Charlotte Rampling

C'l artìcul chè 'l è scrit in Miranduléś

La Charlotte Rampling tòlta śò in dal 1974

La Tessa Charlotte Rampling (Sturmer, 5 ad Favràr dal 1946, a s lèś [ˈʃɑːlort ˈræmplɪŋ] in ingléś), l'è n'atōra britànica, vinsidōra a 'l Fèstival 'd Berlîṅ d'n Ōrs 'd argìnt in dal 2015 p'r al drama 45 anni e d'n Ōrs 'd òr a la caréra in dal 2019 e pò anc dna Cópa Vólpi a 'l Fèstival ad Venèsia in dal 2017 p'r al drama Hannah.

Dòp avēr tacâ a lauràr cuma mudèla a gl'inìsi di an Ssanta, l'a fat al sò debùt a 'l cìnema faghénd la cumpàrsa in di film c'n i Beatles Tutti per uno (1964) e in dla cumèdia Non tutti ce l'hanno (1965). In séguit la Rapling la s è fata nutàr in dal 1967 par la pelìcula 'd aventùra Il lungo duello, a fiànc ad Yul Brynner, e pò in dal 1968 p'r al pulisiésc Sequestro di persona girâ in Itàglia cun Franco Nero.

In dal 1969 la vîṅ sarnìda da Luchino Visconti par far la part dlʼElisabeth Thallman in dal drama 'd guèra La caduta degli dei, pelìcula cun Dirk Bogarde, l'Ingrid Thulin, Helmut Berger e la Florinda Bolkan. Sèmp'r in Itàglia la gira insém a Fabio Testi al drama Addio fratello crudele (1971), par la regìa ad Giuseppe Patroni Griffi, al biugràfic Giordano Bruno (1973) ad Giuliano Montaldo, cun Gian Maria Volonté in di pagn dal scritōr e filòśuf, e Il portiere di notte (1974), drama eròtic dla carpśàna Liliana Cavani ch'la l'à purtàda a 'l sucès internasiunàł.

In dal 1975 l'è prutagunìsta dal thriller Un'orchidea rosso sangue, girâ insém a la Simone Signoret e a l'Alida Valli, e dal pulisiésc Marlowe, il poliziotto privato cun Robert Mitchum. Dū an dòp la fà n'eculugìsta in dal film ad scarésa L'orca assassina mént'r in dal 1980 la lavóra cun Woody Allen in dla cumèdia in biànc e négar Stardust Memories cun la Jessica Harper. In chi an lè a Hollywood la gira anc al drama cun Paul Newman Il verdetto (1982), e i thriller Angel Heart - Ascensore per l'inferno (1987), cun Mickey Rourke e Robert De Niro, e D.O.A. - Dead on Arrival (1998) a fiànc ad Dennis Quaid e dla Meg Ryan.

In dal 1993 la tōś part a Un piccolo grande eroe, film austragliàṅ cun Russell Crowe, méntar quàt'r an più tard la rècita in dal drama Le ali dell'amore cun l'Helena Bonham Carter.

In di an Dumìla a l'ém vista in soquànti pelìculi francéśi cuma Sotto la sabbia, Swimming Pool e Angel - La vita, il romanzo ad François Ozon e Baciate chi vi pare (2002), cumèdia cun la Carole Bouquet e la Clotilde Courau. Par Tony Scott la gira al film ad spiunàǵ Spy Game (2001), cun Robert Redford, Brad Pitt e David Hemmings, méntar p'r al regìsta Michael Caton-Jones la tōś part a 'l thriller eròtic Basic Instinct 2 cun la Sharon Stone e David Morrissey. In dal 2008 la rècita in 'n àtar thriller, Sex List - Omicidio a tre, cun Ewan McGregor e Hugh Jackman.

La Rampling la s è spuśàda dó vòlti, prima cun Bryan Southcombe (1972-1976) e pò c'n al muśicìsta Jean-Michel Jarre (1978-1997). In séguit la s è cumpagnàda c'n al giurnalìsta francéś Jean-Noël Tassez, armagnénd sèg in fiṅ a la sò mòrt in dal 2015 p'r un càncar.

Filmugrafìa

1964 - Tutti per uno (A Hard Day's Night), regìa ad Richard Lester
1965 - Non tutti ce l'hanno (The Knack… and How to Get It), regìa ad Richard Lester
1965 - Otto facce di bronzo (Rotten to the Core), regìa ad John Boulting
1966 - Georgy, svegliati (Georgy Girl), regìa ad Silvio Narizzano
1967 - Il lungo duello (The Long Duel), regìa ad Ken Annakin
1968 - Sequestro di persona, regìa ad Gianfranco Mingozzi
1969 - Bersaglio umano (Target: Harry), regìa ad Roger Corman
1969 - Noi tre soltanto (Three), regìa ad James Salter
1969 - La caduta degli dei, regìa ad Luchino Visconti
1971 - Punto zero (Vanishing Point), regìa ad Richard C. Sarafian - séni tajàdi
1971 - Addio fratello crudele, regìa ad Giuseppe Patroni Griffi
1971 - Relazione intima (The Ski Bum), regìa ad Bruce Clark
1972 - Corky, regìa ad Leonard Horn
1972 - La morte dietro il cancello (Asylum), regìa ad Roy Ward Baker
1972 - Enrico VIII: tutte le donne del re (Henry VIII and His Six Wives), regìa ad Waris Hussein
1973 - Giordano Bruno, regìa ad Giuliano Montaldo
1974 - Zardoz, regìa ad John Boorman
1974 - Il portiere di notte, regìa dla Liliana Cavani
1974 - Il giorno del toro (Caravan to Vaccares), regìa ad Geoffrey Reeve
1975 - Un'orchidea rosso sangue (La Chair de l'orchidée), regìa ad Patrice Chéreau
1975 - Yuppi du, regìa 'd Adriano Celentano
1975 - Marlowe, il poliziotto privato (Farewell, My Lovely), regìa ad Dick Richards
1976 - Sherlock Holmes a New York (Sherlock Holmes in New York), regìa ad Boris Sagal – Film TV
1976 - Foxtrot, regìa 'd Arturo Ripstein
1977 - Un taxi color malva (Un Taxi mauve), regìa 'd Yves Boisset
1977 - L'orca assassina (Orca – Killer Whale), regìa ad Michael Anderson
1980 - Stardust Memories, regìa ad Woody Allen
1982 - Il verdetto (The Verdict), regìa ad Sidney Lumet
1984 - Viva la vita (Vive la vie), regìa ad Claude Lelouch
1985 - Shocking Love (On ne meurt que deux fois), regìa ad Jacques Deray
1985 - La tristezza e la bellezza (Tristesse et beauté), regìa ad Joy Fleury
1986 - Max amore mio (Max mon amour), regìa ad Nagisa Ōshima
1987 - Angel Heart - Ascensore per l'inferno (Angel Heart), regìa 'd Alan Parker
1987 - Mascara, regìa ad Patrick Conrad
1988 - D.O.A. - Dead on Arrival (D.O.A.), regìa dl'Annabel Jankel e 'd Rocky Morton
1988 - Paris by Night, regìa ad David Hare
1989 - Rebus regìa ad Massimo Guglielmi
1993 - Tra l'incudine e il martello (Hammers Over the Anvil), regìa dl'Ann Turner
1994 - Time Is Money, regìa ad Paolo Barzman
1996 - Asphalt Tango, regìa ad Nae Caranfil
1996 - Violenza privata (Invasion of Privacy), regìa 'd Anthony Hickox
1997 - Le ali dell'amore (The Wings of the Dove), regìa 'd Iain Softley
1999 - The Cherry Orchard, regìa ad Michael Cacoyannis
2000 - Signs & Wonder, regìa ad Jonathan Nossiter
2000 - Aberdeen, regìa 'd Hans Petter Moland
2000 - Sotto la sabbia (Sous le sable), regìa ad François Ozon
2001 - Il quarto angelo (The Fourth Angel), regìa ad John Irvin
2001 - Superstition, regìa ad Kenneth Hope
2001 - Spy Game, regìa ad Tony Scott
2002 - Baciate chi vi pare (Embrassez qui vous voudrez), regìa ad Michel Blanc
2003 - Imperium: Augusto, regìa ad Roger Young – Film TV
2003 - I'll Sleep When I'm Dead, regìa ad Mike Hodges
2003 - Swimming Pool, regìa ad François Ozon
2003 - Caccia all'uomo (The Statement), regìa ad Norman Jewison
2004 - Immortal Ad Vitam (Immortel ad vitam), regìa 'd Enki Bilal
2004 - Jerusalemski sindrom, regìa ad Dominik e 'd Jakov Sedlar
2004 - Le chiavi di casa, regìa ad Gianni Amelio
2005 - Due volte lei (Lemming), regìa ad Dominik Moll
2005 - Verso il sud (Vers le sud), regìa ad Laurent Cantet
2006 - Basic Instinct 2, regìa ad Michael Caton-Jones
2006 - Désaccord parfait, regìa 'd Antoine de Caunes
2007 - Angel - La vita, il romanzo (Angel), regìa ad François Ozon
2007 - Il caos da Ana (Caótica Ana), regìa ad Julio Medem
2008 - Sex List - Omicidio a tre (Deception), regìa ad Marcel Langenegger
2008 - Babylon A.D., regìa ad Mathieu Kassovitz
2008 - La duchessa (The Duchess), regìa ad Saul Dibb
2009 - Le Bal des actrices, regìa dla Maïwenn
2009 - Quelque chose à te dire, regìa dla Cécile Telerman
2009 - Tradire è un'arte - Boogie Woogie (Boogie Woogie), regìa ad Duncan Ward
2009 - La femme invisible (d'après une histoire vraie), regìa dl'Agathe Teyssier
2009 - Perdona e dimentica (Life During Wartime), regìa ad Todd Solondz
2010 - StreetDance 3D, regìa ad Max Giwa e dla Dania Pasquini
2010 - Non lasciarmi (Never Let Me Go), regìa ad Mark Romanek
2010 - Rio Sex Comedy, regìa ad Jonathan Nossiter
2010 - StreetDance: The Moves, regìa dla Tracey Larcombe
2011 - I colori della passione (The Mill and the Cross), regìa ad Lech Majewski
2011 - Melancholia, regìa ad Lars von Trier
2011 - The Eye of the Storm, regìa ad Fred Schepisi
2012 - I, Anna, regìa ad Barnaby Southcombe
2012 - Cleanskin, regìa 'd Hadi Hajaig
2012 - Tutto parla di te, regìa dl'Alina Marazzi
2013 - Treno di notte per Lisbona (Night Train to Lisbon), regìa ad Bille August
2013 - Giovane e bella (Jeune et Jolie), regìa ad François Ozon
2013 - The Sea, regìa ad Stephen Brown
2014 - Le dos rouge, regìa 'd Antoine Barraud - Vōś
2015 - The Forbidden Room, regìa ad Guy Maddin e 'd Evan Johnson
2015 - 45 anni (45 Years), regìa 'd Andrew Haigh
2016 - Sculpt, regìa ad Loris Gréaud
2016 - Assassin's Creed, regìa ad Justin Kurzel
2017 - L'altra metà della storia (The Sense of an Ending), regìa ad Ritesh Batra
2017 - Hannah, regìa 'd Andrea Pallaoro
2017 - Euphoria, regìa dla Lisa Langseth
2018 - Red Sparrow, regìa ad Francis Lawrence
2018 - Amanti & tradimenti (Voyez comme on danse), regìa ad Michel Blanc
2018 - L'ospite (The Little Stranger), regìa ad Lenny Abrahamson
2018 - Waiting for the Miracle to Come, regìa ad Lian Lunson
2020 - Last Words, regìa ad Jonathan Nossiter
2020 - Saint Laurent - Summer of '21, regìa ad Gaspar Noé
2021 - È andato tutto bene (Tout s'est bien passé), regìa ad François Ozon
2021 - Benedetta, regìa ad Paul Verhoeven
2021 - Juniper, regìa ad Matthew J. Saville
2021 - Dune, regìa ad Denis Villeneuve
2024 - Dune - Parte due (Dune: Part Two), regìa ad Denis Villeneuve
2025 - Father Mother Sister Brother, regìa ad Jim Jarmusch

Culegamènt estéran

Àtar prugèt

Wikiquote contiene citazioni di o su Charlotte Rampling
Wikimedia Commons contiene file multimediali su Charlotte Rampling