Chiamata da uno sconosciuto
|
C'l artìcul chè 'l è scrit in
Miranduléś |
 When a Stranger Calls | ||
| Chiamata da uno sconosciuto | ||
 La Camilla Belle in na figùra dal film | ||
| Ciamàda da 'n furastēr 2006 | ||
|---|---|---|
| Regìa: Simon West | ||
| Scritōr: Steve Feke • Fred Walton • Jake Wade Wall | ||
| Atōr: Camilla Belle • Tommy Flanagan Katie Cassidy • Tessa Thompson • Brian Geraghty Clark Gregg • Derek de Lint • Kate Jennings Grant David Denman • Arthur Young • Madeline Carroll | ||
| Müsica: James Dooley | ||
| Léngua: Ingléś | ||
| Dürä dal film: 87 minüt | ||
| Nasiōṅ: Stat Unî | ||
Chiamata da uno sconosciuto (Ciamàda da 'n furastēr) 'l è 'n thriller americàṅ dal 2006 ad Simon West, arfacimènt dna pelìcula dal 1979 da 'l tìtul Quando chiama uno sconosciuto.
Custâ quìndas migliòṅ ad dòlar, al film al 'n à pò muciâ sù da piò ad ssanta-sèt.
Sunt
La Jill Johnson (Camilla Belle) l'è na ragàsa 'd séd'ś an dal Culuràdo ch'in dal tèmp lìbar la fà la babysitter. Na sira la s fà scarusàr par sò pàdar Ben (Clark Gregg) p'r andàr a tgnir adrē a i dū putèṅ dal dutōr Mandrakis (Derek de Lint) e 'd sò mujēr Kelly (Kate Jennings Grant) ch'i stànan in na vila da par lē in mèś a la natùra darènt a 'n lâg. Insém a i dū baghét bèla a lèt, Will (Arthur Young) e lʼAllison (Madeline Carroll), in cà, a 'l piàṅ ad sōvar, a gh'è anc la camaréra Rosa Ramirez (Rosine Ace Hatem).
Cla nòt lè la ragàsa la taca a ricévar dal ciamàdi strâni cun di spauràs. A 'l inìsi la Jill la créd ch'i sìan di schèrs da part di sò amìg dla scóla ch'i èṅ drē a festegiàr da n'atra banda, ma pò al ciamàdi i cuntìnuan e lē la taca a 'ndàr in angùstia. A 'n sèrt punt a riva a catàr-la a 'l impruvìś par far-ag na surpréśa la sò amìga Tiffany Madison (Katie Cassidy), na biónda ch'la gh'iva di quèi in suspéś sèg par via 'd un ragàs ciamâ Bobby (Brian Geraghty) ch'al piaśìva a tuti e dó, prima 'd dvintàr al muróś dla Jill. Chi lē la gh admànda però 'd andàr via p'r a n métar-la in di guàj c'n i padròṅ.
Al furastēr dal ciamàdi (Tommy Flanagan), ch'l è 'n manìag sasèṅ, al s fà viṿ incóra faghénd inténd'r a la Jill ch'al véd tut qvél ch'la fà. La ragàsa la s mét paùra e la ciàma la pulisìa e 'n agìnt la gh diś ch'al pruarà a védar 'd in du 'l ciàma par bcar-al. Al pulisiòt al capìs in présia ch'al ciamàdi i rìvan pròpria da 'l intéran dla vila e 'l al diś a la babysitter. La Jill la tōś sèg i dū putèṅ pruànd a scapàr via da 'l sasèṅ ch'l à bèla cupâ la Rosa e la Tiffany e ch'al s è mis a curar-'g adrē.