Clea DuVall

C'l artìcul chè 'l è scrit in Miranduléś

La Clea Helen D'Etienne DuVall (Los Angeles, 25 ad Setémbar dal 1977, a s lèś [ˈkliːə duːˈvɑːl] in ingléś), l'è n'atōra e regìsta americàna.

Biugrafìa

Uriginària dla Califòrgna, la Clea la crés c'n i sò genitōr Rosemary e Stephen in fiṅ a i dód'ś an quànd i suo i divórsian. Dòp al secónd matrimòni ad sò màdar, lē la mòla la scóla sarnénd 'd andàr a vìvar da par lē. Vlénd tintàr ad lauràr in dal mónd dal cìnema, la s iscrìv a la Angeles County High School of the Arts in dal méntar ch'la fà di lavursèṅ par tiràr avànti.

Al sò debùt da atōra a riva in dal 1996 quànd la gh'à na part pìcula in dal film ad scarésa Little Witches, cun la Zelda Rubinstein, méntar 'l an dòp la gira la cumèdia Allarme mortale a fiànc ad David Arquette, ad Stanley Tucci e 'd Ryan Reynolds. In dal 1998 la fà na studènta ch'la fà finta 'd èsar lèśbica (ma lē la l'è dabòṅ) in dla pelìcula The Faculty ad Robert Rodriguez.

In dal 1999 a l'ém vista in dla cumèdia sentimentàla Kiss Me, a fiànc ad Freddie Prinze Jr., ad Paul Walker e dl'Anna Paquin, in dal thriller ad fantasiénsa The Astronaut's Wife - La moglie dell'astronauta, cun Johnny Depp e la Charlize Theron, in dla cumèdia Gonne al bivio, in dla part dna ragàsa arvèrsa e gay inamuràda dla Natasha Lyonne, in dal film biugràfic Ragazze interrotte, in dua la lavóra cun la Winona Ryder, l'Angelina Jolie, Jared Leto, la Vanessa Redgrave e la Whoopi Goldberg, e in dal drama Fiore bruciato, in di pagn dna ragàsa 'd darsèt an che da pìcula l'è stada bandunàda da sò màdar bohémien e ch'adès la stà da sò pàdar buletàri e scansafadìghi.

In di an Dumìla l'è in dal cast dal film ad scarésa Fantasmi da Marte (2001) ad John Carpenter e pò anc in dal drama Tredici variazioni sul tema (2001), insém a Matthew McConaughey, Alan Arkin e John Turturro, in dal thriller Identità (2003), in du la rècita a fiànc ad John Cusack, ad Ray Liotta e dla Rebecca De Mornay, in dal drama 21 grammi (2003), cun prutagunìsta la Naomi Watts e Sean Penn, in dal film ad scarésa The Grudge (2004), cun la Sarah Michelle Gellar, in dal thriller biugràfic Zodiac (2007), in dua l'incróśa Jake Gyllenhaal, Mark Ruffalo e Robert Downey Jr., e in dal thriller Anamorph - I ritratti del serial killer (2007) cun Willem Dafoe e la Debbie Harry.

Fra i sò ùltim lavōr su i schérum grand a 'rcurdém al film stòrig Argo ch'l'à fat insém a Ben Affleck, Bryan Cranston, Alan Arkin e John Goodman. Cuma regìsta l'à dirèt dó pelìculi: The Intervention in dal 2016 e Non ti presento i miei in dal 2020.

La Clea l'à laurâ dimóndi da spés anc in televiśiòṅ tulénd part a série televiśìvi cuma E.R. - Medici in prima linea, Buffy l'ammazzavampiri, Il fuggitivo, CSI - Scena del crimine, Heroes (sèt puntàdi), Grey's Anatomy, Law & Order - Unità vittime speciali, Saving Grace, Numb3rs, Bones, Law & Order - I due volti della giustizia e CSI: Miami. In dal 2012 la vîṅ sarnìda da Ryan Murphy par far la part dla muróśa dla Lana Winters in American Horror Story.

Dòp dal stòri abùdi cun la stilìsta Summer Phoenix in dal 2002 e cun la cantànta Camila Grey in dal 2007, in dal 2015 la s è spuśàda cun la Mia Weier.

Filmugrafìa

cuma atōra

1996 - Little Witches, regìa dla Jane Simpson
1997 - Innocenti evasioni (On the Edge of Innocence), regìa ad Peter Werner - Film TV
1997 - Niagara, Niagara, regìa ad Bob Gosse
1997 - Allarme mortale (Life During Wartime), regìa 'd Evan Dunsky
1997 - The Defenders: Payback, regìa 'd Andy Wolk
1998 - How to Make the Cruelest Month, regìa dla Kip Koenig
1998 - Girl, regìa ad Jonathan Kahn
1998 - Giovani, pazzi e svitati (Can't Hardly Wait), regìa 'd Harry Elfont e dla Deborah Kaplan
1998 - The Faculty, regìa ad Robert Rodriguez
1999 - Kiss Me (She's All That), regìa ad Robert Iscove
1999 - La vita in discesa (A Slipping-Down Life), regìa dla Toni Kalem
1999 - Fiore bruciato (Wildflowers), regìa dla Melissa Painter
1999 - The Astronaut's Wife - La moglie dell'astronauta (The Astronaut's Wife), regìa ad Rand Ravich
1999 - Gonne al bivio (But I'm a Cheerleader), regìa dla Jamie Babbit
1999 - Ragazze interrotte (Girl, Interrupted), regìa ad James Mangold
2000 - Lui, lei e gli altri (Committed), regìa dla Lisa Krueger
2001 - See Jane Run, regìa dla Sarah Thorp
2001 - Fantasmi da Marte (Ghosts of Mars), regìa ad John Carpenter
2001 - Tredici variazioni sul tema (Thirteen Conversations About One Thing), regìa dla Jill Sprecher
2001 - Il mostro oltre lo schermo (How to Make a Monster), regìa ad George Huang - Film TV
2001 - The Laramie Project, regìa ad Moisés Kaufman - Film TV
2002 - The Slaughter Rule, regìa 'd Alex Smith e 'd Andrew J. Smith
2003 - Identità (Identity), regìa ad James Mangold
2003 - 21 grammi (21 Grams), regìa 'd Alejandro González Iñárritu
2004 - Helter Skelter, regìa ad John Gray - Film TV
2004 - The Grudge, regìa ad Takashi Shimizu
2005 - Fathers and Sons, regìa ad Rodrigo García, Jared Rappaport e Rob Spera - Film TV
2006 - Champions, regìa ad David Wike
2006 - Two Weeks, regìa ad Steve Stockman
2007 - Itty Bitty Titty Committee, regìa dla Jamie Babbit
2007 - Zodiac, regìa ad David Fincher
2007 - Ten Inch Hero, regìa ad David Mackay
2007 - Anamorph - I ritratti del serial killer (Anamorph), regìa 'd Henry Miller
2008 - La foresta dei misteri (The Watch), regìa ad Jim Donovan - Film TV
2008 - Passengers - Mistero ad alta quota (Passengers), regìa ad Rodrigo García
2009 - The Killing Room, regìa ad Jonathan Liebesman
2009 - Virtuality, regìa ad Peter Berg - Film TV
2010 - Conviction, regìa ad Tony Goldwyn
2011 - Il figlio dell'inganno (And Baby Will Fall), regìa ad Bradley Walsh - Film TV
2012 - Argo, regìa ad Ben Affleck
2013 - In Security, regìa 'd Adam Beamer e 'd Evan Beamer
2014 - Il caso di Lizzie Borden (Lizzie Borden Took an Ax), regìa ad Nick Gomez - Film TV
2014 - Jackie & Ryan, regìa dl'Ami Canaan Mann
2015 - Addicted to Fresno, regìa dla Jamie Babbit
2016 - The Intervention, regìa dla Clea DuVall
2016 - Zen Dog, regìa ad Rick Darge
2016 - Heaven's Floor, regìa dla Lori Stoll
2018 - All About Nina, regìa dl'Eva Vives
2025 - Swiped, regìa dla Rachel Lee Goldenberg

cuma regìsta

2016 - The Intervention
2020 - Non ti presento i miei (Happiest Season)

Culegamènt estéran

(IT) Filmugrafìa su IMDb

Àtar prugèt

Wikiquote contiene citazioni di o su Clea DuVall
Wikimedia Commons contiene file multimediali su Clea DuVall