Darryl Hickman

C'l artìcul chè 'l è scrit in Miranduléś

Darryl Gerard Hickman (Hollywood, 28 ad Luj dal 1931 - Montecito, 22 ad Maǵ dal 2024, a s lèś [ˈdærəl ˈhɪkmən] in ingléś) 'l è stâ 'n atōr e insgnànt americàṅ, cgnusû specialmènt p'r i sò rōi da baghét e ragasōl in di film di an Quarànta tant da meritàr-'s un prèmi in dla Young Hollywood Hall of Fame.

Da putèṅ, dòp ès'r andâ a na scóla p'r imparàr a cantàr, balàr e recitàr, 'l à fat al sò debùt a 'l cìnema a sinc an an tulénd part prima a 'l film muśicàł Three Cheers for Love (1936), cun Robert Cummings, e pò a 'l aventuróś Il prigioniero di Zenda (1937). In dal 1940 'l à firmâ 'n cuntràt cun la Twentieth Century Fox ch'la gh fà far subìt la part 'd un śōvan mémbar dna famìja 'd migrànt in Furore cun prutagunìsta Henry Fonda, trat da 'n rumànś famóś ad John Steinbeck. Al sucès ad cla pelìcula chè, ma anc par via dla sò bravitù, i al fànan dvintàr òṅ di ragasōi più pascâ a Hollywood e Darryl al cata spasi in pelìculi cuma Gli uomini della città dei ragazzi (1941), cun Spencer Tracy e Mickey Rooney, al drama Prigioniera di un segreto (1942), cun la còpia Katharine Hepburn/Spencer Tracy, e Il grande silenzio (1944), a fiànc 'd Alan Ladd e dla Loretta Young.

In dal 1945 al fà la part dal pòvar fradèl ad Cornel Wilde lasâ andgàr apòsta da la Gene Tierney in dal thriller Femmina folle méntar 'l an dòp a 'l ém vist in dal noir Lo strano amore di Marta Ivers a fiànc dla Barbara Stanwyck.

Dvintâ 'n óm, dòp soquànt méś pasâ in seminàri, in di an Sinquànta 'l à catâ spasi in dal film ad guèra Squali d'acciaio (1951), cun William Holden, in dal drama L'isola nel cielo (1953), insém a John Wayne, in Tè e simpatia (1956), a fiànc dla Deborah Kerr, e in dla pelìcula ad scarésa Il mostro di sangue (1959), in dla part d'l asistènt ad Vincent Price. In chi an lè 'l à laurâ dimóndi anc in televiśiòṅ tulénd part a série televiśìvi cuma Avventure in elicottero, Men of Annapolis, Alfred Hitchcock presenta, Climax! e General Electric Theater.

In séguit Darryl 'l à laurâ anc cuma senegiadōr, prudutōr e insgnànt ad recitasiòṅ, catànd spasi in dal 1976 in dal film Quinto potere. I sò ùltim lavōr da atōr i èṅ stâ qvéi abû in di telefìlm Baywatch e La tata a la fiṅ di an Nuànta.

Filmugrafìa

1936 - Three Cheers for Love, regìa ad Ray McCarey
1937 - Il prigioniero di Zenda (The Prisoner of Zenda), regìa ad John Cromwell
1938 - Un vagabondo alla corte di Francia (If I Were King), regìa ad Frank Lloyd
1939 - The Star Maker, regìa ad Roy Del Ruth
1940 - Emergency Squad, regìa 'd Edward Dmytryk
1940 - Furore (Grapes of Wrath), regìa ad John Huston
1940 - The Farmer's Daughter, regìa ad James P. Hogan
1940 - Untamed, regìa ad George Archainbaud
1940 - The Way of All Flesh, regìa ad Louis King
1940 - Prairie Law, regìa ad David Howard
1940 - Mystery Sea Raider, regìa 'd Edward Dmytryk
1940 - Non siamo più bambini (Young People), regìa 'd Allan Dwan
1941 - L'orma rossa (Sign of the Wolf), regìa 'd Howard Bretherton
1941 - Gli uomini della città dei ragazzi (Men of Boys Town), regìa ad Norman Taurog
1941 - Mob Town, regìa ad William Nigh
1941 - Glamour Boy, regìa ad Ralph Murphy
1942 - Young America, regìa ad Louis King
1942 - Un americano qualunque (Joe Smith, American), regìa ad Richard Thorpe
1942 - Il postiglione del Nevada (Jackass Mail), regìa ad Norman Z. McLeod
1942 - Northwest Rangers, regìa ad Joseph M. Newman
1942 - Prigioniera di un segreto (Keeper of the Flame), regìa ad George Cukor
1943 - La commedia umana (The Human Comedy), regìa ad Joseph M. Newman
1943 - Il segreto del golfo (Assignment in Brittany), regìa ad Jack Conway
1943 - Henry Aldrich, Boy Scout, regìa ad Hugh Bennett
1944 - Song of Russia, regìa ad Gregory Ratoff
1944 - Incontriamoci a Saint Louis (Meet Me in St. Louis), regìa ad Vincente Minnelli
1944 - Nei meandri della casbah (And Now Tomorrow), regìa 'd Irving Pichel
1945 - La corsa della morte (Salty O'Rourke), regìa ad Raoul Walsh
1945 - Capitano Eddie (Captain Eddie), regìa ad Lloyd Bacon
1945 - Rapsodia in blu (Rhapsody in Blue), regìa 'd Irving Rapper
1945 - Non parlare, baciami (Kiss and Tell), regìa ad Richard Wallace
1945 - Femmina folle (Leave Her to Heaven), regìa ad John M. Stahl
1946 - I forzati del mare (Two Years Before the Mast), regìa ad John Farrow
1946 - Lo strano amore di Marta Ivers (The Strange Love of Martha Ivers), regìa ad Lewis Milestone
1946 - Minorenni pericolosi (Boys' Ranch), regìa ad Roy Rowland
1947 - The Devil on Wheels, regìa ad Crane Wilbur
1947 - Sangue indiano (Black Gold), regìa ad Phil Karlson
1947 - Dangerous Years, regìa ad Arthur Pierson
1948 - Filibustieri in gonnella (The Sainted Sisters), regìa ad William D. Russell
1948 - Domani saranno uomini (Fighting Father Dunne), regìa ad Ted Tetzlaff
1948 - Big Town Scandal, regìa ad William C. Thomas
1949 - La sconfitta di Satana (Alias Nick Beal), regìa ad John Farrow
1949 - Stasera ho vinto anch'io (The Set-Up), regìa ad Robert Wise
1949 - Fate il vostro gioco (Any Number Can Play), regìa ad Mervyn LeRoy
1949 - Un bacio per Corliss (A Kiss for Corliss), regìa ad Richard Wallace
1950 - The Happy Years, regìa ad William A. Wellman
1951 - L'odio colpisce due volte (Lightning Strikes Twice), regìa ad King Vidor
1951 - Avvocati criminali (Criminal Lawyer), regìa ad Seymour Friedman
1951 - Squali d'acciaio (Submarine Command), regìa ad John Farrow
1953 - Destinazione Mongolia (Destination Gobi), regìa ad Robert Wise
1953 - L'isola nel cielo (Island in the Sky), regìa ad William A. Wellman
1953 - Il mare dei vascelli perduti (Sea of Lost Ships), regìa ad Joseph Kane
1954 - I pionieri della California (Southwest Passage), regìa ad Ray Nazarro
1954 - Prisoner of War, regìa 'd Andrew Marton
1954 - Ricochet Romance, regìa ad Charles Lamont
1955 - Un napoletano nel Far West (Many Rivers to Cross), regìa ad Roy Rowland
1956 - Tè e simpatia (Tea and Sympathy), regìa ad Vincente Minnelli
1957 - Lo sceriffo di ferro (The Iron Sheriff), regìa ad Sidney Salkow
1957 - The Persuader, regìa ad Dick Ross
1959 - Il mostro di sangue (The Tingler), regìa ad William Castle
1976 - Quinto potere (Network), regìa ad Sidney Lumet
1981 - Troppo belle per vivere (Looker), regìa ad Michael Crichton
1981 - Pelle di sbirro (Sharky's Machine), regìa ad Burt Reynolds
1983 - Un liceo tutto matto (High School U.S.A.), regìa ad Rod Amateau - Film TV
1991 - Lotta per la vita (Aftermath: A Test of Love), regìa ad Glenn Jordan - Film TV

Culegamènt estéran

(IT) Filmugrafìa in s'l IMDb

Àtar prugèt

Wikimedia Commons contiene file multimediali su Darryl Hickman