Cornacópi
|
C'l artìcul chè 'l è scrit in
Miranduléś |
Al cornacópi 'l è 'n sìmbul mitulógic dal gajàrd e dal magnàr ch'a gh 'n è ch'a gh vansa. Al gh'à la fórma 'd un córan, stric a 'l inìsi e ślarg in fónd, impinî 'd fiōr, bèsi o fruta. In gènar al cornacópi 'l è mis in relasiòṅ cun la dèa Furtùna o c'n i Lari, spìrit di mòrt prutetōr dal famìji.
Cla paròla chè la daśvîṅ da 'l latìn miténd insém cornu («córan») e copia («gajàrd»).
Tgnénd adrē a la mitulugìa di grèc a s trata dal córan pardû da 'l fiùm Acheloo in dla sò lòta cóntar Èrcule, pò impinî 'd fiōr e fruta p'r al Naiadi, ségn dal gajàrd dla val e dal tèri bòni in du a cur cal fiùm lè.
Par 'n àtar mit, al córan al sarév qvél dla cavra Amaltèa ch'l'iva dâ da magnàr a Zeus quànd lì lò 'l éra 'n putèṅ a Créta.
Al grup metal di Black Sabbath 'l à scrit na canta cun cal tìtul lè (Cornucopia) in dal sò disc dal 1972 Black Sabbath, Vol. 4. In Itàglia la munéda da 'n franc itagliàṅ la gh'iva cal sìmbul lè insìma.