Dead Man Walking - Condannato a morte
|
C'l artìcul chè 'l è scrit in
Miranduléś |
 Dead Man Walking | ||
| Dead Man Walking - Condannato a morte | ||
 La Susan Sarandon in na figùra dal film | ||
| Dead Man Walking - Cundanâ a mòrt 1995 | ||
|---|---|---|
| Regìa: Tim Robbins | ||
| Scritōr: Helen Prejean • Tim Robbins | ||
| Atōr: Sean Penn • Susan Sarandon • Lois Smith Raymond J. Barry • R. Lee Ermey • Celia Weston Robert Prosky • Scott Wilson • Peter Sarsgaard Barton Heyman • Margo Martindale • Larry Pine | ||
| Müsica: David Robbins | ||
| Léngua: Ingléś | ||
| Dürä dal film: 122 minüt | ||
| Nasiōṅ: Stat Unî • Régn Unî | ||
Dead Man Walking - Condannato a morte (Dead Man Walking - Cundanâ a mòrt) 'l è 'n film dramàtic americàṅ e britànic dal 1995 ad Tim Robbins, vinsidōr dal Prèmi Òscar par l'atōra prutagunìsta, la Susan Sarandon, ólt'r a atri tri candidadùri par 'l atōr prutagunìsta (Sean Penn), par la regìa (Tim Robbins) e par la canta uriginàla, Dead Man Walking ad Bruce Springsteen.
La pelìcula, trata da 'l rumànś umònim dla sōra Helen Prejean, l'è custàda ùndas migliòṅ ad dòlar ma pò la 'n à fat sù utànta-tri.
Sunt
[mudéfica la surzéia]Matthew Poncelet (Sean Penn), un delinquènt rasìsta, sbrufòṅ e arbufènt in dal bras dla mòrt in na parśòṅ dla Luiśiàna, al ricév la vìśita dla sōra Helen (Susan Sarandon), dòp ch'al gh'iva scrit na létra. A gh cala pôc a 'l dè dl'eśecusiòṅ esénd che 'l óm 'l è stâ cundanâ p'r avēr masa na nòt in un bòsc na còpia 'd muróś, Walter Delacroix (Peter Sarsgaard) e la Hope Percy (Missy Yager), e p'r avēr viulentâ anc la dóna. 'L óm al diś 'd ès'r inusènt e ch'al culpévul, a sò dita, 'l éra 'l sò amìg ch'l éra sèg, Carl Vitello (Michael Cullen), ch'invéci 'l à ciapâ sōl 'l ergàstul par mèrit dal sò avùcat più brâṿ. Lò e la religióśa i dascóran dimóndi, la sōra la scólta anc al paròli ad sò màdar Lucille (Roberta Maxwell) ch'la fà fadìga a tgnir bòta parchè tut, anc i vśèṅ 'd cà, i gh l'ànan cun la sò famìja par cólpa 'd sò fiōl.
LʼHelen la próa a far quèl par lò, la dmanda la gràsia a 'l guvernadōr Benedict (Kevin Cooney), ch'al rispónd ad nò, e pò la và a dascórar c'n i parènt dal vitmi, Earl Delacroix (Raymond J. Barry), Clyde Percy (R. Lee Ermey) e sò mujēr Mary Beth (Celia Weston) ch'i n capìsan pròpria briśa cuma la faga na sōra a diféndar un sasèṅ cumpàgn e i n gh'aṅ minga intensiòṅ ad pardunàr-al.
Al lavōr dla Helen al n è mia inùtil dal tut. Anc s'la cundàna l'è lè ch'la riva, sénsa gnanc di spustamènt, Matthew al gh'à di ségn ad pentimènt.