Colin Firth

C'l artìcul chè 'l è scrit in Miranduléś

Colin Andrew Firth (Grayshott, 10 ad Setémbar dal 1959, a s lèś [ˈkɒlɪn fɜːθ] in ingléś), 'l è 'n atōr, scritōr e prudutōr britànig cun sitadinànsa itagliàna. 'L è stâ candidâ a i Prèmi Òscar in dal 2010 p'r al drama A Single Man, fat cun la Julianne Moore, vinsénd invéci 'l an dòp p'r al biugràfic Il discorso del re in du al s éra mis i pagn dal rè Śòrś VI dal Régn Unî.

'L à fat al sò debùt a 'l cìnema in dal 1984 tulénd part a 'l drama Another Country - La scelta insém a Rupert Everett par pò giràr in séguit al thriller Apartment Zero (1989) insém a Fabrizio Bentivoglio. In dal 1996 a 'l ém vist in dal drama biugràfic Il paziente inglese (1996) a fiànc ad Ralph Fiennes e 'd Willem Dafoe méntar 'l an dòp 'l à fat un tifōś ad fólbar dla squàdra lundinéśa d'l Arsenal (al 'l è dabòṅ fra 'l àtar) in dla cumèdia Febbre a 90°. In dal 1998 'l à fat al rōl dal Lord Wessex in dla cumèdia sentimentàla Shakespeare in Love cun prutagunìsta Joseph Fiennes e la Gwyneth Paltrow.

In di an Dumìla a 'l ém vist in dla cumèdia Il diario di Bridget Jones (2001), in dla part d'n avucàt ch'al cumbàt al sò rivàł Hugh Grant p'r al cōr dla Renée Zellweger, in L'importanza di chiamarsi Ernest (2002), trat da na cumèdia satìrica 'd Oscar Wilde, in dal biugràfic La ragazza con l'orecchino di perla (2003), in còpia cun la Scarlett Johansson, in dal drama rumàntig Love Actually - L'amore davvero (2003), a fiànc ad Hugh Grant e dl'Emma Thompson, in Che pasticcio, Bridget Jones! (2004), c'n i stés prutagunìsta ad tri an prima, in dal thriller False verità (2005), insém a l'Alison Lohman e a Kevin Bacon, in dla cumèdia Quando tutto cambia (2007), dirèt par l'Helen Hunt, in dal sentimentàł cun l'Uma Thurman Un marito di troppo (2008), e in dal film muśicàł Mamma Mia! (2008), cun prutagunìsta la Meryl Streep e Pierce Brosnan.

Dòp i film in du 'l è stâ numinâ a i Academy Award, A Single Man (2009) e Il discorso del re (2010), 'l à tòlt part a 'l film ad spiunàǵ La talpa (2011), in còpia cun Gary Oldman, a 'l thriller Devil's Knot - Fino a prova contraria (2013), a fiànc dla Reese Witherspoon e 'd Alessandro Nivola, in dla cumèdia ad Woody Allen Magic in the Moonlight (2014) e in Kingsman: Secret Service (2014).

Fra i sò ùltim lavōr a 'rcurdém al biugràfic The Happy Prince - L'ultimo ritratto di Oscar Wilde (2018), in dal rōl d'l amìg 'd Oscar Wilde Reginald Turner, al drama stòrig Kursk (2018), a fiànc ad Matthias Schoenaerts e 'd Max von Sydow, al drama Supernova (2020), fat insém a Stanley Tucci, e la pelìcula 'd fantasiénsa Disclosure Day (2026) ad Steven Spielberg.

Colin 'l è stâ spuśâ cun la regìsta Livia Giuggioli da 'l 1997 a 'l 2019. Insém i gh'aṅ abû dū fiōi, Luca e Matteo, ch'i s śònt'n a qvél bèla abû in dal 1990 da la sò relasiòṅ cun la culéga Meg Tilly cgnusùda su 'l set dal film Valmont ad Miloš Forman. 'L è bòṅ ad dascórar dimóndi bèṅ in Itagliàṅ avénd anc na cà a Sità dla Pēv in Ùmbria.

Da 'l 13 ad śnar dal 2011 al gh'à na stéla in dla Hollywood Walk of Fame.

Filmugrafìa

1984 - Another Country - La scelta (Another Country), regìa ad Marek Kanievska
1984 - Camille, regìa ad Desmond Davis - Film TV
1985 - 1919 (Nineteen Nineteen), regìa ad Hugh Brody
1985 - Dutch Girls, regìa ad Giles Foster - Film TV
1987 - Un mese in campagna (A Month in the Country), regìa ad Pat O'Connor
1987 - Tales from the Hollywood Hills: Pat Hobby Teamed with Genius, regìa ad Rob Thompson - Film TV
1987 - The Secret Garden, regìa 'd Alan Grint - Film TV
1988 - Apartment Zero, regìa ad Martin Donovan
1988 - Tumbledown, regìa ad Richard Eyre - Film TV
1989 - Valmont, regìa ad Miloš Forman
1990 - Le ali del successo (Wings of Fame), regìa 'd Otakar Votocek
1991 - Femme fatale, regìa 'd Andre R. Guttfreund
1992 - Mad at the Moon, regìa ad Martin Donovan
1992 - Hostages, regìa ad David Wheatley - Film TV
1993 - The Hour of the Pig, regìa ad Leslie Megahey
1994 - Il credo dell'omicidio (Playmaker), regìa ad Yuri Zeltser
1995 - Amiche (Circle of Friends), regìa ad Pat O'Connor
1996 - Il paziente inglese (The English Patient), regìa 'd Anthony Minghella
1997 - Febbre a 90° (Fever Pitch), regìa ad David Evans
1997 - Segreti (A Thousand Acres), regìa ad Jocelyn Moorhouse
1998 - The Secret Laughter of Women, regìa ad Peter Schwabach
1998 - Shakespeare in Love, regìa ad John Madden
1999 - La mia vita fino ad oggi (My Life So Far), regìa ad Hugh Hudson
1999 - The Turn of the Screw, regìa ad Ben Bolt - Film TV
2000 - La fidanzata ideale (Relative Values), regìa 'd Eric Styles
2000 - Donovan Quick, regìa ad David Blair - Film TV
2001 - Il diario di Bridget Jones (Bridget Jones's Diary), regìa dla Sharon Maguire
2001 - Conspiracy - Soluzione finale (Conspiracy), regìa ad Frank Pierson - Film TV
2001 - Four Play (Londinium), regìa ad Mike Binder
2002 - L'importanza di chiamarsi Ernest (The Importance of Being Earnest), regìa 'd Oliver Parker
2003 - Hope Springs, regìa ad Mark Herman
2003 - Una ragazza e il suo sogno (What a Girl Wants), regìa ad Dennie Gordon
2003 - La ragazza con l'orecchino di perla (Girl with a Pearl Earring), regìa ad Peter Webber
2003 - Love Actually - L'amore davvero (Love Actually), regìa ad Richard Curtis (2003)
2004 - Trauma, regìa ad Marc Evans
2004 - Che pasticcio, Bridget Jones! (Bridget Jones: The Edge of Reason), regìa ad Beeban Kidron
2005 - False verità (Where the Truth Lies), regìa 'd Atom Egoyan
2005 - Nanny McPhee - Tata Matilda (Nanny McPhee), regìa ad Kirk Jones
2006 - Born Equal, regìa ad Dominic Savage - Film TV
2007 - Celebration , regìa ad John Crowley - Film TV
2007 - L'ultima legione (The Last Legion), regìa ad Doug Lefler
2007 - And When Did You Last See Your Father?, regìa 'd Anand Tucker
2007 - Quando tutto cambia (Then She Found Me), regìa dl'Helen Hunt
2007 - St. Trinian's, regìa ad Oliver Parker e Barnaby Thompson
2008 - Un marito di troppo (The Accidental Husband), regìa ad Griffin Dunne
2008 - Mamma Mia!, regìa dla Phyllida Lloyd
2008 - Genova - Un luogo per ricominciare (Genova), regìa ad Michael Winterbottom
2008 - Un matrimonio all'inglese (Easy Virtue), regìa ad Stephan Elliott
2009 - Dorian Gray, regìa 'd Oliver Parker
2009 - A Single Man, regìa ad Tom Ford
2009 - A Christmas Carol, regìa ad Robert Zemeckis
2009 - St.Trinian's 2 - La leggenda del tesoro segreto (St Trinian's 2 - The Legend of Fritton's Gold), regìa 'd Oliver Parker e 'd Barnaby Thompson
2010 - Il discorso del re (The King's Speech), regìa ad Tom Hooper
2010 - Main St. - L'uomo del futuro (Main Street), regìa ad John Doyle
2011 - La talpa (Tinker, Tailor, Soldier, Spy), regìa ad Tomas Alfredson
2012 - Il mondo di Arthur Newman (Arthur Newman), regìa ad Dante Ariola
2012 - Gambit - Una truffa a regola d'arte (Gambit), regìa ad Michael Hoffman
2013 - Le due vie del destino - The Railway Man (The Railway Man), regìa ad Jonathan Teplitzky
2013 - Devil's Knot - Fino a prova contraria (Devil's Knot), regìa 'd Atom Egoyan
2014 - Magic in the Moonlight, regìa ad Woody Allen
2014 - Before I Go to Sleep, regìa ad Rowan Joffé
2014 - Kingsman - Secret Service (Kingsman: The Secret Service), regìa ad Matthew Vaughn
2016 - Genius, regìa ad Michael Grandage
2016 - Bridget Jones's Baby, regìa dla Sharon Maguire
2017 - Kingsman - Il cerchio d'oro (Kingsman: The Golden Circle), regìa ad Matthew Vaughn
2018 - The Happy Prince - L'ultimo ritratto di Oscar Wilde (The Happy Prince), regìa ad Rupert Everett
2018 - Il mistero di Donald C. (The Mercy), regìa ad James Marsh
2018 - Mamma Mia! Ci risiamo (Mamma Mia! Here We Go Again), regìa 'd Ol Parker
2018 - Kursk, regìa ad Thomas Vinterberg
2018 - Il ritorno di Mary Poppins (Mary Poppins Returns), regìa ad Rob Marshall
2019 - 1917, regìa ad Sam Mendes
2020 - Il giardino segreto (The Secret Garden), regìa ad Marc Munden
2020 - Supernova, regìa 'd Harry Macqueen
2021 - Secret Love (Mothering Sunday), regìa dl'Eva Husson
2022 - L'arma dell'inganno - Operation Mincemeat (Operation Mincemeat), regìa ad John Madden
2022 - Empire of Light, regìa ad Sam Mendes
2023 - Ritrovarsi in Rye Lane (Rye Lane), regìa ad Raine Allen-Miller
2025 - Bridget Jones - Un amore di ragazzo (Bridget Jones: Mad About the Boy), regìa ad Michael Morris
2026 - Disclosure Day, regìa ad Steven Spielberg

Culegamènt estéran

Àtar prugèt

Wikiquote contiene citazioni di o su Colin Firth
Wikimedia Commons contiene file multimediali su Colin Firth