Craig Bierko

C'l artìcul chè 'l è scrit in Miranduléś

Craig Philip Bierko (Rye Brook, 18 'd Agóst dal 1964) 'l è 'n atōr americàṅ.

'L è nâ in dal Stat ad New York e fiṅ da baghét 'l à recitâ a teàtar, mistēr ch'i fav'n i sò genitōr. Da śōvan 'l à studiâ giurnalìśum a l'Università ad Boston par pò pasàr a la Northwestern University a imparàr la recitasiòṅ, tgnénd adrē a i sò interès. Dòp ès'r-as laureâ in dal 1986, al taca a lauràr da atōr in soquànti prudusiòṅ televiśìvi.

In di an Nuànta al fà finalmènt al sò debùt su i schérum grand. In dal 1996 al fà 'n catìṿ in dal film Spy, a fiànc dla Geena Davis, e 'n predicadōr a la ràddio in dla pelìcula Johns, ambintàda in di gir gay ad Santa Mònica. Dū an dòp l'è la vòlta 'd Paura e delirio a Las Vegas, cumèdia grutésca in du lò al rècita insém a Johnny Depp, Benicio del Toro, Tobey Maguire, l'Ellen Barkin, la Christina Ricci e la Cameron Diaz in di pagn 'd un futógrafar purtughéś.

In dal 1999 al rècita da prutagunìsta in dal film ad fantasiénsa Il tredicesimo piano pò in séguit al tōś part a Cinderella Man - Una ragione per lottare (2005) faghénd la part dal pùgil Max Baer ch'al gh'à da cumbàtar p'r al tìtul cóntar Jim Braddock interpretâ par Russell Crowe. A la fiṅ di an Dumìla al rècita in dó parudìi faghénd prima Tom Cruise in dal demensiàł Scary Movie 4 (2006) e pò Wolverine in dal film ad cretinìśia Superhero - Il più dotato fra i supereroi.

Bierko al s è impgnâ dimóndi anc in televiśiòṅ recitànd in dimóndi telefìlm da i an Nuànta in avànti cuma Febbre d'amore, Sydney, Il cane di papà, Un papà da prima pagina, Ally McBeal, Sex and the City, Law & Order - Unità vittime speciali, Boston Legal, Nip/Tuck, Terapia d'urto e Sex/Life.

In dla sò vita privàda 'l è stâ 'l muróś dla Charlize Theron (da 'l 1995 a 'l 1997), dla Gretchen Mol, dla Janeane Garofalo e dla Meg Ryan.

Filmugrafìa

1987 - Love Note, regìa ad Steve Grill
1991 - Victimless Crimes, regìa ad Peter Hawley
1992 - Red Dwarf, regìa ad Jeff Melman - Film TV
1993 - Un amore per sempre (Danielle Steel's Star), regìa ad Michael Miller – Film TV
1996 - Johns, regìa ad Scott Silver
1996 - Spy (The Long Kiss Goodnight), regìa ad Renny Harlin
1997 - Solo se il destino ('Til There Was You), regìa ad Scott Winant
1998 - Sour Grapes, regìa ad Larry David
1998 - Paura e delirio a Las Vegas (Fear and Loathing in Las Vegas), regìa ad Terry Gilliam
1999 - The Suburbans - Ricordi ad alta fedeltà (The Suburbans), regìa ad Donald Ward
1999 - Il tredicesimo piano (The Thirteenth Floor), regìa ad Josef Rusnak
2001 - Kate & Leopold, regìa ad James Mangold
2002 - I'm with Lucy, regìa ad Jon Sherman
2003 - Dickie Roberts - Ex piccola star (Dickie Roberts: Former Child Star), regìa ad Sam Weisman
2003 - Hench at Home, regìa ad John Fortenberry - Film TV
2005 - Danika, regìa 'd Ariel Vromen
2005 - Cinderella Man - Una ragione per lottare (Cinderella Man), regìa ad Ron Howard
2005 - Untitled David Diamond/David Weissman Project, regìa ad Brett Ratner - Film TV
2006 - Scary Movie 4, regìa ad David Zucker
2006 - For Your Consideration, regìa ad Christopher Guest
2007 - Ti presento Bill (Meet Bill), regìa ad Bernie Goldmann e dla Melisa Wallack
2008 - Superhero - Il più dotato fra i supereroi (Superhero Movie), regìa ad Craig Mazin
2008 - A Bad Situationist, regìa ad Sam Seder
2011 - Company, regìa ad Lonny Price
2011 - Cambio vita (The Change Up), regìa ad David Dobkin
2012 - I tre marmittoni (The Three Stooges), regìa ad Bobby Farrelly e Peter Farrelly
2013 - Più forte delle parole (Louder Than Words), regìa 'd Anthony Fabian
2013 - Una corsa per due (If I Had Wings), regìa 'd Allan Harmon
2016 - Equity, regìa dla Meera Menon
2016 - Catfight - Botte da amiche (Catfight), regìa ad Onur Tukel
2019 - Fair Market Value, regìa ad Ken Kushner
2021 - Scenes from an Empty Church, regìa 'd Onur Tukel
2021 - Before I Go, regìa 'd Eric Schaeffer
2024 - Girl from the North Country, regìa ad Conor McPherson e 'd Tim Van Someren
2025 - D(e)ad, regìa dla Claudia Lonow

Culegamènt estéran

(IT) Filmugrafìa in s'l IMDb

Àtar prugèt

Wikiquote contiene citazioni di o su Craig Bierko
Wikimedia Commons contiene file multimediali su Craig Bierko