Charlotte von Lengefeld

Da Wikipedia.

C'l artìcol chè 'l è scrit in Carpśàn Emiliàn

'N artrât dla Lengefeld piturê da Ludovike Simanowiz vers la fin dal Setsèint.
La Lengefeld in na stampa 'd metê Otsèint.

Charlotte Luise Antoinette von Schiller, nèda Charlotte von Lengefeld (22 'd novèmber 1766 – 9 ed lòj 1826) l'era stèda la mujēr 'dal puvéta e dramatùreg tudèsc Friedrich von Schiller. I dū e se spuśèven in dal 1790 e i gh'ìven quàter fiō: Karl Ludwig Friedrich (1793-1857), Ernst Friedrich Wilhelm (1796-1841), Karoline Luise Friederike Schiller (1799-1850), e Emilie Henriette Luise (1804-1872).

Anca se la Lengefeld la nn'ìva mìa publichê di scrìt in dla só vìta, mó però la scrivìva dimòndi lettri, a 'l marì, a só surèla, a la só amìga Charlotte von Stein, a Goethe, e cal cartèǵ chè 'l è stê publichê più volti. A s pèinsa che la Lengefeld l'àpia scrìt un quèlc lavōr ch'a s catèva da mêś a 'l cherti 'd só marì, e publichê in dal mùć, cuma pr eśèimpi la novèla Al matrimóni segrēt.

Vōś lighèdi

Èter progèt

Colegamèint a fóra

(EN) Na biografìa ed Schiller dal 1868 in sìm'a Google Books, pàǵ. 335.