Charles Laughton
|
C'l artìcul chè 'l è scrit in
Miranduléś |
Charles Laughton (Scarborough, 1 ad Luj dal 1899 - Hollywood, 15 ad Dicémbar dal 1962, a s lèś [tʃɑːlz ˈlɔːtən] in ingléś) 'l è stâ 'n atōr e regìsta britànic. Al gh'à na stéla in dla Hollywood Walk of Fame.
In dla sò caréra 'l è stâ bòṅ ad vìns'r un Prèmi Òscar in dal 1934 p'r al stòrig Le sei mogli di Enrico VIII in dua lò 'l iva fat la part dal rè Endrîg VIII, ólt'r a atri dó candidadùri in dal 1936 par La tragedia del Bounty, girâ cun Clark Gable, e in dal 1958 p'r al śal Testimone d'accusa, pelìcula cun Tyrone Power e la Marlene Dietrich.
A 'l inìsi dla sò caréra, tacàda in dal 1929 c'n al pulisiésc Piccadilly, a 'l ém vist in dal stòrig Il segno della croce (1932), in dla part d'l imperadōr Neròṅ e cun la Claudette Colbert in di pagn dla Poppea, in dal drama Il diavolo nell'abisso (1932), interpretâ insém a la Tallulah Bankhead, a Gary Cooper e a Cary Grant, e pò in d'l aventuróś La taverna della Giamaica (1939) girâ in dal Régn Unî par la regìa 'd Alfred Hitchcock.
A Hollywood 'l à recitâ in dal drama Notre Dame (1939), in di pagn dal dasfurmâ Quaśìmud, e pò incóra in dla cumèdia dramàtica Non desiderare la donna d'altri (1940), in còpia cun la Carole Lombard, in dal drama 'd Jean Renoir Questa terra è mia (1943), in dal rōl 'd un mìst'r elementàr bòṅ c'ma 'l paṅ, in dal thriller Quinto non ammazzare! (1944), insém a la Rosalind Ivan, in dal drama Il caso Paradine (1947), cun prutagunìsta l'Alida Valli e Gregory Peck cun lò in di pagn 'd un giùdas malmustóś, e in dal film pulisiésc L'uomo della Torre Eiffel (1948) in dla part dal Cumisàri Maigret.
In di an Sinquànta 'l à tòlt part a la cumèdia a epiśòdi La giostra umana (1952), cun l'Anne Baxter e la Marilyn Monroe, e a Hobson il tiranno. I sò dū ùltim lavōr a 'l cìnema i èṅ stâ al stòrig Spartacus ad Stanley Kubrick (1960), pelìcula cun Kirk Douglas, Laurence Olivier, Peter Ustinov, John Gavin e Tony Curtis, e 'l drama Tempesta su Washington 'd Otto Preminger (1962), in dla part 'd un senadōr dixie a fiànc ad Walter Pidgeon e 'd Henry Fonda.
In dla sò vita 'l à dirèt un film sōl, al noir La morte corre sul fiume c'n un cativìsim Robert Mitchum, prevòstar predicadōr e sasèṅ. 'L è mòrt a ssanta-tri an p'r un càncar. Anc se gay, al s éra spuśâ in dal 1929 cun la sò culéga Elsa Lanchester ch'l'è armàśa sèg par trénta-tri an.
Filmugrafìa
[mudéfica la surzéia]
_1.jpg)
.jpg)
cuma atōr
[mudéfica la surzéia]- 1929 - Piccadilly, regìa 'd Ewald André Dupont
- 1930 - Wolves, regìa 'd Albert de Courville
- 1931 - Down River, regìa ad Peter Godfrey
- 1932 - Il diavolo nell'abisso (Devil and the Deep), regìa ad Marion Gering
- 1932 - Il castello maledetto (The Old Dark House), regìa ad James Whale
- 1932 - Payment Deferred, regìa ad Lothar Mendes
- 1932 - Se avessi un milione (If I Had a Million), regìa ad James Cruze e H. Bruce Humberstone
- 1932 - Il segno della croce (The Sign of the Cross), regìa ad Cecil B. DeMille
- 1932 - L'isola delle anime perdute (Island of Lost Souls), regìa 'd Erle C. Kenton
- 1933 - Le sei mogli di Enrico VIII (The Private Life of Henry VIII), regìa 'd Alexander Korda
- 1933 - L'inferno verde (White Woman), regìa ad Stuart Walker
- 1934 - La famiglia Barrett (The Barrets of Wimpole Street), regìa ad Sidney Franklin
- 1935 - Il maggiordomo (Ruggles of Red Gap), regìa ad Leo McCarey
- 1935 - Il sergente di ferro (Les misérables), regìa ad Richard Boleslawski
- 1935 - La tragedia del Bounty (Mutiny on the Bounty), regìa ad Frank Lloyd
- 1936 - L'arte e gli amori di Rembrandt (Rembrandt), regìa 'd Alexander Korda
- 1937 - I, Claudius, regìa ad Josef von Sternberg (minga finî)
- 1938 - Il vagabondo dell'isola (Vessel of Wrath), regìa 'd Erich Pommer
- 1938 - Marciapiedi della metropoli (Sidewalks of London), regìa ad Tim Whelan
- 1939 - La taverna della Giamaica (Jamaica Inn), regìa 'd Alfred Hitchcock
- 1939 - Notre Dame (The Hunchback of Notre Dame), regìa ad William Dieterle
- 1940 - Non desiderare la donna d'altri (They Knew What They Wanted), regìa ad Garson Kanin
- 1941 - La prima è stata Eva (It Started with Eve), regìa 'd Henry Koster
- 1942 - Il peccatore di Tahiti (The Tuttles of Tahiti), regìa ad Charles Vidor
- 1942 - Destino (Tales of Manhattan), regìa ad Julien Duvivier
- 1942 - Forzate il blocco (Stand By for Action), regìa ad Robert Z. Leonard
- 1943 - Per sempre e un giorno ancora (Forever and a Day), regìa 'd Edmund Goulding e 'd Cedric Hardwicke
- 1943 - Questa terra è mia (This Land Is Mine), regìa ad Jean Renoir
- 1943 - Joko l'australiano (The Man from Down Under), regìa ad Robert Z. Leonard
- 1944 - Passport to Destiny, regìa ad Ray McCarey
- 1944 - Lo spettro di Canterville (The Canterville Ghost), regìa ad Jules Dassin
- 1944 - Quinto non ammazzare! (The Suspect), regìa ad Robert Siodmak
- 1945 - Capitan Kidd (Captain Kidd), regìa ad Rowland V. Lee
- 1946 - La commedia è finita (Because of Him), regìa ad Richard Wallace
- 1947 - Il caso Paradine (The Paradine Case), regìa 'd Alfred Hitchcock
- 1948 - Arco di trionfo (Arc of Triumph), regìa ad Lewis Milestone
- 1948 - Il tempo si è fermato (The Big Clock), regìa ad John Farrow
- 1948 - La ragazza di Manhattan (The Girl from Manhattan), regìa 'd Alfred E. Green
- 1949 - Corruzione (The Bribe), regìa ad Robert Z. Leonard
- 1949 - L'uomo della Torre Eiffel (The Man on the Eiffel Tower), regìa ad Burgess Meredith
- 1951 - Più forte dell'amore (The Blue Veil), regìa ad Curtis Bernhardt e 'd Busby Berkeley
- 1951 - Alan, il conte nero (The Strange Door), regìa ad Joseph Pevney
- 1952 - La giostra umana (O. Henry's Full House), regìa 'd Henry Koster
- 1952 - Kidd il pirata (Abbott and Costello Meet Captain Kidd), regìa ad Charles Lamont
- 1953 - Salomè, regìa ad William Dieterle
- 1953 - La regina vergine (Young Bess), regìa ad George Sidney
- 1954 - Hobson il tiranno (Hobson's Choice), regìa ad David Lean
- 1957 - Testimone d'accusa (Witness for The Prosecution), regìa ad Billy Wilder
- 1960 - Sotto dieci bandiere, regìa ad Duilio Coletti
- 1960 - Spartacus, regìa ad Stanley Kubrick
- 1962 - Tempesta su Washington (Advise & Consent), regìa 'd Otto Preminger
cuma regìsta
[mudéfica la surzéia]- 1955 - La morte corre sul fiume (The Night of the Hunter)
Culegamènt estéran
[mudéfica la surzéia]Àtar prugèt
[mudéfica la surzéia]
Wikiquote contiene citazioni di o su Charles Laughton
Wikimedia Commons contiene file multimediali su Charles Laughton
