Contraband (film 2012)
|
C'l artìcul chè 'l è scrit in
Miranduléś |
 Contraband | ||
.png) Wahlberg e Foster in na figùra dal film | ||
| Cuntrabànd 2012 | ||
|---|---|---|
| Regìa: Baltasar Kormákur | ||
| Scritōr: Aaron Guzikowski Arnaldur Indriðason • Óskar Jónasson | ||
| Atōr: Mark Wahlberg • Caleb Landry Jones Giovanni Ribisi • Ben Foster • Kate Beckinsale Jason Mitchell • J. K. Simmons • Lukas Haas Diego Luna • William Lucking • Robert Wahlberg Ólafur Darri Ólafsson • Jaqueline Fleming | ||
| Müsica: Clinton Shorter | ||
| Léngua: Ingléś • Spagnōl | ||
| Dürä dal film: 109 minüt | ||
| Nasiōṅ: Stat Unî • Régn Unî • Frància | ||
Contraband (Cuntrabànd) 'l è 'n thriller americàṅ, britànig e francéś dal 2012 ad Baltasar Kormákur, arfacimènt 'd un film dal 2008 da 'l tìtul Reykjavík-Rotterdam.
Giràda c'n un budget ad vint-sinc migliòṅ ad dòlar, la pelìcula la 'n à pò purtâ a cà da piò ad nuànta-siē.
Sunt
Chris Farraday (Mark Wahlberg), èx cuntrabandēr ad New Orleans, 'l à cambiâ vita da quànd al s è spuśâ cun la Kate (Kate Beckinsale) ch'la gh'à dâ anc dū fiōi pìcui. Purtròp par lò sò cugnâ Andy (Caleb Landry Jones), fradèl ad sò mujēr, al s è mis in di guàj laurànd cuma curēr in dal tràfic dla dròga par cònt ad Tim Briggs (Giovanni Ribisi) esénd che, dòp un cuntròl dla dugàna, 'l è stâ custrét a butàr in dal Mississippi na furnidùra impurtànta. Adès Briggs al vōl i bèsi indrē o sinò 'l è prònt a far dal mâł a Andy e anc a i sò parènt.
Par psēr pagàr al dèbit, vist che Briggs al fà dabòṅ, Chris al decìd ad far un cōlp a Pànama, faghénd-as dar un càrag ad déś migliòṅ ad dòlar fals da purtàr in di Stat Unî in un container. Par pagàr i cóst dl'uperasiòṅ, al s fà dar in prèst di bèsi da 'l sò èx sòci e testimòni ad nòsi Sebastian Abney (Ben Foster) ch'al gh'à n'imprésa 'd custrusiòṅ. Chris al partìs su la nâṿ mercantìla dal capitàṅ Redmond Camp (J. K. Simmons) insém a Andy e a 'l sò amìg Danny Raymer (Lukas Haas). Là insìma al pōl cuntàr su 'l ajùt dal machinìsta Olaf (Ólafur Darri Ólafsson) e dal cōg Tarik (Lucky Johnson).
Rivâ a Pànama Chris al s fà dar da Gonzalo (Diego Luna) i bòṅ fals méntar Andy, ad nascòst e custrét da Briggs, al pòrta su la nâṿ dla dròga. In cal méntar la Kate e i dū putèṅ i èṅ adnâ a star da Sebastian p'r armàgn'r a 'l sicûr vist che Briggs 'l éra bèla andâ a cà di Farraday par dar-ag na lesiòṅ. Ma anc Sebastian 'l è in di guàj parchè 'l è in dèbit c'n al gangster Jim Church (David O'Hara) e adès in segrét al lavóra anc lò par Briggs.