Culùmbia Britànica
|
C'l artìcul chè 'l è scrit in
Miranduléś |
La Culùmbia Britànica (British Columbia in ingléś, a s lèś [ˌbɹɪtɪʃ kəˈlʌmbiə]) l'è na pruìnsa dal Cànada ch'la s cata in dal sud-ovèst dal paéś, su la banda a ovèst dal Muntàgni Predóśi. Al sò mòt in latìn 'l è „Splendor sine occasu“. L'è granda 944.735 km² e la mùcia sù sinc migliòṅ e sèt 'd abitànt. La fà part dla cunfederasiòṅ da 'l 1871.
La cunfìna a òvest cun 'l Ucéan Pasìfic, a nòrd-òvest cun 'l Alàska (pès dastacâ di Stat Unî), a nòrd c'n i Teritóri dal Nòrd-Òvest e c'n al Yukon, a èst cun l'Albèrta e a sud incóra c'n i Stat Unî (da òvest a èst: Washington, Idaho e Muntàna).
Al sò caplōg 'l è Victoria (utànta-siemìla cristiàṅ in tut) ch'la s cata su l'ìśula 'd Vancùver méntar la sò sità più granda, c'n i sò siesènt-ssantamìla abitànt a 'l incìrca, l'è Vancùver, che però la n s cata minga su l'ìśula ma in dla part basa dla còsta òvest canadéśa.
La sò ecunumìa la pōl cuntàr su i servìsi (finànsa e asicurasiòṅ), agricultùra, cìnema e indùstria dla léggna.
.svg){kind=small}