Che la fine abbia inizio
|
C'l artìcul chè 'l è scrit in
Miranduléś |
 Prom Night | ||
| Che la fine abbia inizio | ||
 La Brittany Snow e Scott Porter in na figùra dal film | ||
| Ch'la fîṅ la gh'àppia inìsi 2008 | ||
|---|---|---|
| Regìa: Nelson McCormick | ||
| Scritōr: J.S. Cardone | ||
| Atōr: Brittany Snow • Scott Porter • Dana Davis Jessica Stroup • Collins Pennie • Kelly Blatz James Ransone • Brianne Davis • Kellan Lutz Rachel Specter • Idris Elba • Jessalyn Gilsig Linden Ashby • Johnathon Schaech • Mary Mara Ming-Na Wen • Jana Kramer • David Kaufman | ||
| Müsica: Paul Haslinger | ||
| Léngua: Ingléś • Itagliàṅ | ||
| Dürä dal film: 88 minüt | ||
| Nasiōṅ: Stat Unî • Cànada | ||
Che la fine abbia inizio (Ch'la fîṅ la gh'àppia inìsi) 'l è 'n thriller americàṅ e canadéś dal 2008 ad Nelson McCormick, arfacimènt ad Non entrate in quella casa dal 1980 cun la Jamie Lee Curtis.
'L è custâ vint migliòṅ ad dòlar par pò far-an sù da piò ad sinquànta-sèt.
Sunt
La Donna Keppel (Brittany Snow) l'è na ragàsa ch'la frequènta 'n lìceo d'l Òregun insém a 'l sò muróś Bobby (Scott Porter). Soquànt an prima un sò prufesōr ad biulugìa ch'l iva pardû la tèsta par lē, Richard Fenton (Johnathon Schaech), 'l iva masâ i sò genitōr p'r armàgnar sèg, un quèl ch'l'à traumatiśâ la śōvna ch'adès la próa a tgnir bòta dòp ès'r andàda a vìvar da i sò sîṅ matéran, Jack Turner (Linden Ashby) e la Karen (Jessalyn Gilsig).
Par far-as pasàr l'ànsia la Donna la tōś dal madśìni anc se dal vòlti la gh'à l'impresiòṅ 'd avēr-ag dal viśiòṅ ad Fenton ch'i pàran véra anc s'adès chi lò par furtùna 'l è in parśòṅ. Par 'l ùltim dè dal lìceo, cuma da tradisiòṅ in di Stat Unî, lē e 'l sò muróś i gh'aṅ d'andàr a 'l bal dla scóla e i gh vàṅ insém a dó còpi 'd amìg: la Lisa (Dana Davis) cun Ronnie (Collins Pennie) e la Claire (Jessica Stroup) cun Michael (Kelly Blatz). A la fèsta a gh'è anc cla strònsa dla Crissy Lynn (Brianne Davis) insém a 'l sò manś Rick Leland (Kellan Lutz).
Al detective Winn (Idris Elba) al vîṅ a savēr ch'in cal méntar Fenton al gh l'à cavàda a scapàr via méntar 'l éra drē a far un cutròl mèdag. Pinsànd ch'al manìag al pòsa andàr a pascàr la Donna, al pulisiòt al riva là insém a 'l detective Nash (James Ransone) ma i masamènt i èṅ bèla partî.