David Garrett

Da Wikipedia.

C'l artìcol chè 'l è scrit in Carpśàn Emiliàn

Garrett ispirê, drē a sunèr in dal 2010.
Garrett in concèrt a Cològna in dal 2010.

David Garrett (nòm 'd êrt ed David Christian Bongartz, Aquiśgràna, al 4 setèmber dal 1980) 'l è 'n violinìsta e compośidōr tedèsc-americàṅ. Garrett al sòuna 'n viulèin Stradivàri e 'n Guadagnìni.

Apresê sunadōr ed viulèin, Garrett al mèśda e 'l śunta di pês rock in dal màinter ch'l è drē a sunèr cun la só orchèstra, e in chi pês lè, despès al gh'à da sunèr la pêrt che 'l cantànt 'l avrèv cantê in dl originêl.

Biografìa

Fiōl 'd 'n avochêt tudèsc e 'd na prìma balarèina clàsica 'mericàna, al putèin Garrett al taca présti a sunèr al viulèin, tolt in prest da só fradêl più grand e imparê a sunèr ala śvélta. Tgnend drē ai stùdi in dal conservatòri 'd Lubèca in Germàgna, al ragasōl al dvèinta acsè brêv che a trèdś an al gh'à da sunèr in dal palâs presidensiêl p'r al Presidèint Richard von Weiszacker e registrèr du dìsc.[1]In dal 1999 al śóven Garrett al gh'la chèva 'd andèr a New York a tgnìr adrē ai cōrs dla Juilliard School, ch'al gh'à anc biśògn 'd fèr-es fotografèr cuma modêl per mantgnìres ai stùdi.

In dal 2013 Garrett al śóga la pêrt dal Paganìni in dal film Il violinista del diavolo.

Discografìa

Album

  • 1995 - Mozart: Concèrt per viulèin K 218 e 271, sunèda per viulèin e pianofôrt in Si bemòl magiōr, K. 454
  • 1995 - Violin Sonata
  • 1997 - Paganini Caprices
  • 2001 - Tchaikovsky, Conus: Violin Concertos
  • 2002 - Pure Classics
  • 2006 - Free
  • 2007 - Virtuoso - disc ed platin in Germàgna
  • 2008 - Encore
  • 2009 - David Garrett
  • 2009 - Classic Romance, Decca
  • 2010 - Rock Symphonies
  • 2011 - Legacy (BeethovenKreisler/Rachmaninov) - Garrett/Marin/Royal Philharmonic Orchestra, Decca
  • 2012 - Music, Universal Classics
  • 2013 - 14, El prìmi 'rgistrasiòun dal David Garrett - Garrett/Markovich, 1995 Deutsche Grammophon
  • 2013 - Garrett vs. Paganini, Decca
  • 2014 - "Timeless" - Bruch Brahms - Cuns. vl. n. 1/Conc. vl. op. 77, Garrett/Mehta/Israel PO, Decca
  • 2015 - Explosive - Van Der Heijden/RPO, Decca

Colaborasiòun

  • 2004 - Nokia Night of the Proms
  • 2008 - The New Classical Generation 2008

Videografìa

DVD

Filmografìa

Note

  1. (EN) Na só biugrafìa in dal sît princetoninfo.

Bibliografìa

Vōś lighèdi

Èter progêt

Colegamèint estèren