Vai al contenuto

Clara Calamai

Da Wikipedia.

C'l artìcul chè 'l è scrit in Miranduléś

La Calamai tòlta śò in dal 1940

La Clara Calamai, cgnusùda anc c'n al pseudònim ad Clara Mais (Prâ, 7 ad Setémbar dal 1909 - Rìmin, 21 ad Setémbar dal 1998, a s lèś [ˈklaːra kalaˈmai] in itagliàṅ), l'è stada n'atōra itagliàna, famóśa specialmènt durànt i an Quarànta a i tèmp dal cìnema di telèfun biànc^[1].

Biugrafìa

L'à fat al sò debùt a 'l cìnema in dal 1938 faghénd la part dla cuntésa de Lassere in Pietro Micca par pò vgnir tòlta śò c'n al téti 'd fóra in dal drama stòrig La cena delle beffe (1942), in còpia cun Amedeo Nazzari. 'L an dòp la gira 'l drama precursōr dal neurealìśum Ossessione ad Luchino Visconti (1943), ciapànd a 'l ùltim al pòst dl'Anna Magnani ch'la spetàva 'n putèṅ^[2], recitànd la part dl'amànta diabòlica 'd Massimo Girotti. Dal 1946 'l è invéci 'l drama sentimentàł L'adultera in dua l'à fat na dóna ch'la spóśa 'n óm pià vèć cun di bèsi par pò tradìr-al c'n śōvan Roldano Lupi. Cal rōl chè al gh parmét ad vìns'r un Nàstar 'd Argìnt a la prima edisiòṅ dla serimògna.

Dòp al sò matrimòni in dal 1945 c'n al cònt e prudutōr Leonardo Bonzi, la Calamai la taca a lauràr manc, girànd di film sōl na quàlc vòlta. In dal 1957 Luchino Visconti al la ciàma incóra par far-ag far na putàna in dal drama Le notti bianche cun prutagunìsta la Maria Schell e Marcello Mastroianni e pò na stria in dal grutésc Le streghe dal 1967.

I sò ùltim lavōr a 'l cìnema i èṅ dal 1975: al drama La peccatrice, cun la Zeudi Araya e Francisco Rabal, e 'l film ad scarésa Profondo rosso in dua l'à fat la màd'r ad Gabriele Lavia, 'l amìg gay ad David Hemmings.

L'è mòrta a utànta-nóṿ an par 'n infàrt a cà 'd sò surèla in Rumàgna^[3].

Filmugrafìa

La séna dal burli (1942)

Usesiòṅ (1943)

Al surèli Materassi (1944)

Amànt sénsa amōr (1948)

Rós fónd (1975)

1938 - Pietro Micca, regìa 'd Aldo Vergano
1938 - Hanno rapito un uomo, regìa ad Gennaro Righelli
1938 - Il destino in tasca, regìa ad Gennaro Righelli
1938 - Ettore Fieramosca, regìa 'd Alessandro Blasetti
1939 - Io, suo padre, regìa ad Mario Bonnard
1939 - Il fornaretto di Venezia, regìa ad Duilio Coletti
1939 - L'eredità in corsa, regìa 'd Oreste Biancoli
1939 - Il socio invisibile, regìa ad Roberto Roberti
1940 - Le sorprese del vagone letto, regìa ad Gian Paolo Rosmino
1940 - Boccaccio, regìa ad Marcello Albani
1940 - Capitan Fracassa, regìa ad Duilio Coletti
1940 - Addio giovinezza!, regìa ad Ferdinando Maria Poggioli
1941 - Manovre d'amore, regìa ad Gennaro Righelli
1941 - Caravaggio, il pittore maledetto, regìa ad Goffredo Alessandrini
1941 - Il re del circo, regìa 'd Hans Hinrich
1941 - Luce nelle tenebre, regìa ad Mario Mattoli
1941 - I mariti (Tempesta d'anime), regìa ad Camillo Mastrocinque
1941 - Brivido, regìa ad Giacomo Gentilomo
1941 - I pirati della Malesia, regìa 'd Enrico Guazzoni
1941 - L'avventuriera del piano di sopra, regìa ad Raffaello Matarazzo
1942 - La cena delle beffe, regìa 'd Alessandro Blasetti
1942 - La regina di Navarra, regìa ad Carmine Gallone
1942 - La guardia del corpo, regìa ad Carlo Ludovico Bragaglia
1942 - Le vie del cuore, regìa ad Camillo Mastrocinque
1943 - Ossessione, regìa ad Luchino Visconti
1943 - Enrico IV, regìa ad Giorgio Pastina
1943 - Una piccola moglie, regìa ad Giorgio Bianchi
1943 - Addio, amore!, regìa ad Gianni Franciolini
1944 - Sorelle Materassi, regìa ad Ferdinando Maria Poggioli
1945 - La resa di Titì, regìa ad Giorgio Bianchi
1945 - Due lettere anonime, regìa ad Mario Camerini
1946 - L'adultera, regìa ad Duilio Coletti
1946 - Il tiranno di Padova, regìa ad Max Neufeld
1946 - Il mondo vuole così, regìa ad Giorgio Bianchi
1947 - Ultimo amore, regìa ad Luigi Chiarini
1947 - Quando gli angeli dormono, regìa ad Gilberto Gascon
1948 - Amanti senza amore, regìa ad Gianni Franciolini
1949 - Romanticismo, regìa ad Clemente Fracassi
1949 - Vespro siciliano, regìa ad Giorgio Pastina
1952 - Il moschettiere fantasma, regìa ad Max Calandri
1952 - Carne inquieta, regìa ad Silvestro Prestifilippo
1957 - Le notti bianche, regìa ad Luchino Visconti
1958 - Afrodite, dea dell'amore, regìa ad Mario Bonnard
1960 - Tom Jones, regìa 'd Eros Macchi - Minisérie TV
1967 - Le streghe, regìa ad Luchino Visconti, Mauro Bolognini, Vittorio De Sica, Pier Paolo Pasolini e Franco Rossi
1975 - Profondo rosso, regìa ad Dario Argento
1975 - La peccatrice, regìa ad Pier Ludovico Pavoni

Culegamènt estéran

Àtar prugèt

Wikimedia Commons contiene file multimediali su Clara Calamai

Nòti

↑ Da la banda 'd lē: “Al stéli dal cìnema di telèfun biànc (e dal camìśi négri)” Grey Panthers, 22 ad Dicémbar dal 2017
↑ AL CÌNEMA DAL PO - Usesiòṅ ad Luchino Visconti Paola Di Giuseppe, 21 ad Dicémbar dal 2018
↑ Adìo a Clara Calamai Al Manifèst, 22 ad Setémbar dal 1998

Estratto da "https://eml.wikipedia.org/w/index.php?title=Clara_Calamai&oldid=168673"