò tèrs àlbum in avànti, Unbroken, la Demi Lovato l'à sfundâ anc c'n i sò sìngui, rivànd in dla top 10 in di Stat Unî cun pès cuma Skyscraper, Heart Attack e Sorry Not Sorry e avénd sucès anc a 'l èstar c'n al canti Give Your Heart A Break, Cool for the Summer e Neon Lights. Al sò quìnt album, Confident, l'è stâ candidâ a i Grammy Award.

In dla sò caréra l'à vindû da piò ad vint-quàtar migliòṅ ad disc in di sōi Stat Unî.

In televiśiòṅ l'à tòlt part a dal puntàdi di telefìlm Prison Break, Sonny tra le stelle (46 epiśòdi fra 'l 2009 e 'l 2011), Grey's Anatomy, Glee, Dal tramonto all'alba - La serie e Will & Grace.

Discugrafìa

Àlbum

2008 – Don't Forget
2009 – Here We Go Again
2011 – Unbroken
2013 – Demi
2015 – Confident
2017 – Tell Me You Love Me
2021 – Dancing with the Devil... the Art of Starting Over
2022 – Holy Fvck

Filmugrafìa

2008 - Camp Rock, regìa ad Matthew Diamond - Film TV
2009 - Programma protezione principesse (Princess Protection Program), regìa dl'Allison Liddi-Brown - Film TV
2010 - Camp Rock 2: The Final Jam, regìa ad Paul Hoen - Film TV
2016 - Zoolander 2, regìa ad Ben Stiller

Culegamènt estéran

Àtar prugèt

Wikiquote contiene citazioni di o su Demi Lovato
Wikimedia Commons contiene file multimediali su Demi Lovato