Cumpleàn
|
C'l artìcul chè 'l è scrit in
Miranduléś |
Al cumpleàn 'l è 'l dè d'l an d'l aniversàri dal giōrnan ch'na parsòna l'è nada. In cal dè lè al sugèt al gh'à 'n an da piò 'd vita, a s diś ch'l à fat i an o ch'l à cumpiû i an.
La tradisiòṅ ad festegiàr i cumpleàn l'è nada sōl in dal 1802 quànd al scritōr tedésc Johann Wolfgang von Goethe 'l à vlû selebràr cum a s dév al dè in dua al 'n iva fat sinquànta-tri. Cla tradisiòṅ chè l'à pò catâ fòrsa durànt tut al XIX sécul in di ambînt burghéś e aristucràtic, cun di cumpurtamènt precìś ligâ a 'l avenimènt cuma parènt e amîg ch'i faṅ i avgùri a 'l festegiâ, faghénd dal canti e purtànd di rigài o di pinsēr.
Ad sòlit a s fà 'n pranś o na séna tut insém e pò a la fiṅ a s tira fóra na tórta c'n insìma dal candlìni, in un nùmar para a i an cumpiû, ch'al festegiâ al gh'à da śmursàr supiànd-ag adòs in dal méntar ch'al pénsa a 'n deśidèri ch'al vrév ch'al dvintìs véra, méntar tut chi àt'r i gh pìć'n al maṅ. Dal vòlti a 'l festegiâ i gh s tìran gl'uréci, na tiràda par tut i an ad vita.
I testimòṅ ad Géuva però i n vōlan minga festegiàr cal dè lè parchè i crédan ch'al n piàśa minga a Dio.
Culegamènt estéran
[mudéfica la surzéia]Àtar prugèt
[mudéfica la surzéia]
Wikimedia Commons contiene file multimediali su Cumpleàn
