Cha cha cha (film 2013)
|
C'l artìcul chè 'l è scrit in
Miranduléś |
 Cha cha cha | ||
.png) Argentero e la Herzigová in na figùra dal film | ||
| id. 2013 | ||
|---|---|---|
| Regìa: Marco Risi | ||
| Scritōr: Marco Risi Andrea Purgatori • Jim Carrington | ||
| Atōr: Luca Argentero • Eva Herzigová Claudio Amendola • Pietro Ragusa • Bebo Storti Marco Leonardi • Pippo Delbono • Shel Shapiro Jan Tarnovskiy • Rodolfo Corsato • Nino Frassica | ||
| Müsica: Marco I. Benevento | ||
| Léngua: Itagliàṅ | ||
| Dürä dal film: 90 minüt | ||
| Nasiōṅ: Itàglia • Frància | ||
Cha cha cha (id.) 'l è 'n thriller noir itagliàṅ e francéś dal 2013 ad Marco Risi, girâ a Róma.
Sunt
[mudéfica la surzéia]Corso (Luca Argentero) al fà 'l investigadōr privâ a Róma dòp che na vòlta 'l è stâ anc pulisiòt. Su incàrag dla Michelle (Eva Herzigová), mujēr dal putènt avucàt Argento (Pippo Delbono), al gh'à da tgnir 'd òć sò fiōl ad séd'ś an Tommaso (Jan Tarnovskiy), abû da śōvna da 'n àt'r óm (Mimmo Cuticchio). La dóna na vòlta la fava l'atōra e la gh'à abû anc na stòria cun Corso.
Na sira, méntar la Michelle l'è impgnàda in na fèsta in màscra cun di sò amìg e cun Shel Shapiro, al ragàs al pasa na nòt in discutéca, pò al tōś la sò minicar par turnàr a cà ma 'l vîṅ bcâ in pîṅ da 'n gipòṅ négar che pò al scapa via. Tommaso al mōr sóta i òć ad Corso ch'al n è minga cunvìns ch'a sia stâ 'n incidènt parchè la màchina ch'l'à fat al cuć la n iva minga frenâ. 'L investigadōr al próa a sintìr di amìg dal śōvan e Nick (Daniele Alan-Carter) al gh diś 'd avēr-ag dal fóto che lò al gh'iva girâ la sira prima 'd murìr.
Quànd Corso al và a cà sua par védar-li, al cata 'l ragàs mòrt, cuma s'a s fus fat na dôś ad dròga. Lè a gh'è anc al sò culéga cap ad pulisìa Torre (Claudio Amendola), un sugèt piutòst malmustóś ch'a pâr al n vója minga tant andàr-'g a fónd.
Cun 'l ajùt 'd al sò amìg infurmadōr Massa (Bebo Storti), Corso al riva prima a 'l sugèt aṿtōr dal fóto sparìdi (Marco Leonardi), in du a s véd 'l avucàt dascórar cun 'n inśgnēr pò catâ mòrt in un camp a Fiumsèṅ, e pò al gh la cava a sintìr la telefunàda che Tommaso 'l iva fat a Argento prima 'd murìr.