Carolyn Jones

C'l artìcul chè 'l è scrit in Miranduléś

La Carolyn Sue Jones (Amarillo, 28 'd Avrìl dal 1930 - West Hollywood, 3 'd Agóst dal 1983, a s lèś ['kærəlɪn dʒoʊnz] in ingléś), l'è stada n'atōra americàna, famóśa p'r avēr fat la part dla Morticia in dla série televiśìva di an Ssanta La famiglia Addams. Su i schérum pìcui a l'arcurdém anc par la part dla Myrna Graves in dla soap opera Capitol, che lē l'à fat par dagnóra utsènt epiśòdi, e par soquànti puntàdi 'd Alfred Hitchcock presenta, Batman, Il virginiano, Ellery Queen, Radici e Fantasilandia.

In dla sò caréra da atōra, tacàda a 'l inìsi di an Sinquànta, l'à tòlt part a dagnóra sènt prudusiòṅ fra film e telefìlm, cavànd-'g-la a ciapàr na nomination a i Prèmi Òscar in dal 1958 p'r al drama La notte dello scapolo, preśentâ in cuncōrs a 'l dècim Fèstival ad Cannes. Àtar film impurtànt ad cal perìud lè i èṅ stâ La maschera di cera (1953), pelìcula ad scarésa cun Vincent Price, al noir Il grande caldo (1953), cun prutagunìsta Glenn Ford, la cumèdia Quando la moglie è in vacanza (1955), a fiànc dla Marilyn Monroe, al fantasientìfic L'invasione degli ultracorpi (1956) firmâ Don Siegel, al thriller L'uomo che sapeva troppo (1956), insém a James Stewart e a la Doris Day, e 'l drama Vertigine (1958) cun Gene Kelly e la Natalie Wood.

Fra i sò ùltim lavōr a 'rcurdém al thriller L'uomo che doveva uccidere il suo assassino (1969), in dla part dla mujēr dal prutagunìsta Tom Tryon, e 'l film ad scarésa Quel motel vicino alla palude (1976) in dla part dla pruprietària 'd un caśèṅ.

La Jones l'è mòrta śōvna a sinquànta-tri an p'r un cànc'r a 'l budèli quànd l'éra custréta a star bèla su na scrana a rudèli. L'è saplìda in dal campsànt 'd Anaheim in Califòrgna. In dla sò vita la s éra spuśàda quàtar vòlti.

Filmugrafìa

1952 - Furore sulla città (The Turning Point), regìa ad William Dieterle
1952 - La principessa di Bali (Road to Bali), regìa 'd Hal Walker
1953 - Polizia militare (Off Limits), regìa ad George Marshall
1953 - La guerra dei mondi (The War of the Worlds), regìa ad Byron Haskin
1953 - La maschera di cera (House of Wax), regìa 'd André De Toth
1953 - Il grande caldo (The Big Heat), regìa ad Fritz Lang
1953 - Geraldine, regìa ad R.G. Springsteen
1954 - La fossa dei dannati (Make Haste to Live), regìa ad William A. Seiter
1954 - La fortezza dei tiranni (The Saracen Blade), regìa ad William Castle
1954 - Il colpevole è fra noi (Shield for Murder), regìa 'd Edmond O'Brien e Howard W. Koch
1954 - 3 ore per uccidere (Three Hours to Kill), regìa 'd Alfred L. Werker
1954 - Désirée, regìa 'd Henry Koster
1955 - Quando la moglie è in vacanza (The Seven Year Itch), regìa ad Billy Wilder
1955 - Il fidanzato di tutte (The Tender Trap), regìa ad Charles Walters
1956 - L'invasione degli ultracorpi (Invasion of the Body Snatchers), regìa ad Don Siegel
1956 - L'uomo che sapeva troppo (The Man Who Knew Too Much), regìa 'd Alfred Hitchcock
1956 - Sesso debole? (The Opposite Sex), regìa ad David Miller
1957 - La notte dello scapolo (The Bachelor Party), regìa ad Delbert Mann
1957 - Johnny Trouble, regìa ad John H. Auer
1957 - Faccia d'angelo (Baby Face Nelson), regìa ad Don Siegel
1958 - Vertigine (Marjorie Morningstar), regìa 'd Irving Rapper
1958 - La via del male (King Creole), regìa ad Michael Curtiz
1959 - Imputazione omicidio (The Man in the Net), regìa ad Michael Curtiz
1959 - Il giorno della vendetta (Last Train from Gun Hill), regìa ad John Sturges
1959 - Un uomo da vendere (A Hole in the Head), regìa ad Frank Capra
1959 - Il prezzo del successo (Career), regìa ad Joseph Anthony
1960 - Lo zar dell'Alaska (Ice Palace), regìa ad Vincent Sherman
1961 - Rapina a... nave armata (Sail a Crooked Ship), regìa 'd Irving Brecher
1962 - La conquista del West (How the West Was Won), regìa 'd Henry Hathaway e John Ford
1963 - Le astuzie della vedova (A Ticklish Affair), regìa ad George Sidney
1969 - Il pistolero di Dio (Heaven with a Gun), regìa ad Lee H. Katzin
1969 - L'uomo che doveva uccidere il suo assassino (Color Me Dead), regìa 'd Eddie Davis
1977 - Quel motel vicino alla palude (Eaten Alive), regìa ad Tobe Hooper
1977 - Halloween con la famiglia Addams (Halloween with the New Addams Family), regìa ad David Steinmetz – Film TV
1979 - Il peccato (Good Luck, Miss Wyckoff), regìa ad Marvin J. Chomsky

Culegamènt estéran

(IT) La sò paśna su 'l IMDb

Àtar prugèt

Wikimedia Commons contiene file multimediali su Carolyn Jones