Dakota Johnson

C'l artìcul chè 'l è scrit in Miranduléś

La Dakota Mayi Johnson (Austin, 4 'd Utóbar dal 1989, a s lèś [dəˈkoʊtə ˈdʒɒnsən] in ingléś), l'è n'atōra e mudèla americàna.

Biugrafìa

Uriginària dal Tèxas, la Dakota la vîṅ da na famìja 'd atōr. Sò pàdar 'l è Don Johnson méntar sò màdar l'è la Melanie Griffith, fiōla a sò vòlta dl'atōra Tippi Hedren.

Dòp ch'i sò genitōr i s èṅ divìś quànd lē la gh'iva sèt an, la Dakota la taca a far di lavōr da mudèla par pò pasàr a la recitasiòṅ faghénd al debùt a déś an in dla cumèdia négra Pazzi in Alabama, cun sò màdar prutagunìsta. In dal 2010 la gira 'l biugràfic The Social Network, cun Jesse Eisenberg in di pagn ad Mark Zuckerberg, méntar dū an dòp 'l è in dal cast dla cumèdia pulisiésca 21 Jump Street a fiànc ad Jonah Hill e 'd Channing Tatum.

La cata 'l sucès in dal 2015 girànd al film eròtic Cinquanta sfumature di grigio faghénd la part dlʼAnastasia Steele, rōl ch'la farà incóra anc in dal 2017 cun Cinquanta sfumature di nero e in dal 2018 cun Cinquanta sfumature di rosso par la regìa ad James Foley.

In dal mèś a 'rcurdém anc al film A Bigger Splash (2015) fat insém a Ralph Fiennes, la Tilda Swinton, Matthias Schoenaerts e Corrado Guzzanti, cun la regìa ad Luca Guadagnino. C'n al regìsta sicigliàṅ la Dakota la farà anc la pelìcula 'd scarésa Suspiria (2018), arfacimènt dal film ad Dario Argento dal 1977 c'n al stés tìtul. In c'l an lè la Johnson l'è stada prutagunìsta dal thriller dramàtic 7 sconosciuti a El Royale in còpia cun Jeff Bridges.

In dal 2019 a l'ém vista in In viaggio verso un sogno - The Peanut Butter Falcon, in còpia cun Shia LaBeouf, e pò anc in dal drama L'amico del cuore, in dla part dna malàda terminàla 'd càncar.

In dal 2021 l'à fat la Nina in dal drama La figlia oscura trat da 'n rumànś dl'Elena Ferrante méntar dū an dòp l'à recitâ insém a Sean Penn in Una notte a New York. In dal 2024 l'à fat la part dla Madame Web in dal film Madame Web, persunàǵ trat da i fumét dla Marvel Comics. Par cal rōl chè 'l à vins un Razzie Awards.

La Dakota la gh'à abû na stòria c'n al cantànt di Coldplay Chris Martin.

Filmugrafìa

1999 - Pazzi in Alabama (Crazy in Alabama), regìa 'd Antonio Banderas
2010 - The Social Network, regìa ad David Fincher
2011 - Beastly, regìa ad Daniel Barnz
2012 - For Ellen, regìa ad So Yong Kim
2012 - Goats, regìa ad Christopher Neil
2012 - 21 Jump Street, regìa ad Phil Lord e Chris Miller
2012 - The Five-Year Engagement, regìa ad Nicholas Stoller
2014 - Date and Switch, regìa ad Chris Nelson
2014 - Need for Speed, regìa ad Scott Waugh
2014 - Cymbeline, regìa ad Michael Almereyda
2015 - Cinquanta sfumature di grigio (Fifty Shades of Grey), regìa ad Sam Taylor-Johnson
2015 - Chloe and Theo, regìa 'd Ezna Sands
2015 - Black Mass - L'ultimo gangster (Black Mass), regìa ad Scott Cooper
2015 - A Bigger Splash, regìa ad Luca Guadagnino
2016 - Single ma non troppo (How to Be Single), regìa ad Christian Ditter
2017 - Cinquanta sfumature di nero (Fifty Shades Darker), regìa ad James Foley
2018 - Cinquanta sfumature di rosso (Fifty Shades Freed), regìa ad James Foley
2018 - Suspiria, regìa ad Luca Guadagnino
2018 - 7 sconosciuti a El Royale (Bad Times at the El Royale), regìa ad Drew Goddard
2019 - Wounds, regìa ad Babak Anvari
2019 - In viaggio verso un sogno - The Peanut Butter Falcon (The Peanut Butter Falcon), regìa ad Tyler Nilson e 'd Michael Schwartz
2019 - L'amico del cuore (Our Friends), regìa dla Gabriela Cowperthwaite
2020 - The Nowhere Inn, regìa ad Bill Benz
2020 - L'assistente della star (The High Note), regìa dla Nisha Ganatra
2021 - La figlia oscura (The Lost Daughter), regìa dla Maggie Gyllenhaal
2022 - Cha Cha Real Smooth, regìa ad Cooper Raiff
2022 - Am I OK?, regìa ad Stephanie Allynne e Tig Notaro
2022 - Persuasione (Persuasion), regìa dla Carrie Cracknell
2023 - Una notte a New York (Daddio), regìa dla Christy Hall
2024 - Madame Web, regìa dla S. J. Clarkson
2025 - Splitsville, regìa ad Michael Angelo Corvino
2025 - Material Love (Materialists), regìa dla Celine Song

Culegamènt estéran

(EN) La sò paśna su 'l IMDb

Àtar prugèt

Wikimedia Commons contiene file multimediali su Dakota Johnson