Colpo di fulmine - Il mago della truffa
 I Love You Phillip Morris | ||
| Colpo di fulmine - Il mago della truffa | ||
 Jim Carrey e Ewan McGregor in na figùra dal film | ||
| Cōlp ad na silta - Al mâg dla gàbala 2009 | ||
|---|---|---|
| Regìa: Glenn Ficarra • John Requa | ||
| Scritōr: Steve McVicker Glenn Ficarra • John Requa | ||
| Atōr: Jim Carrey • Ewan McGregor • Leslie Mann Rodrigo Santoro • Antoni Corone • Brennan Brown Michael Mandell • Annie Golden • David Jensen Marylouise Burke • Dameon Clarke • Griff Furst | ||
| Müsica: Nick Urata | ||
| Léngua: Ingléś | ||
| Dürä dal film: 102 minüt | ||
| Nasiōṅ: Stat Unî • Frància | ||
Colpo di fulmine - Il mago della truffa (Cōlp ad na silta - Al mâg dla gàbala) l'è na cumèdia biugràfica americàna e francéśa dal 2009 ad Glenn Ficarra e 'd John Requa trata da 'l lìbar I Love You Phillip Morris: A True Story of Life, Love, and Prison Breaks ad Steve McVicker.
La pelìcula, preśentàda a 'l 62śum Fèstival ad Cannes e anc a 'l Sundance Film Festival, l'à muciâ sù da piò ad vint migliòṅ ad dòlar dòp ès'r-an custàda trédas.
Sunt
[mudéfica la surzéia]Steven Russell (Jim Carrey) al fà 'l pulisiòt e 'l viṿ a Virgìgna Beach insém a sò mujēr Debbie (Leslie Mann) e a sò fiōla. Da pìcul 'l iva savû da i sò genitōr 'd èsar stâ adutâ, un quèl ch'al 'l à sèmpar fat patìr dimóndi. Dasfrutànd al sò lavōr, al gh la cava a cgnós'r al nóm dla màdar ch'la 'l à mis a 'l mónd ma purtròp chi lē la n in vōl savēr gnint ad lò.
Dòp ès'r-as licensiâ e ès'r-as réś cònt 'd èsar gay, al mòla la sò famìja p'r andàr a star in Flòrida in du al taca na relasiòṅ cun Jimmy Kemple (Rodrigo Santoro) ch'al dvènta 'l sò muróś. Par tiràr avànti al taca a strulgàr di piàṅ par gablàr, imbruiàr, infnuciàr e fargàr chi àtar, specialmènt al cumpagnìi 'd asicurasiòṅ. Purtròp par lò al vîṅ caplâ finénd in parśòṅ. Lè al cgnós un sèrt Phillip Morris (Ewan McGregor), un biundèṅ dimóndi gentìl e pîṅ 'd afèt, e i dū i tàcan na stòria insém, finénd anc in dla stésa sèla.
Quànd tut dū i vìnan mandâ lìbar, i vàn'n a vìv'r insém, cun Steven ch'al fà prima 'l avucàt e pò al cunsulènt finansiàri, sénsa avēr-'g i tìtui ma sèmp'r imbruiànd. I bèsi i rìv'n a muć ma pò al vîṅ bcâ finénd incóra dèntar. Par turnàr lìbar da 'l sò Phillip, Steven al fà finta 'd avēr-'g 'l AIDS.