Clara Bow
|
C'l artìcul chè 'l è scrit in
Miranduléś |
La Clara Gordon Bow, cgnusùda méj cuma Clara Bow (Brooklyn, 29 ad Luj dal 1905 - Los Angeles, 27 ad Setémbar dal 1965, a s lèś [ˈklɑːrə boʊ] in ingléś), l'è stada n'atōra americàna.
Rósa 'd cavìi e cun na bóca a fōrma 'd cōr ch'l'è dvintàda famóśa, in dla sò caréra tacàda a darsèt an l'à girâ quarànta-siē film mut e ùndas sunôr, dvintànd na stéla a Hollywood e una dal sex symbol dal tèmp, faghénd anc di persunàǵ flapper (masćiùs) cuma in dla pelìcula dal 1927 Una maschietta tutto pepe. In cal perìud lè i sò amiradōr i gh mandàvan quarantasìnc-mila létri la stmana.
Fra i sò lavōr più cgnusû a 'rcurdém al dramàtic Ali (1927), girâ cun Gary Cooper, L'allegra brigata (1929), al sò prim film in du a s sènt la sò vōś ch'la gh'iva un fòrt asènt ad Brooklyn, e Sangue ribelle (1932), al sò penùltim film prima 'd srar la caréra cun Hoop-La (1933).
La daśvgnìva da na famìja 'd New York. Sò màdar l'éra malàda 'd schisufrenìa, l'à anc pruâ a tajàr-ag la góla, méntar sò pàdar al druàva 'l maṅ e al l'à anc viulentàda.
L'è mòrta a ssant'an par 'n atàc ad cōr, dòp avēr pasâ dimóndi an in dal cà 'd cura p'r i sò prubléma mèntai.
Culegamènt estéran
[mudéfica la surzéia]Àtar prugèt
[mudéfica la surzéia]
Wikiquote contiene citazioni di o su Clara Bow
Wikimedia Commons contiene file multimediali su Clara Bow
