Columbia Pictures
|
C'l artìcul chè 'l è scrit in
Miranduléś |
La Columbia Pictures 'l è òṅ di studi cinematugràfic americàṅ più impurtànt a 'l mónd e anc na cà 'd prudusiòṅ e 'd distribusiòṅ televiśìva e 'd film. L'è na diviśiòṅ dla Sony Pictures a sò vòlta cuntrulàda p'r i giapunéś dla Sony. In di an Utànta l'éra stada cumpràda da la Coca-Cola.
Fra 'l sò cuntrulàdi i gh'èṅ la TriStar Pictures, la Screen Gems, la Stage 6 Films e la Sony Pictures Classics.
La cumpagnìa l'è nada a Los Angeles c'n al nóm ad CBC Film Sales in dal 1918 par pò ciapàr al nóm 'd adès al 10 ad Śnar dal 1924. Fai i sò atōr e regìsta più impurtànt a nutém Frank Capra, Jean Arthur, Cary Grant, la Rita Hayworth, William Holden e Glenn Ford.
Fra i film dal dòp guèra ch'l'à prudót a 'rcurém Da qui all'eternità (1953), Fronte del porto (1954), Improvvisamente, l'estate scorsa (1959), Il dottor Stranamore - Ovvero: come ho imparato a non preoccuparmi e ad amare la bomba (1964), James Bond 007 - Casino Royale (1967), Indovina chi viene a cena? (1967), Easy Rider - Libertà e paura (1969), L'ultimo spettacolo (1971), Invito a cena con delitto (1976), Taxi Driver (1976), Incontri ravvicinati del terzo tipo (1977), Fuga di mezzanotte (1978), Hardcore (1979), Kramer contro Kramer (1979), Tootsie (1982), Il grande freddo (1983), Christine - La macchina infernale (1983), Ghostbusters - Acchiappafantasmi (1984), Ammazzavampiri (1985), L'ultimo imperatore (1987), Dracula di Bram Stoker (1992), L'età dell'innocenza (1993), Larry Flynt - Oltre lo scandalo (1996), Anaconda (1997), Charlie's Angels (2000), Il patriota (2000), Spider-Man (2002), The Grudge (2004), Angeli e demoni (2009), The Amazing Spider-Man (2012) e Spider-Man: No Way Home (2021), film ch'l è stâ bòṅ ad muciàr sù dagnóra dū migliàrd ad dòlar in tut al mónd.