Claudio Santamaria

C'l artìcul chè 'l è scrit in Miranduléś

Claudio Santamaria Ferraro (Róma, 22 ad Luj dal 1974, a s lèś [ˈklaudjo santamaˈria] in itagliàṅ) 'l è 'n atōr e ardupiadōr itagliàṅ, vinsidōr 'd un Dàvid ad Dunatèl par la part 'd Enzo Ceccotti in dal noir Lo chiamavano Jeeg Robot, ólt'r a tri Nàstar 'd Argìnt e a 'n Glōb 'd Òr.

Biugrafìa

Carsû in dal quartēr Prati ad Róma, dòp al diplòma a 'l licèo artìstic Claudio al taca a lauràr da ardupiadōr par pò far un cōrs ad recitasiòṅ da la Beatrice Bracco, laurànd pò a teàtar.

Al fà 'l sò debùt a 'l cìnema in dal 1997 cun la cumèdia campióna 'd incàs Fuochi d'artificio dirèt par Leonardo Pieraccioni. 'L an dòp al lavóra cun Gabriele Muccino in Ecco fatto, a fiànc dla còpia Giorgio Pasotti/Barbora Bobuľová, in dal grutésc L'ultimo capodanno, cun prutagunìsta la Monica Bellucci, e in dal drama L'assedio ad Bernardo Bertolucci.

In dal 2000 al gira 'l thriller ambintâ a Bulógna Almost Blue faghénd la part 'd un ragàs òrub méntar 'l an dòp al tōś part a la cumèdia sentimentàla L'ultimo bacio, insém a Stefano Accorsi, a la Giovanna Mezzogiorno e a la Stefania Sandrelli, e a 'l drama La stanza del figlio in di pagn 'd un śōvan pasiènt ad Nanni Moretti cun di distùrub nevròtic. Dal 2002 'l è invéci al grutésc Paz! in dua lò 'l à recitâ da prutagunìsta la part ad Pentothal, rōl ch'al gh'à purtâ na candidadùra a i Nàstar 'd Argint.

In dal 2004 al vîṅ sarnî da Dario Argento par far la part d'n ispetōr ad pulisìa in dal thriller Il cartaio fat insém a la Stefania Rocca, a Liam Cunningham e a Silvio Muccino. 'L an dòp al gira la cumèdia ad Pupi Avati Ma quando arrivano le ragazze?, al noir Romanzo criminale, in dla part dal “Dandi”, e 'l drama eròtic Melissa P. faghénd al custôd dal muśèo. In dal 2006 al fà 'l sò debùt a livèl internasiunàł tulénd part a 'l film ad spiunàǵ Casino Royale, cun Daniel Craig in di pagn ad James Bond.

In dal 2010 al cata spasi in Baciami ancora, sequel ad L'ultimo bacio, par pò giràr al biugràfic Diaz - Don't Clean Up This Blood (2012), al drama Tre tocchi (2014), e 'l film 'd asiòṅ Lo chiamavano Jeeg Robot (2015). In dal 2019 al lavóra cun Gabriele Salvatores in Tutto il mio folle amore, a fiànc dla Valeria Golino e 'd Diego Abatantuono, méntar 'l an dòp l'è la vòlta ad Gli anni più belli in dua 'l incróśa Pierfrancesco Favino, Kim Rossi Stuart e la Micaela Ramazzotti.

Santamaria al gh'à abû na fiōla da la Delfina Delettrez Fendi par pò spuśàr la giurnalìsta Francesca Barra.

Filmugrafìa

1997 - Fuochi d'artificio, regìa ad Leonardo Pieraccioni
1998 - L'ultimo capodanno, regìa ad Marco Risi
1998 - L'assedio, regìa ad Bernardo Bertolucci
1998 - Ecco fatto, regìa ad Gabriele Muccino
1999 - The Building, regìa ad Nicola Barnaba
2000 - Terra del fuoco, regìa ad Miguel Littin
2000 - Almost Blue, regìa 'd Alex Infascelli
2001 - Il sequestro Soffiantini, regìa ad Riccardo Milani – Film TV
2001 - L'ultimo bacio, regìa ad Gabriele Muccino
2001 - La stanza del figlio, regìa ad Nanni Moretti
2001 - Amarsi può darsi, regìa 'd Alberto Taraglio
2002 - Sei come sei, regìa 'd Herbert Simone Paragnani
2002 - Paz!, regìa ad Renato De Maria
2002 - La vita come viene, regìa ad Stefano Incerti
2003 - Passato prossimo, regìa dla Maria Sole Tognazzi
2003 - Il posto dell'anima, regìa ad Riccardo Milani
2004 - Il cartaio, regìa ad Dario Argento
2004 - Agata e la tempesta, regìa ad Silvio Soldini
2005 - Ma quando arrivano le ragazze?, regìa ad Pupi Avati
2005 - Romanzo criminale, regìa ad Michele Placido
2005 - Melissa P., regìa ad Luca Guadagnino
2006 - Casino Royale, regìa ad Martin Campbell
2007 - Apnea, regìa ad Roberto Dordit
2007 - Fine pena mai, regìa ad Davide Barletti e 'd Lorenzo Conte
2008 - Aspettando il sole, regìa 'd Ago Panini
2008 - La terra degli uomini rossi - Birdwatchers, regìa ad Marco Bechis
2009 - Il caso dell'infedele Klara, regìa ad Roberto Faenza
2010 - Baciami ancora, regìa ad Gabriele Muccino
2010 - 600 kilos d'or pur, regìa 'd Éric Besnard
2011 - Gli sfiorati, regìa ad Matteo Rovere
2011 - Terraferma, regìa 'd Emanuele Crialese
2011 - I primi della lista, regìa ad Roan Johnson
2012 - Diaz - Don't Clean Up This Blood, regìa ad Daniele Vicari
2012 - Pauline détective, regìa ad Marc Fitoussi
2014 - Tre tocchi, regìa ad Marco Risi
2014 - Torneranno i prati, regìa 'd Ermanno Olmi
2014 - Il venditore di medicine, regìa 'd Antonio Morabito
2015 - Lo chiamavano Jeeg Robot, regìa ad Gabriele Mainetti
2017 - PIIGS, regìa 'd Adriano Cutraro, Federico Greco e Mirko Melchiorre
2017 - Brutti e cattivi, regìa ad Cosimo Gomez
2018 - Rimetti a noi i nostri debiti, regìa 'd Antonio Morabito
2019 - Tutto il mio folle amore, regìa ad Gabriele Salvatores
2020 - Gli anni più belli, regìa ad Gabriele Muccino
2021 - Freaks Out, regìa ad Gabriele Mainetti
2022 - Educazione fisica, regìa ad Stefano Cipani
2023 - Elf Me, regia de YouNuts!
2023 - Denti da squalo, regìa ad Davide Gentile
2024 - Non riattaccare, regìa ad Manfredi Lucibello
2024 - Io sono un po' matto e tu?, regìa ad Dario D'Ambrosi
2024 - Una terapia di gruppo, regìa ad Paolo Costella
2024 - Itaca - Il ritorno (The Return), regìa 'd Uberto Pasolini
2025 - Follemente, regìa ad Paolo Genovese
2025 - Il nibbio, regìa 'd Alessandro Tonda
2025 - In the Hand of Dante, regìa ad Julian Schnabel
2025 - Il falsario, regìa ad Stefano Lodovichi
2026 - Le cose non dette, regìa ad Gabriele Muccino
2026 - Idoli - Fino all'ultima corsa (Ídolos), regìa ad Mat Whitecross

Culegamènt estéran

Àtar prugèt

Wikimedia Commons contiene file multimediali su Claudio Santamaria