Dark City
|
C'l artìcul chè 'l è scrit in
Miranduléś |
 Dark City
| ||
 Rufus Sewell in na figùra dal film | ||
| Sità scura 1998 | ||
|---|---|---|
| Regìa: Alex Proyas | ||
| Scritōr: Alex Proyas • Lem Dobbs • David S. Goyer | ||
| Atōr: Jennifer Connelly • Kiefer Sutherland Rufus Sewell • William Hurt • Richard O'Brien Ian Richardson • Bruce Spence • Colin Friels | ||
| Müsica: Trevor Jones | ||
| Léngua: Ingléś | ||
| Dürä dal film: 100 minüt | ||
| Nasiōṅ: Stat Unî • Austràglia | ||
Dark City (Sità scura) l è 'n film fantàstic dal 1998 'd Alex Proyas, preśentâ fóra cuncōrs a 'l 51śum Fèstival ad Cannes.
La pelìcula l'è custàda vint-sèt migliòṅ ad dòlar e la 'n à fat sù praticamènt àtar tant.
Sunt
John Murdoch (Rufus Sewell) al s déśda in na vasca da bagn d'n hutèl ch'al n s arcòrda più gnint. Dòp ès'r-as vistî e mis a pòst, al ricév na telefunàda da part dal dutōr Daniel Schreber (Kiefer Sutherland) ch'al gh diś ad scapàr via subìt parchè a gh'è di óm ch'i gh tìn'n adrē.
Durànt la telefunàda John al fà a mènt che lè a gh'è 'l cadàvar dna dóna cun di sìmbui strâṅ a spiràł su la pèl e pò un curtèl spòrc ad sànguv. A n sèrt punt i rìvan lè tri óm cun di vistî e di capèi nég'r adòs ch'i fànan part 'd un grup ciamâ „I Furastēr“. John al gh la cava a tajàr la còrda, pò a gh viṅ in mènt al sò nóm e 'l fat ch'al sia spuśâ cun lʼEmma (Jennifer Connelly).
In cal méntar 'l ispetōr Frank Bumstead (William Hurt) al s cunvìns che John al sia 'l sasèṅ ad soquànti parsòni masàdi in sità ma 'l óm al n s arcòrda briśa 'd avēr-al fat.