Debra Winger

C'l artìcul chè 'l è scrit in Miranduléś

La Debra Lynn Winger (Cleveland, 16 ad Maǵ dal 1955, a s lèś [ˈdɛbrə ˈwɪŋɡər] in ingléś) l'è n'atōra americàna, candidàda par tré vòlti a i Prèmi Òscar cuma atōra prutagunìsta: in dal 1983 p'r al drama sentimentàł Ufficiale e gentiluomo, in dal 1984 par Voglia di tenerezza e in dal 1994 p'r al biugràfic Viaggio in Inghilterra.

Biugrafìa

Uriginària dna famìja ebrèja d'l Ohio, sò pàd'r al lauràva in na pcarìa méntar sò màdar l'éra na manager, a siē an l'è andàda a star in Califòrgna. Dòp avēr ciapâ 'l diplòma, la s trasferìs in un kibbutz in Iśraēl. Turnàda in di Stat Unî la taca a studiàr recitasiòṅ faghénd i sò prim lavōr cuma stunt-woman par pò far al sò debùt a 'l cìnema in dal 1976 tulénd part a 'l film eròtic Slumber Party '57.

In dal 1980 a l'ém vista in dal western Urban Cowboy, cun prutagunìsta John Travolta, par pò far na part pìcula in E.T. l'extra-terrestre (1982). In chi an lè la gira pò soquànt di film più impurtànt dla sò caréra cuma Ufficiale e gentiluomo, in dua la fà la part dn'uperàja ch'la s inamóra dal cadét dla marìna Richard Gere, Voglia di tenerezza, in dla part dla fiōla arvèrsa dla Shirley MacLaine, e 'l pulisiésc Pericolosamente insieme, c'n al rōl dn'avucàta ch'la lavóra cun Robert Redford. A s l'arcurdém tut anc cuma prutagunìsta dal thriller La vedova nera (1987), in còpia cun la Theresa Russell, e in dal film ad spiunàǵ Betrayed - Tradita (1988) fat insém a Tom Berenger.

A gl'inìsi di an Nuànta la gira 'l thriller Alla ricerca dell'assassino (1990), in còpia cun Nick Nolte, al drama Il tè nel deserto (1990), par la regìa ad Bernardo Bertolucci, e Viaggio in Inghilterra (1993), pelìcula ch'la gh fruta la sò tèrsa e ultma nomination a i Òscar faghénd la part dna scritōra inamuràda 'd Anthony Hopkins.

In televiśiòṅ l'à laurâ in soquànti série televiśìvi cuma Wonder Woman, Law & Order - I due volti della giustizia, The Ranch e Patriot.

La Winger la s è spuśàda dó vòlti, da 'l 1986 a 'l 1990 c'n al culéga Timothy Hutton e in dal 1996 cun 'l atōr e regìsta Arliss Howard.

Filmugrafìa

1976 - Slumber Party '57, regìa ad William A. Levey
1978 - Grazie a Dio è venerdì (Thank God It's Friday), regìa ad Robert Klane
1978 - Special Olympics, regìa ad Lee Philips - Film TV
1979 - I guerrieri della notte (The Warriors), regìa ad Walter Hill
1979 - Baci da Parigi (French Postcards), regìa ad Willard Huyck
1980 - Urban Cowboy, regìa ad James Bridges
1982 - Cannery Row, regìa ad David S. Ward
1982 - E.T. l'extra-terrestre (E.T. the Extra-Terrestrial), regìa ad Steven Spielberg
1982 - Ufficiale e gentiluomo (An Officer and a Gentleman), regìa ad Taylor Hackford
1983 - Voglia di tenerezza (Terms of Endearment), regìa ad James L. Brooks
1984 - L'assassinio di Mike (Mike's Murder) , regìa ad James Bridges
1986 - Pericolosamente insieme (Legal Eagles), regìa 'd Ivan Reitman
1987 - La vedova nera (Black Widow), regìa ad Bob Rafelson
1987 - Accadde in paradiso (Made in Heaven), regìa 'd Alan Rudolph
1988 - Betrayed - Tradita (Betrayed), regìa ad Costa-Gavras
1990 - Alla ricerca dell'assassino (Everybody Wins), regìa ad Karel Reisz
1990 - Il tè nel deserto (The Sheltering Sky), regìa ad Bernardo Bertolucci
1992 - Vendesi miracolo (Leap of Faith), regìa ad Richard Pearce
1992 - Triangolo di fuoco (Wilder Napalm), regìa ad Glenn Gordon Caron
1993 - Dangerous Woman - Una donna pericolosa (A Dangerous Woman), regìa ad Stephen Gyllenhaal
1993 - Viaggio in Inghilterra (Shadowlands), regìa ad Richard Attenborough
1995 - Forget Paris, regìa ad Billy Crystal
2001 - Big Bad Love, regìa 'd Arliss Howard (2001)
2002 - Searching for Debra Winger, regìa dla Rosanna Arquette
2003 - Mi chiamano Radio (Radio), regìa ad Michael Tollin
2004 - Eulogy, regìa ad Michael Clancy
2005 - Accadde in aprile (Sometimes in April), regìa ad Raoul Peck - Film TV
2005 - Dawn Anna - Più forte del destino (Dawn Anna), regìa 'd Arliss Howard - Film TV
2008 - Rachel sta per sposarsi (Rachel Getting Married), regìa ad Jonathan Demme
2012 - Lola Versus, regìa ad Daryl Wein
2014 - L'ottava nota - Boychoir (Boychoir), regìa ad François Girard
2017 - The Lovers, regìa 'd Azazel Jacobs
2020 - Kajillionaire - La truffa è di famiglia, regìa dla Miranda July
2021 - With/In: Volume 2, regìa ad regìsta difarènt

Culegamènt estéran

Àtar prugèt

Wikimedia Commons contiene file multimediali su Debra Winger