Christian Bale

C'l artìcul chè 'l è scrit in Miranduléś

Christian Charles Philip Bale, cgnusû méj cuma Christian Bale (Haverfordwest, 30 ad Śnar dal 1974, a s lèś [ˈkɹɪstʃən beɪ̯l] in ingléś), 'l è 'n atōr e prudutōr britànig naturaliśâ americàṅ. 'L è bòṅ ad cambiàr facilmènt al sò asènt quànd al rècita, da britànig a americàṅ.

Al s è fat cgnósar da ragasōl tulénd part a tréd'ś an a 'l film L'impero del sole (1987) ad Steven Spielberg, ambintâ in di an dla secónda guèra mundiàla, in dla part 'd un śuvnòt far parśunēr in Giapòṅ. Dòp avēr recitâ cun la Nicole Kidman in Ritratto di signora (1996) e cun Ewan McGregor in Velvet Goldmine (1998), in dal 1999 'l à fat la part ad Demétri in Sogno di una notte di mezza estate, pelìcula cun Rupert Everett e la Michelle Pfeiffer trata da n'òvra famóśa 'd William Shakespeare.

In dal 2000 'l à girâ òṅ di sò film più famóś, al thriller American Psycho, in du 'l fà la part 'd un banchēr ad Wall Street pîṅ 'd bèsi e masadōr seriàł, fisâ cun la cura dal sò còrp, méntar 'l an dòp 'l è in dal cast dal drama Il mandolino del capitano Corelli a fiànc ad Nicolas Cage e dla Penélope Cruz.

In dal 2004 al pèrd dimóndi chilo, dvintànd pèla e òs, par giràr al thriller L'uomo senza sonno, insém a l'Aitana Sánchez-Gijón e a la Jennifer Jason Leigh. In dal 2005 al vistìs par la prima vòlta i pagn ad Batman in dla pelìcula Batman Begins ad Christopher Nolan, pò al turnarà a far cal persunàǵ chè anc in Il cavaliere oscuro dal 2008 e in Il cavaliere oscuro - Il ritorno dal 2012.

Par la part dal pùgil Dicky Eklund in The Fighter 'l à vins un Prèmi Òscar in dal 2011 méntar 'l è stâ numinâ atri tré vòlti p'r American Hustle - L'apparenza inganna (2013), par La grande scommessa (2015) e par Vice - L'uomo nell'ombra (2018). In bisàca al gh'à anc dū Golden Globe.

Filmugrafìa

1986 - Anastasia - L'ultima dei Romanov (Anastasia: The Mystery of Anna), regìa ad Marvin J. Chomsky – Film TV
1987 - Mio in the Land of Faraway, regìa ad Vladimir Grammatikov
1987 - L'impero del sole (Empire of the Sun), regìa ad Steven Spielberg
1989 - Enrico V (Henry V), regìa ad Kenneth Branagh
1990 - L'isola del tesoro (Treasure Island), regìa ad Fraser Clarke Heston – Film TV
1991 - Un delitto di classe (A Murder of Quality), regìa ad Gavin Millar – Film TV (1991)
1992 - Gli strilloni (Newsies), regìa ad Kenny Ortega
1993 - Swing Kids - Giovani ribelli (Swing Kids), regìa ad Thomas Carter
1994 - Prince of Jutland, regìa ad Gabriel Axel
1994 - Piccole donne (Little Women) regìa ad Gillian Armstrong
1996 - L'agente segreto (The Secret Agent), regìa ad Christopher Hampton
1996 - Ritratto di signora (The Portrait of a Lady), regìa dla Jane Campion
1997 - Metroland, regìa ad Philip Saville
1998 - Velvet Goldmine, regìa ad Todd Haynes
1998 - All the Little Animals, regìa ad Jeremy Thomas
1999 - Sogno di una notte di mezza estate (A Midsummer Night's Dream), regìa ad Michael Hoffman
1999 - Maria, madre di Gesù (Mary, Mother of Jesus), regìa ad Kevin Connor – Film TV
2000 - American Psycho, regìa ad Mary Harron
2000 - Shaft, regìa ad John Singleton
2001 - Il mandolino del capitano Corelli (Captain Corelli's Mandolin), regìa ad John Madden
2002 - Laurel Canyon - Dritto in fondo al cuore (Laurel Canyon), regìa dla Lisa Cholodenko
2002 - Il regno del fuoco (Reign of Fire), regìa ad Rob Bowman
2002 - Equilibrium, regìa ad Kurt Wimmer
2004 - L'uomo senza sonno (The Machinist), regìa ad Brad Anderson
2005 - Batman Begins, regìa ad Christopher Nolan
2005 - Harsh Times - I giorni dell'odio (Harsh Times), regìa ad David Ayer
2005 - The New World - Il nuovo mondo (The New World), regìa ad Terrence Malick
2006 - The Prestige, regìa ad Christopher Nolan
2006 - L'alba della libertà (Rescue Dawn), regìa ad Werner Herzog
2007 - Quel treno per Yuma (3:10 to Yuma), regìa ad James Mangold
2007 - Io non sono qui (I'm Not There), regìa ad Todd Haynes
2008 - Il cavaliere oscuro (The Dark Knight), regìa ad Christopher Nolan
2009 - Terminator Salvation, regìa ad McG
2009 - Nemico pubblico - Public Enemies (Public Enemies), regìa ad Michael Mann
2010 - The Fighter, regìa ad David O. Russell
2011 - I fiori della guerra (The Flowers of War), regìa ad Yimou Zhang
2012 - Il cavaliere oscuro - Il ritorno (The Dark Knight Rises), regìa ad Christopher Nolan
2013 - Il fuoco della vendetta - Out of the Furnace (Out of the Furnace), regìa ad Scott Cooper
2013 - American Hustle - L'apparenza inganna (American Hustle), regìa ad David O. Russell
2014 - Exodus - Dei e re (Exodus: Gods and Kings), regìa ad Ridley Scott
2015 - La grande scommessa (The Big Short), regìa 'd Adam McKay
2015 - Knight of Cups, regìa ad Terrence Malick
2016 - The Promise, regìa ad Terry George
2017 - Hostiles - Ostili (Hostiles), regìa ad Scott Cooper
2018 - Vice - L'uomo nell'ombra (Vice), regìa 'd Adam McKay
2019 - Le Mans '66 - La grande sfida (Ford v. Ferrari), regìa ad James Mangold
2022 - Thor: Love and Thunder, regìa ad Taika Waititi
2022 - Amsterdam, regìa ad David O. Russell
2022 - The Pale Blue Eye - I delitti di West Point (The Pale Blue Eye), regìa ad Scott Cooper
2026 - La sposa! (The Bride!), regìa dla Maggie Gyllenhaal

Culegamènt estéran

Àtar prugèt

Wikimedia Commons contiene file multimediali su Christian Bale